З 1 лістапада па 31 снежня ў зале перыядычных выданняў (пам. 106) праходзіць тэматычная выстаўка “У свеце ведаў: перыядычныя выданні для педагогаў і псіхолагаў”.
Мэта выстаўкі – інфармаванне наведвальнікаў пра часопісы і газеты, у тым ліку і новыя выданні, па педагогіцы і псіхалогіі. У фондзе залы перыёдыкі налічваецца звыш 60 часопісаў і газет, якія змяшчаюць публікацыі па дадзеных галінах ведаў. Вялікая частка гэтых выданняў прадстаўлена ў экспазіцыі. Сярод крыніц – “Веснік адукацыі”, “Народная асвета”, “Адукацыя і выхаванне”, “Мінская школа сёння”, “Кіраванне ў адукацыі”, “Настаўніцкая газета” і многія інш.
Наведвальнікі выстаўкі азнаёмяцца з метадычнымі дакументамі, рэгламентуючымі дзейнасць агульнаадукацыйных устаноў Беларусі, інфармацыйна-камунікацыйнымі тэхналогіямі ў галіне педагогікі, вопытам выкарыстання інфармацыйных сістэм кіравання. Цікавасць таксама выклічуць спецыялізаваныя часопісы, якія расказваюць пра адукацыйныя тэхналогіі ў выкладанні асобных школьных прадметаў: матэматыкі, моў, біялогіі, хіміі, геаграфіі, фізікі, гісторыі. Пра тое, што немалаважную ролю ў станаўленні і развіцці чалавека адыгрывае сям’я і школа, нагадаюць публікацыі з часопісаў “Сацыяльна-педагагічная работа”, “Воспитание школьников”, “Праблемы выхавання”, “Пралеска”, “Пачатковая школа” і інш.
Кантактны тэлефон: (8 017) 293 25 87.