ГалоўнаяНавіныКніжныя выстаўкі
Больш за 9 000 кніг: падведзены вынікі года ў кнігавыдавецкай сферы
“Школа даследчыка” навучыць, дзе і як шукаць літаратуру

У Маскве адкрылася выстаўка “Сімяон, сын Полацка”

У Маскве адкрылася выстаўка “Сімяон, сын Полацка”
Іншыя навіны

12 снежня ў Дзелавым і культурным комплексе Пасольства Рэспублікі Беларусь у Расійскай Федэрацыі адкрылася кніжна-ілюстрацыйная выстаўка “Сімяон, сын Полацка”, прысвечаная 390-годдзю з дня нараджэння дзяржаўнага, царкоўнага і культурнага дзеяча Беларусі і Расіі.

Экспазіцыя раскрывае шматгранную асобу Сімяона Полацкага як асветніка, багаслова, прапаведніка, паэта, драматурга, кнігавыдаўца і настаўніка. Беларус па нараджэнні, Самуіл Гаўрылавіч Пятроўскі-Сітняновіч атрымаў адукацыю ў вышэйшых навучальных установах Рэчы Паспалітай і стаў першым маскоўскім асветнікам еўрапейскага тыпу. Яго творчасць, сфармаваная ў атмасферы культурнага памежжа, аб'яднала літаратурныя традыцыі Захаду і Усходу Еўропы і ўвяла рускую літаратуру ў рэчышча агульнаеўрапейскага мастацкага працэсу эпохі барока.

На выстаўцы прадстаўлены выданні і публікацыі ХХ–ХХI стст. з фондаў Нацыянальнай бібліятэкі Беларусі. Каштоўнасць гэтых матэрыялаў, па-першае, у іх даступнасці: даступныя як самі выданні, так іх змястоўны аспект. Па-другое, экспанаты адлюстроўваюць пэўны зрэз даследчыцкай і выдавецкай цікавасці да асобы Сімяона Полацкага ў ХХ ст. і на сучасным этапе.

У экспазіцыю ўвайшлі выданні пра родны горад асветніка – Полацк, дзе зарадзілася беларуская дзяржаўнасць і адкуль выйшла цэлая плеяда выбітных гістарычных асоб. Таксама адлюстраваны перыяд жыцця, калі, адпраўляючыся ў Маскву, ён вёз з сабой “плады еўрапейскай вучонасці”: на выстаўцы пазначаныя месцы, дзе былі сабраныя гэтыя “плады”, і сферы, дзе яны знайшлі сваё адлюстраванне.

Наведвальнікі могуць азнаёміцца ​​з факсімільным выданнем першай кнігі асветніка “Жезл правления”, падрыхтаваным Нацыянальнай бібліятэкай Беларусі па замове ААТ “Белгазпрамбанк”, біяграфічнымі манаграфіямі і мастацкай літаратурай аб культурным дзеячы.

Прадстаўленая геральдыка-эмблематычная паэма Сімяона Полацкага “Орел Российский” (1667), якая аб'ядноўвае мастацтва слова і афармлення, была ўручана аўтарам цару Аляксею Міхайлавічу з нагоды афіцыйнай аб'явы спадчыннікам прастола царэвіча Аляксея Аляксеевіча.

Ілюстрацыйны матэрыял, які ўключае партрэты, аўтографы, малюнкі гарадоў, тытульныя лісты, цытаты, наглядна дэманструе яркія эпізоды, сімвалы і знакавыя этапы ў лёсе і творчасці нашага славутага земляка.

Госці і жыхары Масквы могуць наведаць выстаўку на працягу месяца.

Матэрыял прадстаўлены аддзелам сувязей з грамадскасцю.

Навіны

VOKA бясплатна пакажа спектакль пра Скарыну па п’есе Віктара Марціновіча

22 Сту 2021

23 студзеня на відэасэрвісе VOKA адбудзецца трансляцыя спектакля Рэспубліканскага тэатра беларускай драматургіі “Кар’ера доктара Рауса”. Ён пастаўлены па п’есе Віктара Марціновіча, галоўным героем якой з’яўляецца Францыск Скарына.

Навіны бібліятэк

Стваральнік “Маладняка”: новы віртуальны раздзел да 115-годдзя Андрэя Александровіча

22 Сту 2021

У 2021 годзе мы працягваем плённую працу над сумесным праектам “На хвалі часу, у плыні жыцця”, які парадуе карыстальнікаў новымі цікавымі матэрыяламі і навінамі. Праект ажыццяўляе Нацыянальная бібліятэка Беларусі, Дзяржаўны музей гісторыі беларускай літаратуры, Беларускі дзяржаўны архіў-музей літаратуры і мастацтва і Выдавецкі дом “Звязда” (часопіс “Маладосць”).

Да 100-годдзя літаб'яднання "Маладняк"

Новы віртуальны праект да 100-годдзя Нацыянальнай бібліятэкі Беларусі

21 Сту 2021

Прапануем вашай увазе віртуальны праект “Нацыянальная бібліятэка Беларусі ў сучаснай прэсе”, прысвечаны 100-годдзю галоўнай бібліятэкі краіны. Праект плануецца рэалізоўваць на працягу 2021–2022 гг.

Да 100-годдзя Нацыянальнай бібліятэкі Беларусі

Песня аб райскім жыцці: інсітнае мастацтва Алены Кіш

21 Сту 2021

У 2021 годзе спаўняецца 125 гадоў самабытнай мастачцы, унікальнаму майстру, прадстаўніцы наіўнага мастацтва Алене Кіш. Яна з’яўляецца стваральнікам унікальнага выяўленчага жанру аўтарскага размаляванага дывана.

Па старонках беларускага календара

Без панікі: чаму дзецям карысна чытаць страшныя гісторыі і як рабіць гэта правільна

20 Сту 2021

Дамы з прывідамі, жывыя мерцвякі, злавесныя праклёны... Змрочныя гісторыі заўсёды лічыліся больш прыдатнымі для старэйшай аўдыторыі, такое не варта даваць чытаць дзецям. І вельмі дарма: у страшылках значна больш карысці, чым эфемернай шкоды. Праўда, да іх – як і да ўсіх кніг – варта падыходзіць з розумам. Сёння мы паглядзім, як адкрыць для дзіцяці забаронены свет страшных гісторый і чаму гэта ў цэлым карысна.

Аўтарскі погляд

Да 90-годдзя бібліёграфа Алены Іосіфаўны Леў, якая прысвяціла трыццаць два гады развіццю бібліятэчнай справы

21 Сту 2021

Увесь калектыў Нацыянальнай бібліятэкі Беларусі сардэчна віншуе Алену Іосіфаўну з юбілеем і жадае ёй моцнага здароўя, невычэрпнай энергіі і сіл, радасці, шчасця і дабрабыту.

Партрэты: гісторыя бібліятэкі ў асобах

Бібліятэкарам
111