З 1 ліпеня па 29 жніўня 2016 г. у зале перыядычных выданняў (пам. 106) праходзіць тэматычная выстаўка “У цэнтры ўвагі – энергетыка”.
Праблема энергазахавання ў апошнія гады набыла асаблівую актуальнасць. У свеце прадпрымаюцца велізарныя намаганні па ўкараненні інавацыйных рашэнняў і тэхналогій, якія дазваляюць скараціць спажыванне электраэнергіі.
Для Рэспублікі Беларусь, якая не валодае значнымі запасамі паліўна-энергетычных рэсурсаў, пытанні энергазахавання заўсёды былі прыярытэтныя, а ў святле істотнага павышэння сусветных цэн на прыродны газ і нафту сталі асабліва вострыя. Эфектыўнае выкарыстанне энергіі як сродку для паніжэння выдаткаў грамадства на энергазабеспячэнне забяспечвае ўстойлівае развіццё краіны, павышае канкурэнтаздольнасць прадукцыйных сіл і спрыяе ахове навакольнага асяроддзя.
У часопісах “Энергоэффективность”, “Энергетическая стратегия”, “Проблемы управления”, “Экономика Беларуси”, “Главный энергетик”, “Городское хозяйство” закранаюцца тэмы энергаэфектыўнага будаўніцтва, энергазахавання ў ЖКГ, магчымасці выкарыстання нетрадыцыйных і аднаўляльных крыніц энергіі, палітыкі энергазахавання ў сельскай і лясной гаспадарцы, харчовай прамысловасці і інш. Артыкулы з часопісаў “Энергия и менеджмент”, “Промышленная безопасность”, “Энергетика и ТЭК”, “Директор” і інш. пазнаёмяць наведвальнікаў выстаўкі з перспектывамі развіцця энергетычнай галіны, навуковым падходам да інавацый у галіне энергетыкі, раскажуць пра цікавы замежны і айчынны вопыт ўкаранення энергетычнай стратэгіі.
Усяго на выстаўцы прадстаўлена каля 40 перыядычных выданняў.
Кантактны тэлефон: (8 017) 293 25 87.
 |
 |
 |
 |
 |
 |
