ГалоўнаяНавіныКніжныя выстаўкі
“Праздниковъ праздникъ и торжество есть торжествъ”
Адкрыты доступ да ЭБС “ЛітРэс”

Вялікі фларэнтыец

Вялікі фларэнтыец
Іншыя навіны

З 13 красавіка па 28 мая ў зале выяўленчых і відэадакументаў (пам. 307) ладзіцца выстаўка “Вялікі фларэнтыец”, прысвечаная 560-годдзю з дня нараджэння Леанарда да Вінчы (1452–1519).


Ёсць людзі, чыё з’яўленне ў свет імгненнай успышкай азарае стагоддзе, злучаючы ўсё, чаму наканавана было зліцца, і ўключае ў сферу свайго агню многае з таго, пра што чалавецтва і не задумвалася.

Геніяльны італьянскі жывапісец, скульптар, архітэктар, вучоны, літаратар і музыкант, Леанарда быў сынам свайго часу і яго бліскучым вучнем. Сам ён лічыў сябе вынаходнікам жывапісных эфектаў, новых скульптурных форм, машын, будынкаў, алегорый, фестываляў і строяў – усяго таго, што адносіцца да галіны мастацтва, рукатворных вобразаў. Але ў дадатак да таго ён спрабаваў вынайсці спосабы кіравання сіламі прыроды. Усё ў свеце, як ён лічыў, падпарадкоўваецца законам прапорцый статыкі і дынамікі. Знаўца сакрэтаў геаметрыі, гэты сярэдневяковы Фаўст пранікнуў і ў таямніцы сіл прыроды, і ў сутнасныя асновы разнастайных цудаў і эфектаў. Ён адным з першых усвядоміў значнасць эксперымента, аднак не стаў яго сляпым рабом. Зрэшты, практыку без апоры на навуку маэстра параўноўваў з мараком без компаса. Ён гаварыў: “Навука – палкаводзец, практыка – салдат”.

Валодаючы філасофскім складам розуму, мастак быў у той жа час бліскучым кавалерам у грамадстве, складаў забаўныя гісторыі і мудрагелістыя загадкі-прыпавесці. Выдатна спяваў і іграў, імправізуючы вершы і музыку, і нават вынаходзіў музычныя інструменты: вядома яго срэбная лютня ў форме галавы каня, ліра з галавой дракона, праграмуемы барабан.

Экспазіцыю склалі шматлікія выданні і публікацыі, прысвечаныя творчасці і жыццю Леанарда да Вінчы, у ліку якіх – А.І. Пячонкін “Загадочная Джоконда” (2009), G. Vasari “Vies des peintres” (1999), Ч. Нікал “Леонардо да Винчи. Полет разума” (2006) і інш. Шырока прадстаўлены на выстаўцы таксама рэпрадукцыі вядомых жывапісных шэдэўраў майстра: “Мона Ліза” (Джаконда), “Мадонна Літа”, “Мадонна з Немаўлём і святой Ганнай”, “Мадонна ў скалах”, “Мадонна з калаўротам”, “Пакланенне вешчуноў”. Наведвальнікі адкрыюць для сябе мастака і праз знакамітыя фрэскі “Тайная вячэра” і “Бітва пры Ангіяры”, а таксама праз серыю магічных партрэтаў фларэнтыйскіх дам Джынеўры дэі Бенчы і Чэчыліі Галерані.

На выстаўцы прадстаўлена звыш 120 дакументаў.

Кантактны тэлефон: (+375-17) 293-27-58.

Навіны

Заняткі на выставе “Энцыклапедыя. Нацыянальны праект”

17 Сту 2020

26 студзеня ў межах пасяджэнняў “Клуба кніжных прафесараў” адбудуцца ўнікальныя заняткі на выставе “Энцыклапедыя. Нацыянальны праект” з куратарам выставы Ксеніяй Сушай.

Навіны Нацыянальнай бібліятэкі Беларусі

У бібліятэцы адзначылі Дзень літаб’яднання «Маладняк»

16 Сту 2020

16 студзеня ў рамках Дня літаб’яднання «Маладняк» у бібліятэцы прайшоў круглы стол «Маладнякоўскімі крокамі», святочная імпрэза і адкрыццё выстаўкі ў музеі кнігі, на якой упершыню ў адной экспазіцыі прадстаўлена спадчына маладнякоўцаў.

Навіны Нацыянальнай бібліятэкі Беларусі

Да 70-годдзя з дня нараджэння Тамары Аксёнавай

15 Сту 2020

15 студзеня 2020 г. спаўняецца 70 гадоў з дня нараджэння Тамары Уладзіміраўны Аксёнавай, ветэрана Нацыянальнай бібліятэкі Беларусі, высокакваліфікаванага спецыяліста ў галіне бібліятэчнай і бібліяграфічнай дзейнасці, дасведчанага кіраўніка, здольнага арганізатара і актыўнага грамадскага дзеяча.

Партрэты: гісторыя бібліятэкі ў асобах

Глядзіце, які ролік выйшаў пра бібліятэку!

17 Сту 2020

Зоркі шоу-бізнесу Андрэй Бонд і Вольга Нікіфарава пабывалі ў Нацыянальнай бібліятэцы Беларусі і былі ўражаны ўсімі магчымасцямі, якія даступны нашым чытачам. Што ўдалося даведацца – глядзіце ў новым роліку.

Навіны Нацыянальнай бібліятэкі Беларусі

Лепшы падарунак – экскурсія

14 Сту 2020

Навагоднія святы – час цудаў і прыемных сюрпрызаў, калі кожны імкнецца падзяліцца радасцю і душэўным цяплом з блізкім. Нацыянальная бібліятэка Беларусі традыцыйна праводзіць дабрачынныя экскурсіі і іншыя сацыякультурныя мерапрыемствы.

Навіны Нацыянальнай бібліятэкі Беларусі

111