ГалоўнаяНавіныКніжныя выстаўкі
Адкрыты доступ да электронных рэсурсаў Taylor & Francis
Край, асвечаны бусламі

Вялікі знаўца мовы роднай зямлі

Вялікі знаўца мовы роднай зямлі
Іншыя навіны

З 14 снежня па 15 студзеня ў зале беларускай літаратуры (пам. 205) ладзіцца выстаўка “Вялікі знаўца мовы роднай зямлі”, прысвечаная 75-годдзю Валянціны Пятроўны Лемцюговай, вядомага беларускага мовазнаўца.


В. Лемцюгова – таленавіты вучоны, доктар філалагічных навук, прафесар, старшыня Рэспубліканскай тапанімічнай камісіі пры Нацыянальнай акадэміі навук Беларусі, член тапанімічнай камісіі пры Савеце Міністраў Рэспублікі Беларусь. У славянскім лінгвістычным свеце мовазнаўца карыстаецца вялікім аўтарытэтам і павагай. Асноўнымі кірункамі яе навуковых інтарэсаў з’яўляюцца анамастыка, лексікалогія і лексікаграфія, дыялекталогія, тэрміналогія, культура мовы.

Выданні, якія дэманструюцца на выстаўцы, адлюстроўваюць плённую шматгадовую працу В. Лемцюговай. Яна з’яўляецца аўтарам першага ў беларускай і славянскай лексікаграфіі “Украінска-беларускага слоўніка” (1980). У сааўтарстве з Г. У. Арашонкавай В. Лемцюгова склала “Слоўнік цяжкасцей беларускай мовы” (1987, 2005), слоўнік-даведнік “Кіраванне ў беларускай і рускай мовах” (1991), “Кароткі слоўнік беларускай мовы” (1994).

Пры яе актыўным удзеле створаны такія фундаментальныя працы па філалогіі, як “Беларуская граматыка” (т. 1, 1985), “Лексічны атлас беларускіх народных гаворак” (у 5 т.; т. 1, 1995), “Слоўнік мовы «Нашай нівы» (1906–1915)” (у 5 т.; т. 1, 2003; т. 2, 2007), нарматыўны даведнік “Назвы населеных пунктаў Рэспублікі Беларусь” (у 6 кн., 2003–2010) і інш. Экспазіцыя змяшчае публікацыі ў перыядычных выданнях і калектыўных зборніках і шмат іншых цікавых работ, у тым ліку манаграфіі “Беларуская айканімія” (1970), “Восточнославянская ойконимия апеллятивного происхождения” (1983), кніга навукова-папулярных эцюдаў “Тапонімы распавядаюць” (2008).

Выстаўка будзе цікавая выкладчыкам, студэнтам і інш.

Кантактны тэлефон: 293-27-16.

             
                 
             

Навіны

Завяршыўся VIII Міжнародны кангрэс “Бібліятэка як феномен культуры”

22 Кас 2021

На працягу двух дзён у Нацыянальнай бібліятэцы Беларусі праходзілі пасяджэнні, круглыя сталы, майстар-класы VIII Міжнароднага кангрэса “Бібліятэка як феномен культуры”. Удзельнікі абмяркоўвалі надзённыя праблемы бібліятэчнай сферы, звязаныя з вызначэннем місіі бібліятэк, іх ролі і месцы ў сучасным грамадстве ва ўмовах пандэміі.

Навіны Нацыянальнай бібліятэкі Беларусі

Выдадзена “Інструкцыя па ўліку i захаванасці фондаў Нацыянальнай бібліятэкі Беларусі”

22 Кас 2021

Выйшла з друку “Інструкцыя па ўліку i захаванасці фондаў Нацыянальнай бібліятэкі Беларусі”, якая ўстанаўлівае адзіныя правілы ўліку i захаванасці дакументаў, што складаюць фонды і калекцыі бібліятэкі.

Навіны Нацыянальнай бібліятэкі Беларусі

Канферэнцыя ў Маскве “Кніжныя помнікі ў аспекце захаванасці” (+відэа)

22 Кас 2021

19–21 кастрычніка ва Усерасійскай дзяржаўнай бібліятэцы замежнай літаратуры імя М.І. Рудаміно прайшла 5-я штогадовая Міждысцыплінарная навукова-практычная канферэнцыя “Кніжныя помнікі ў аспекце захаванасці”.

Навіны Нацыянальнай бібліятэкі Беларусі

Бібліятэка як феномен культуры: завяршыўся першы дзень працы VIII Міжнароднага кангрэса

21 Кас 2021

У Нацыянальнай бібліятэцы Беларусі абмеркавалі актуальныя пытанні бібліятэчнай сферы ў кантэксце новых выклікаў часу і новых магчымасцей і рашэнняў.

Навіны Нацыянальнай бібліятэкі Беларусі

Пасяджэнне Савета бібліятэк Беларусі па інфармацыйным узаемадзеянні

21 Кас 2021

21 кастрычніка ў рамках VIII Міжнароднага кангрэса “Бібліятэка як феномен культуры” адбылося пасяджэнне Савета бібліятэк Беларусі па інфармацыйным узаемадзеянні.

Навіны Нацыянальнай бібліятэкі Беларусі

22 Кас 2021

У сённяшнім успрыманні творчай спадчыны Язэпа Драздовіча (1888–1954) на першым плане стаіць выяўленчае мастацтва, узоры якога прадстаўлены ў беларускіх музеях, сабраны пад вокладкамі альбомаў. Літаратурная практыка ў значна меншай ступені рэпрэзентавана і асэнсавана, хоць менавіта яна можа паслужыць ключом да расшыфроўкі кодаў незвычайных, касмічных тэм і сюжэтаў аўтара «Нябесных бегаў» (1931).

Навіны бібліятэк

Бібліятэка – як феномен культуры: адкрыўся штогадовы міжнародны кангрэс

21 Кас 2021

21 кастрычніка ў Нацыянальнай бібліятэцы Беларусі пачаў працу VIII Міжнародны кангрэс “Бібліятэка як феномен культуры”. Тэма гэтага года: “Бібліятэкі ва ўмовах пандэміі: новыя магчымасці, новыя рашэнні”.

Навіны Нацыянальнай бібліятэкі Беларусі

Апублікавана праграма кангрэса “Бібліятэка як феномен культуры”

20 Кас 2021

Апублікавана праграма VІІІ Міжнароднага кангрэса “Бібліятэка як феномен культуры”, які пройдзе 21–22 кастрычніка 2021 года на базе Нацыянальнай бібліятэкі Беларусі.

Навіны Нацыянальнай бібліятэкі Беларусі

Бібліятэкарам