ГалоўнаяНавіныКніжныя выстаўкі
Будзе выдадзены першы навуковакаментаваны збор твораў Янкі Брыля
Адкрыта рэгістрацыя на VI Форум бібліятэкараў Беларусі

Вялікая Айчынная вайна ў творах мастацкай літаратуры

Вялікая Айчынная вайна ў творах мастацкай літаратуры
Іншыя навіны

9 мая наша краіна адзначае знакавае свята – Дзень Перамогі. Да гэтай падзеі прымеркавана выстаўка “Вялікая Айчынная вайна ў творах мастацкай літаратуры”, арганізаваная сумесна з Нацыянальным архівам Рэспублікі Беларусь.

Беларусь перажыла мноства спусташальных войнаў. Асабліва пакутнай стала Вялікая Айчынная вайна.

Вялікую ролю ў дакладнасці апісання падзей ваенных гадоў адыграла трапнае, узвышаючае, натхняльнае слова пісьменнікаў і паэтаў. Менавіта яны, непасрэдныя ўдзельнікі баявых дзеянняў, данеслі да сучаснага пакалення гісторыю чалавечых лёсаў і ўчынкаў людзей, ад якіх часам залежала жыццё. Літаратары ваеннага ліхалецця праўдзіва апісвалі ў сваіх творах атмасферу фронту, партызанскага руху, цяжкасці паходнага жыцця і жыцця ў тыле, моцнае салдацкае сяброўства, сапраўдны гераізм.

На кніжнай выстаўцы прадстаўлены выданні і архіўныя матэрыялы ваеннага і пасляваеннага часу, створаныя аўтарамі – удзельнікамі ваенных дзеянняў. Сярод іх творы пісьменнікаў-франтавікоў у такіх жанрах прозы, як апавяданні, памфлеты, аповесці, раманы, публіцыстычныя артыкулы.

Патрыятызм, самаахвярнасць у барацьбе з ворагам, кемлівасць герояў у крытычных сітуацыях знайшлі сваё адлюстраванне ў творах Алеся Адамовіча, Васіля Быкава, Янкі Брыля, Кузьмы Чорнага, Міхася Лынькова, Івана Шамякіна, Івана Мележа і інш.

Самым папулярным і любімым жанрам у гады Вялікай Айчыннай вайны з’яўлялася паэзія, якая нараджалася ў зямлянках, акопах, падчас перапынкаў паміж баямі. На гэты перыяд прыходзіцца росквіт творчага майстэрства такіх вядомых паэтаў, як Якуб Колас, Кандрат Крапіва, Аркадзь Куляшоў, Пятрусь Броўка, Пятро Глебка, Максім Танк, Пімен Панчанка, Мікола Сурначоў, Анатоль Астрэйка,  Антон Бялевіч і інш.

Літаратурна-мастацкае жыццё ў партызанскіх зонах, масавую паэзію партызан і падпольшчыкаў адлюстроўваюць архіўныя дакументы 1940-х гадоў.

Проза і паэтычная спадчына ўдзельнікаў Вялікай Айчыннай вайны з’яўляецца і сёння жывой памяццю аб гераізме народа. Унікальныя творы мастацкай літаратуры натхнёна адлюстравалі бессмяротны подзвіг абаронцаў радзімы. Творчая спадчына аўтараў ваеннага часу па праве складае залаты фонд айчыннай і сусветнай літаратуры.


Выстаўка, размешчаная ў кальцавым калідоры 2-га паверха, працуе з 5 мая да 22 чэрвеня.
Дата яе заканчэння можа быць зменена.

Час работы выстаўкі адпавядае рэжыму работы бібліятэкі.
Уваход – па чытацкім білеце або білеце сацыякультурнага цэнтра.

Прадстаўленыя ў экспазіцыі кнігі можна заказаць праз электронны каталог Нацыянальнай бібліятэкі Беларусі.

Тэлефон для даведак: (8 017) 293 29 80.

Матэрыял пададзены аддзелам галерэйна-выставачнай дзейнасці.

