ГалоўнаяНавіныКніжныя выстаўкі
Пасяджэнне Савета кіраўнікоў урадаў Садружнасці Незалежных Дзяржаў
IV Беларуска-Літоўскі эканамічны форум

Усе розныя, усе унікальныя

Усе розныя, усе унікальныя
Іншыя навіны

З 21 мая 2008 года Нацыянальная бібліятэка Беларусі прапануе тэматычную кніжную выстаўку «Усе розныя, усе унікальныя», прысвечаную Сусветнаму дню культурнай разнастайнасці для дыялога і развіцця.



Культурная разнастайнасць і яе захаванне ў планетарным маштабе з’яўляюцца сёння актуальнай праблемай, што дыскутуецца і вырашаецца на розных узроўнях і ў розных краінах. Гэта адзін з прыярытэтных напрамкаў дзейнасці ЮНЕСКА і Савета Еўропы. 31-я Генеральная канферэнцыя ЮНЕСКА, што праходзіла ў лістападзе 2001 года, прыняла Усеагульную дэкларацыю аб культурнай разнастайнасці і План дзеянняў па яе рэалізацыі. 21 мая 2003 года было абвешчана Міжнародным днём у падтрымку Дэкларацыі і Плану дзеянняў.

Культурная разнастайнасць разумеецца як частка агульначалавечай спадчыны, якая, з’яўляючыся крыніцай абменаў, узнікнення новых ідэй і развіцця творчасці, так жа неабходна для чалавецтва, як біялагічная разнастайнасць для жывой прыроды. Таму яе варта захоўваць у інтарэсах цяперашняга і наступнага пакаленняў і разглядаць у якасці аднаго з асноўных правоў чалавека.

Кніжная выстаўка налічвае каля 300 дакументаў:
  • кнігі, што закранаюць праблемы этнакультурных кантактаў, пытанні трансляцыі і дыялога культур, нацыянальна-культурнай і этнаграфічнай спецыфікі, нацыянальнага менталітэту розных народаў;
  • даследаванні і канцэпцыі міжкультурнага ўзаемадзеяння і ўзаемнага ўплыву культур народаў усіх кантынентаў;
  • навукова-папулярныя выданні краіназнаўчага характару, што змяшчаюць этнапсіхалагічную характарыстыку асобных народаў;
  • вучэбна-метадычныя дапаможнікі па асновах міжкультурнай камунікацыі ў шматнацыянальным дзелавым асяроддзі.
Шырока прадстаўлена ў экспазіцыі культурная спадчына Беларусі, прыведзены аналіз жыцця і дзейнасці беларусаў у розных краінах і ў розны час. Культура беларускага замежжа – велізарны пласт беларускай нацыянальнай культуры. Дыяспара – працяг нацыі ў свеце, таму яе вывучэнне неабходна пры ажыццяўленні дыпламатычных адносін і міжнародных кантактаў.

Экспазіцыя размешчана на 3-м паверсе кальцавога калідора.

Кантактны тэлефон 293-28-86.
Навіны

Краязнаўчыя рэсурсы публічных бібліятэк на віртуальнай пляцоўцы НББ

27 Ліс 2020

24–25 лістапада ў Нацыянальнай бібліятэцы Беларусі для бібліятэк Гродзенскай, Мінскай і Магілёўскай абласцей прайшлі навучальныя мерапрыемствы, якія закрылі серыю вебінараў, прысвечаных краязнаўчым інфармацыйным рэсурсам публічных бібліятэк.

Навіны Нацыянальнай бібліятэкі Беларусі

Больш, чым пісьменнік: адкрылася выстаўка “Княства вобразаў і слоў” (+ відэа)

26 Ліс 2020

26 лістапада а 17-й гадзіне ў галерэі “Мабільная” (3-ці паверх) адбылося адкрыццё выстаўкі “Княства вобразаў і слоў”. Экспазіцыя прымеркавана да 90-годдзя з дня нараджэння класіка беларускай літаратуры Уладзіміра Сямёнавіча Караткевіча.

Навіны Нацыянальнай бібліятэкі Беларусі

У бібліятэцы прайшло пасяджэнне калегій міністэрстваў культуры Беларусі і Расіі

27 Ліс 2020

26 лістапада ў Нацыянальнай бібліятэцы Беларусі адбылося сумеснае пасяджэнне калегій Міністэрства культуры Рэспублікі Беларусь і Міністэрства культуры Расійскай Федэрацыі.

Навіны Нацыянальнай бібліятэкі Беларусі

#BelBookChallenge 2020 – на старт!

27 Ліс 2020

Калі вы даўно хацелі бліжэй пазнаёміцца з сучаснай беларускай літаратурай, але Сусвет усё ніяк не падаваў вам знак, то – вось ён! З 26 лістапада па 6 лютага ў гонар 90-годдзя з дня нараджэння Уладзіміра Караткевіча Нацыянальная бібліятэка запускае кніжны чэлендж. Кіньце кніжны выклік самому сабе!

Навіны Нацыянальнай бібліятэкі Беларусі

Віншуем: генеральны дырэктар Нацыянальнай бібліятэкі Беларусі абраны прэзідэнтам Бібліятэчнай асамблеі Еўразіі!

25 Ліс 2020

25 лістапада на XXIV Агульным сходзе членаў некамерцыйнага партнёрства “Бібліятэчная асамблея Еўразіі” (БАЕ) прайшлі выбары прэзідэнта.

Навіны Нацыянальнай бібліятэкі Беларусі

111