З 29 верасня па 31 кастрычніка ў зале нотных і аўдыёдакументаў (пам. 305) ладзіцца тэматычная выстаўка "У адзіны хор злілося шматгалоссе...", прысвечаная беларускай харавой музыцы.
На выстаўцы прадстаўлены новыя паступленні з фондаў Нацыянальнай бібліятэкі Беларусі. Гэта запісы хароў Ірыны Дзянісавай, Алены Атрашкевіч, Аліны Безенсон, Людмілы Шлег, Андрэя Бандарэнкі, Сяргея Бугасава, Рыгора Суруса, Міхаіла Васючкова, Ганны Кароткінай, Ігара Хадоскі і рэпертуарныя зборнікі самадзейных харавых калектываў.
Асобнымі раздзеламі экспануюцца творы для дзіцячых і юнацкіх хароў, а таксама зборнікі духоўнай музыкі.
Экспазіцыя, якая налічвае больш за 80 дакументаў, уключае нотныя выданні, гуказапісы, артыкулы і кнігі пра беларускую харавую музыку.
Прадстаўленыя на выстаўцы дакументы будуць цікавыя як прафесіяналам, так і аматарам жанру харавога спеву.
Кантактны тэлефон: 293-27-52.