З 1 сакавіка па 30 красавіка 2008 года ў зале перыядычных выданняў (пам. 106) праходзіць тэматычная выстаўка «У ХХI стагоддзе – з высокімі тэхналогіямі».
На выстаўцы прадстаўлена звыш 30 публікацый з навуковых, навукова-практычных часопісаў і газет, якія выйшлі за апошнія 3 гады.
У артыкулах разглядаецца роля і значэнне высокіх тэхналогій у забеспячэнні ўстойлівага развіцця нацыянальнай эканомікі, павышэнні яе канкурэнтаздольнасці.
Сярод матэрыялаў, якія экспануюцца на выстаўцы, прадстаўлены публікацыі аб будаўніцтве ў рэспубліцы Парка высокіх тэхналогій і перспектывах яго развіцця. Плануецца, што акрамя распрацоўкі і ўкаранення інфармацыйна-камунікацыйных тэхналогій і праграмнага забеспячэння, тут будуць весціся работы па 12 высокатэхнічных кірунках – ад стварэння матэрыялаў для мікра- і нанаэлектронікі да авіяцыйнай і ракетна-касмічнай тэхнікі. Са стварэннем Парка высокіх тэхналогій з’явяцца дадатковыя магчымасці для развіцця розных галін навукі і тэхнікі.
Шматлікія артыкулы экспазіцыі знаёмяць наведвальнікаў з найноўшымі распрацоўкамі і праектамі ў галіне інфармацыйных тэхналогій.
Выстаўка разлічана на шырокае кола чытачоў.
Кантактны тэлефон: 293-25-87