ГалоўнаяНавіныКніжныя выстаўкі
Адхінуўшы покрыва таямнічасці
Аднаўляльныя крыніцы энергіі – дастойная альтэрнатыва

Усіх паяднала музыка

Усіх паяднала музыка
Іншыя навіны

З 1 лістапада па 4 снежня ў зале нотных і аўдыявізуальных дакументаў (пам. 305) праходзіць выстаўка “Усіх паяднала музыка”, прымеркаваная да 85-годдзя Беларускага саюза кампазітараў.

Вялікаму мастацтву музыкі служаць людзі розных прафесій – спевакі, выканаўцы на музычных інструментах, дырыжоры і канцэртмайстры, музыказнаўцы і педагогі, гукарэжысёры і крытыкі. Аднак іх праца не была б магчымай без галоўнага – музычных твораў, якiя ствараюцца прадстаўнікамі самай творчай прафесіі – кампазітарамі.

Гісторыя і сучаснасць Беларускага саюза кампазітараў – гэта сотні і тысячы твораў у розных жанрах, якія палюбіліся слухачам і сталі папулярнымі або, магчыма, забыліся з часам альбо засталіся незразумелымі. У кожнага аўтара ёсць надзея на пераемнасць, на тое, што памяць маладых беларусаў захавае імёны-легенды, а са свядомасці не знікне высокае паняцце “прафесійны музыкант”.

Усяго экспазіцыя налічвае больш за 80 дакументаў. Кнігі і артыкулы з перыядычных выданняў, ноты і аўдыядакументы пазнаёмяць наведвальнікаў з вядомымі аўтарамі – членамі Беларускага саюза кампазітараў, іх творчымі дасягненнямі, а таксама прадэманструюць разнапланавасць жанраў іх твораў. Сярод прадстаўленых імёнаў – прызнаныя класікі і сучасныя майстры, імёны якіх займаюць годнае месца ў сусветнай мастацкай прасторы: І. Любан, М. Чуркін, М. Аладаў, А. Багатыроў, Я. Цікоцкі, Я. Глебаў, Г. Вагнер, І. Лучанок, В. Капыцько, Д. Смольскі, В. Кузняцоў, А. Хадоска і іншыя.

Час работы выстаўкі адпавядае рэжыму работы бібліятэкі.
Уваход – па чытацкім білеце або білеце сацыякультурнага цэнтра бібліятэкі.

Спіс літаратуры па тэме

Тэлефон для даведак: (8 017) 293 27 52.
Навіны

27 Ліс 2020

У Оршы – родным горадзе Уладзіміра Караткевіча – да 90-годдзя з дня яго нараджэння намалявалі мурал у гонар літаратара. Вялікі партрэт класіка ўпрыгожыў жылы дом на рагу вуліц Уладзіміра Караткевіча і Жан-Поля Марата.

Навіны бібліятэк

Мерапрыемства да 75-годдзя агульнай Перамогі ў Музеі гісторыі Вялікай Айчыннай вайны

30 Ліс 2020

27 лістапада ў рамках візіту расійскай дэлегацыі ў Музеі гісторыі Вялікай Айчыннай вайны адбылася дыскусія на тэму “Да 75-годдзя агульнай Перамогі. Роля расійскай і беларускай культуры ў захаванні гістарычнай памяці і процідзеянні фальсіфікацыі гісторыі”.

Навіны Нацыянальнай бібліятэкі Беларусі

Краязнаўчыя рэсурсы публічных бібліятэк на віртуальнай пляцоўцы НББ

27 Ліс 2020

24–25 лістапада ў Нацыянальнай бібліятэцы Беларусі для бібліятэк Гродзенскай, Мінскай і Магілёўскай абласцей прайшлі навучальныя мерапрыемствы, якія закрылі серыю вебінараў, прысвечаных краязнаўчым інфармацыйным рэсурсам публічных бібліятэк.

Навіны Нацыянальнай бібліятэкі Беларусі

Больш, чым пісьменнік: адкрылася выстаўка “Княства вобразаў і слоў” (+ відэа)

26 Ліс 2020

26 лістапада а 17-й гадзіне ў галерэі “Мабільная” (3-ці паверх) адбылося адкрыццё выстаўкі “Княства вобразаў і слоў”. Экспазіцыя прымеркавана да 90-годдзя з дня нараджэння класіка беларускай літаратуры Уладзіміра Сямёнавіча Караткевіча.

Навіны Нацыянальнай бібліятэкі Беларусі

У бібліятэцы прайшло пасяджэнне калегій міністэрстваў культуры Беларусі і Расіі

27 Ліс 2020

26 лістапада ў Нацыянальнай бібліятэцы Беларусі адбылося сумеснае пасяджэнне калегій Міністэрства культуры Рэспублікі Беларусь і Міністэрства культуры Расійскай Федэрацыі.

Навіны Нацыянальнай бібліятэкі Беларусі

111