Навіны

Падведзены вынікі XXIX Рэспубліканскага конкурсу “Бібліятэка – асяродак нацыянальнай культуры”

14 Май 2021

14 мая ў Нацыянальнай бібліятэцы Беларусі ў анлайн рэжыме адбылося паседжанне журы па падвядзенні вынікаў XXIX Рэспубліканскага конкурсу “Бібліятэка – асяродак нацыянальнай культуры”.

Навіны Нацыянальнай бібліятэкі Беларусі

Ад радыё да падкаста: гісторыя агучанай літаратуры

14 Май 2021

Чытанне – не самае простае хобі. Яно займае шмат часу, бо не кожны можа засяродзіцца на кнізе ў вагоне метро, часам паглыбленне ў свет літаратуры павінна адбывацца ў вельмі асаблівых умовах, у цішыні і за зачыненымі дзвярыма. Побыт паглынае нас з галавой, а чытаць так хочацца! Вось і прыходзяць на дапамогу аўдыякнігі. Але адкуль яны ўзяліся і да чаго ўсё вядзе? Давайце паглядзім на гісторыю гэтага незвычайнага фармату літаратуры – аўдыя.

Аўтарскі погляд

13 Май 2021

Якім запомніўся Змітрок Бядуля па кароткіх звестках з падручнікаў і хрэстаматый? Калі арыентавацца толькі на школьную праграму, вобраз пісьменніка падаецца няпоўным. У яго шмат твораў на рэлігійную тэму, з якіх відаць, што літаратар добра ведаў Біблію, а хрысціянскае светаадчуванне было для яго натуральным. Так, піша пра нараджэнне Хрыста – і не ў рэчышчы высмейвання, а з пачуццём замілавання і захаплення, глыбокага перажывання рэлігійнага таемства.

Навіны бібліятэк

Віртуальная чытальная зала НББ для бібліятэк Віцебшчыны: інфармацыйныя рэсурсы і патэнцыял аддаленага абслугоўвання

13 Май 2021

Працягваем серыю віртуальных сустрэч з публічнымі бібліятэкамі з розных рэгіёнаў Беларусі. 13 мая прайшоў анлайн-семінар “Магчымасці выкарыстання рэсурсаў віртуальнай чытальнай залы Нацыянальнай бібліятэкі Беларусі ў інфармацыйным бібліятэчным абслугоўванні карыстальнікаў бібліятэк Віцебскай вобласці”.

Навіны Нацыянальнай бібліятэкі Беларусі

Літаратурныя смачнасці: 10 мастацкіх кніг з рэцэптамі

12 Май 2021

У дажджлівыя вясновыя дзянькі абавязкова хочацца чым-небудзь сябе пацешыць. Добры спосаб – заняцца любімым хобі, сустрэцца з сябрамі або... проста паесці. Пэўна ў вашым спісе любімых рэчаў пункт “смачная ежа” ідзе адразу пасля мастацкай літаратуры, а калі яны спалучаюцца, атрымліваецца цудоўны спосаб падбадзёрыць сябе і натхніць на будучыя здзяйсненні – можа, нават кулінарныя. Сёння мы паглядзім на дзесяць выдатных мастацкіх кніг, у якіх гатаванне мае важную ролю, а стравы абавязкова хочацца пакаштаваць. Падрыхтуйце хустачкі: ад некаторых апісанняў проста слінкі цякуць.

Аўтарскі погляд

Семінар-практыкум “Беларускія тэксты арабскім пісьмом”

12 Май 2021

У бібліятэцы скончыліся заняткі ў рамках семінара-практыкуму “Беларускія тэксты арабскім пісьмом”, падчас якіх усе зацікаўленыя мелі ўнікальную магчымасць навучыцца чытаць кітабы.

Навіны Нацыянальнай бібліятэкі Беларусі

Чырвоная кніга

12 Май 2021

13 мая ў музеі кнігі пачне працу выстава “Чырвоная кніга”. Галоўным экспанатам стане арт-кніга маладых беларускіх мастакоў Марыны Жвірбля і Фёдара Шурмялёва.

Кніжныя выстаўкі

Бібліятэкарам
111