ГалоўнаяНавіныКніжныя выстаўкі
Калядная кніжная гравюра
Афіцыйны візіт дэлегацыі Санкт-Пецярбурга

Вядомы гісторык, энцыклапедыст і кнігавыдавец

Вядомы гісторык, энцыклапедыст і кнігавыдавец
Іншыя навіны

З 21 снежня па 8 студзеня ў зале беларускай літаратуры праходзіць кніжная выстаўка “Вядомы гісторык, энцыклапедыст і кнігавыдавец”, прысвечаная 80-годдзю з дня нараджэння Іосіфа Пятровіча Хаўратовіча.


Асноўныя тэмы навукова-даследчых прац беларускага гісторыка, заслужанага дзеяча культуры Беларусі (1983) І.П. Хаўратовіча прысвечаны нацыянальна-вызваленчаму і рэвалюцыйнаму руху ў Заходняй Беларусі, Вялікай Айчыннай вайне, гісторыі савецка-польскіх адносін, гістарыяграфіі і інш.

Шматгранная навуковая дзейнасць І.П. Хаўратовіча раскрываецца ў раздзеле “Глыбокі і дасканалы даследчык”. Тут ён прадстаўлены як адзін з аўтараў калектыўнай манаграфіі “Революционный путь Компартии Западной Белоруссии (1921–1939 гг.)” (1966), як аўтар шматлікіх артыкулаў, напісаных для 12-томнага выдання “Беларуская Савецкая Энцыклапедыя” (1969–1975), 6-томнай “Энцыклапедыі гісторыі Беларусі” (1993–2003). Ён аўтар нарысаў пра выдатных рэвалюцыянераў і барацьбітоў за ўладу Саветаў В.З. Харужую, А.Р. Салаўя, Л.І. Родзевіча, У.М. Азіна, М.В. Фрунзе і інш.

І.П. Хаўратовіч з’ўляецца складальнікам “Ілюстраванай храналогіі гісторыі Беларусі”, якая выдавалася як на беларускай (1995, 1997), так і на рускай мовах (1998, 2000, 2002). Удзельнічаў у складанні грунтоўных дакументальных зборнікаў, напісанні прадмоў і каментарыяў да іх. У экспазіцыі прадстаўлены таксама шматлікія выданні, якія выйшлі пад яго навуковай рэдакцыяй, напрыклад, бібліяграфічныя даведнікі: “Кніга Беларусі: зводны каталог (1517–1917)” (1986), “Гісторыя Камуністычнай партыі Беларусі” (1968, 1981), а таксама “Храналогія гісторыі Беларусі” (1982, 1989, 1992) і інш. У складзе рэдакцыйнай калегіі прымаў удзел у падрыхтоўцы выданняў “Памяць” (Талачынскага, Ляхавіцкага, Быхаўскага раёнаў), “Гарады і вёскі Беларусі: энцыклапедыя. Т. 1. Кн.1: Гомельская вобласць” і інш. І.П. Хаўратовіч удзельнічаў у распрацоўцы і ажыццяўленні навукова-метадычных прынцыпаў стварэння энцыклапедый.

Пра жыццё і творчасць Іосіфа Пятровіча знаёмяць публікацыі, змешчаныя ў раздзеле “Нястомны працаўнік”.

На выстаўцы прадстаўлена больш за 60 дакументаў.

Кантактны тэлефон: 293-27-16.

Навіны

Выкладчыкі раяць: што чытаць, каб не забыць сваю англійскую, нямецкую і нават чэшскую мову

24 Ліс 2017

У сучасным свеце без ведання замежных моў не абысціся. Але колькі б намаганняў мы ні прыкладалі вывучаючы мовы, наша памяць з часам бязлітасна пазбаўляецца ад усяго слоўнікавага запасу, варта хоць на месяц перастаць практыкавацца. Дык што ж рабіць? Адказ: чытаць, вядома. Выкладчыкі моўнай школы LinguaLand склалі для вас выдатную падборку кніг, якія не толькі падтрымаюць ваш узровень ведаў, але і захопяць самой гісторыяй. Так што хапайце слоўнікі і свае чытацкія білеты: мы ідзём вучыцца!

Аўтарскі погляд

24 лістапада спаўняецца 80 гадоў Тамары Канстанцінаўне Радзевіч, ветэрану Нацыянальнай бібліятэкі Беларусі, высокакваліфікаванаму спецыялісту ў галіне бібліятэчнай справы

24 Ліс 2020

Тамара Канстанцінаўна нарадзілася ў горадзе Мінску ў сям'і служачага. Калі пачалася Вялікая Айчынная вайна, бацька Тамары пайшоў на фронт, а маці з сям’ёй вымушана была эвакуіравацца на Урал. Як і многія жыхары Беларусі, дзяўчынка перажыла ўсе жахі вайны.

Партрэты: гісторыя бібліятэкі ў асобах

21 лістапада спаўняецца 115 гадоў з дня нараджэння Фёдара Уладзіміравіча Сцепанюка, дырэктара Нацыянальнай бібліятэкі Беларусі з 1961 па 1968 год

21 Ліс 2020

Нарадзіўся Фёдар Уладзіміравіч у 1905 г. у в. Чэрск Брэсцкага раёна Беларускай ССР. Падчас Першай сусветнай вайны ў 1915 г. ён з бацькамі пераехаў у с. Яфімаўка Бузулукскага павета Самарскай губерні. Там ужо з 11-гадовага ўзросту Фёдар на працягу 5 гадоў працаваў пастухом па найму.

Партрэты: гісторыя бібліятэкі ў асобах

111