ГалоўнаяНавіныКніжныя выстаўкі
Рукапісы і рэдкія выданні Якуба Коласа ў музеі кнігі
Каліноўскі без… “крылаў”?

У пачатку быў Полацк: да 1150-годдзя горада

У пачатку быў Полацк: да 1150-годдзя горада
Іншыя навіны

З 28 лютага па 31 кастрычніка ў музеі кнігі (пам. 348) дэманструецца выстаўка “У пачатку быў Полацк: да 1150-годдзя горада”.


Выстаўка прысвечана найстаражытнейшаму гораду Беларусі – Полацку і знаёміць са значнымі падзеямі яго гісторыі і развіццём кніжнай культуры.У экспазіцыі прадстаўлены гістарычныя крыніцы ХIII–XVI стст. Сярод іх – факсімільнае ўзнаўленне Радзівілаўскага летапісу, дзе можна знайсці першае ўпамінанне пра Полацк (862 г.); старадрукі хронік XVI ст. на лацінскай і польскай мовах: Мацея Стрыйкоўскага “Хроніка польская, літоўская, жамойцкая i ўсяе Русі” (1582), Аляксандра Гваньіні “Хроніка Еўрапейскай Сарматыі” (1581, 1611). Яны ўключаюць звесткі пра перыяд Лівонскай вайны (1558–1583), у ходзе якой Полацк неаднаразова станавіўся аб’ектам заваявання.

Ураджэнцамі Полацка былі выдатныя дзеячы культуры агульнаеўрапейскага маштабу Францыск Скарына і Сімяон Полацкі. З пражскімі выданнямі першадрукара можна пазнаёміцца ў рамках асноўнай экспазіцыі музея кнігі, а на выстаўцы дэманструюцца зборнікі пропаведзяў Сімяона Полацкага “Обед душевный” (1681) і “Вечеря душевная” (1683).

Выстаўка знаёміць з полацкімі гістарычнымі кнігазборамі: бібліятэкай полацкага Сафійскага сабора (ХI–XVI стст.), бібліятэкай Полацкага езуіцкага калегіума (XVI–XIX стст.), а таксама з бібліятэкамі Полацкай духоўнай семінарыі (XIX ст.) і Полацкага кадэцкага корпуса (XIХ–XX стст.). У экспазіцыі змешчаны кнігі, прыналежнасць якіх да полацкіх кнігазбораў можна вызначыць па правененцыях (экслібрысах, пячатках і рукапісных запісах). Дэманструюцца таксама старадрукі XVIII ст., выпушчаныя ў друкарні Полацкага езуіцкага калегіума на польскай і лацінскай мовах. Сярод іх – “Miesięcznik Połocki” (“Полацкі месячнік”) – першы часопіс на тэрыторыі дарэвалюцыйнай Беларусі.

На выстаўцы дэманструюцца выданні XIX – пачатку ХХ ст., прысвечаныя гісторыі і культуры Полацка. Аўтар большасці кніг – Аляксей Парфёнавіч Сапуноў, беларускі гісторык, археограф, краязнавец.

Кантактны тэлефон: 293-25-85.

Навіны

Сярэдневяковая мініяцюра, злыя зайцы і маргіналіі: што гэта такое і дзе пра гэта чытаць

21 Чэр 2021

Вы любіце ілюстрацыі. Хто іх не любіць? Малюнкі заўсёды засвойваюцца куды прасцей і хутчэй, чым шматстаронкавыя тэксты, а калі яны яшчэ і для вока прыемныя, задавальненне вырастае ўдвая. Так думалі і людзі ў Сярэдневякоўі, а таму шчодра дадавалі ў свае кнігі каляровыя мініяцюры. Вы пэўна бачылі некалькі такіх – шалёныя зайцы з дзідамі, ціхамірныя людзі ў дзіўных позах, рыцары змагаюцца са слімакамі... Давайце разбяромся, чаму кніжная мініяцюра такая незвычайная.

Аўтарскі погляд

21 Чэр 2021

Кнігі маладой пісьменніцы Ганны Чыж-Літаш — адны з самых запатрабаваных у чытацкай аўдыторыі. Актуальныя праблемы, якія ўзнімае аўтарка, — пошукі сэнсу жыцця, сяброўства, любові, сябе — нікога не пакідаюць абыякавым, таму што кожны так ці інакш штодзённа мусіць іх вырашаць, адказваць на спрадвечныя пытанні ўласнымі ўчынкамі. Паказаныя праз простыя сюжэты і немудрагелістыя дыялогі, апісаныя ў сітуацыях, у якія можа трапіць кожны, — гэтыя праблемы спрыяюць раскрыццю ўнутранага свету сучаснікаў, праз што яны становяцца блізкімі і зразумелымі чытачам любога ўзросту.

Навіны бібліятэк

Заснавальнік фармацэўтычных навук у Беларусі

21 Чэр 2021

21 чэрвеня спаўняецца 280 гадоў з дня нараджэння вядомага французскага вучонага-энцыклапедыста, доктара медыцыны, прафесара Жана Эмануэля Жылібера (1741‒1814), які па праве лічыцца заснавальнікам фармацэўтычных навук у Беларусі. Ён стварыў і некалькі гадоў узначальваў першую вышэйшае медыцынскую ўстанову на тэрыторыі сучаснай Беларусі – Гродзенскую медыцынскую акадэмію.

Па старонках беларускага календара

Аўтару “Флоры Літвы” – 280 гадоў

21 Чэр 2021

21 чэрвеня 1741 г., роўна 280 гадоў таму, нарадзіўся сусветна вядомы французскі вучоны, батанік, лекар і педагог Жан Эмануэль Жылібер. Навуковая дзейнасць знакамітага натураліста была цесна звязана з тэрыторыяй сучаснай Беларусі. Менавіта ён стаў заснавальнікам “Цэнтра медыцынскай адукацыі і медыка-біялагічных навук” у Гродна і аўтарам навуковай кнігі “Флора Літвы”.

Навіны Нацыянальнай бібліятэкі Беларусі

20 Чэр 2021

На вуліцы Зялёнай, 10 у аграгарадку Будслаў, што на Мядзельшчыне, стаіць пафарбаваны ў зялёны колер дом. Тут 12 верасня 1893 года ў сям'і Вінцэнта і Францішкі Мядзёлкаў нарадзілася дачка, якой далі незвычайнае імя Паўліна. Хто ж ведаў тады, што гэтае дзіця Богам адоранае шматлікімі талентамі: педагога, літаратара, актрысы.

Навіны бібліятэк

Вэбінар па тэхналагічных пытаннях каталагізацыі ў РЗЭК

17 Чэр 2021

16 чэрвеня ў Нацыянальнай бібліятэцы прайшоў вэбінар, прысвечаны тэхналагічным пытанням каталагізацыі ў рэгіянальных зводных электронных каталогах (РЗЭК) бібліятэк Беларусі.

Навіны Нацыянальнай бібліятэкі Беларусі

Бібліятэкарам
111