Цярпімасць – вечная каштоўнасць у зменлівым свеце

З 5 па 25 лістапада ў зале дакументаў міжнародных арганізацый (пам. 207g) ладзіцца выстаўка “Цярпімасць – вечная каштоўнасць у зменлівым свеце”, прымеркаваная да Міжнароднага дня, прысвечанага цярпімасці.

Гэты Дзень быў абвешчаны Генеральнай Асамблеяй ААН 12 снежня 1996 г. (рэзалюцыя 51/95) і штогод адзначаецца 16 лістапада.

Рашэнне пра яго заснаванне было прынята ў сувязі з правядзеннем у 1995 г. Года Арганізацыі Аб’яднаных Нацый, прысвечанага цярпімасці. Гэты Год быў абвешчаны па ініцыятыве 28-й Генеральнай канферэнцыі ЮНЕСКА, на якой 16 лістапада 1995 г. была прынята Дэкларацыя прынцыпаў цярпімасці і Праграма дзеянняў у працяг мерапрыемстваў Года.

Дэкларацыя пацвярджае, што цярпімасць – гэта не ўступка або паблажка. Гэта павага і правільнае разуменне багатай разнастайнасці культур нашага свету, форм самавыяўлення і спосабаў праяўлення чалавечай індывідуальнасці. Цярпімасць – гэта адносіны, сфарміраваныя на аснове прызнання ўніверсальных праў і асноўных свабод чалавека. Людзі па сваёй прыродзе адрозніваюцца, і толькі цярпімасць можа забяспечыць выжыванне змешаных абшчын у кожным рэгіёне свету.

У апошнія гады ва ўмовах росту насельніцтва і павелічэння міграцыі назіраецца рэзкі рост колькасці выпадкаў праяўлення нецярпімасці, экстрэмізму і насілля ва ўсім свеце. Асобныя людзі і цэлыя абшчыны становяцца аб’ектамі насілля і жорсткасці толькі ў сілу іх этнічнай, рэлігійнай, нацыянальнай або іншай самабытнасці. Такія пагрозы, будзь то шырокамаштабны генацыд або штодзённая знявага з-за прадузятасцей, выклікаюць трывогу. Таму ААН лічыць барацьбу супраць нецярпімасці адным з галоўных напрамкаў сваёй дзейнасці. Выхаванне цярпімасці павінна быць накіравана на процідзеянне ўплыву, які вядзе да страху і непрымання іншых. Яно павінна дапамагаць развіццю ў людзей пачуцця незалежнасці, крытычнага мыслення і этычнай ацэнкі. Рэлігійная, моўная, культурная і этнічная разнастайнасць нашага свету з’яўляецца не падставай для ўзнікнення канфліктаў, а скарбам, які робіць наша грамадства, усіх нас багацейшымі.

Штогадовае правядзенне Міжнароднага дня цярпімасці дазваляе людзям лепш ведаць пра традыцыі і вераванні адзін аднаго, разумець, што можна шанаваць свае асаблівасці, не ненавідзячы асаблівасці іншых. Гэты Дзень закліканы яшчэ раз нагадаць грамадству, што разнастайнасць, увасобленая ў думках, вераваннях і дзеяннях, з’яўляецца каштоўным дарам, а не пагрозай, і што кожны з нас павінен імкнуцца падтрымліваць прынцыпы цярпімасці, плюралізму, узаемнай павагі і мірнага суіснавання.

У дакументах, экспануемых на выстаўцы, разглядаюцца праблемы і пагрозы, якія нясе нецярпімасць чалавецтву, і прапаноўваюцца розныя шляхі, метады і праграмы, накіраваныя на барацьбу супраць экстрэмізму, ксенафобіі, насілля і нецярпімасці. Падкрэсліваецца важная роля ўрадаў розных краін свету, няўрадавых і міжнародных арганізацый ва ўкараненні ў жыццё сусветнай супольнасці культуры міру, плюралізму, узаемнай павагі і мірнага суіснавання.

Экспазіцыя ўключае наступныя тэматычныя раздзелы:

• Цярпімасць – неад’емны элемент праў чалавека.
• Выхаванне ў духу цярпімасці.
• Дыялог паміж культурамі.
• Дыялог паміж цывілізацыямі – талерантнасць у рашэнні палітычных і сацыяльных канфліктаў.
• Культура міру.

На выстаўцы прадстаўлена звыш 60 дакументаў міжнародных арганізацый (ААН, ЮНЕСКА, Еўрапейскага саюза і інш.) на рускай, англійскай і нямецкай мовах: кнігі, перыядычныя выданні, мімеаграфаваныя матэрыялы ААН (мастхед), брашуры, буклеты.

Выстаўка будзе карысная шырокаму кругу чытачоў, якія цікавяцца культурай міру, культурнай разнастайнасцю, праблемамі сучасных міжканфесійных адносін, пытаннямі талерантнасці ў духоўнай, сацыякультурнай і рэлігійнай сферах.

Карысныя спасылкі:

• Міжнародны дзень, прысвечаны цярпімасці
• Міжнародны дзень барацьбы за ліквідацыю расавай дыскрымінацыі (A/RES/2142 (XXI))
• Сусветны дзень культурнай разнастайнасці ў імя дыялогу і развіцця (A/RES/57/249)
• Міжнародны дзень міру (A/RES/36/67 | A/RES/55/282)
• Сусветны тыдзень гарманічных міжканфесійных адносін
• Тыдзень салідарнасці з народамі, якія змагаюцца супраць расізму і расавай дыскрымінацыі (A/RES/34/24)
• Міжнародны год збліжэння культур (A/RES/62/90)
• Год дыялогу паміж цывілізацыямі пад эгідай ААН (A/RES/53/22)
• Міжнародны год культуры міру (A/RES/52/15)
• Год Арганізацыі Аб’яднаных Нацый, прысвечаны цярпімасці (A/RES/48/126)
• Міжнароднае дзесяцігоддзе культуры міру і ненасілля ў інтарэсах дзяцей планеты (A/RES/59/143)
• Трэцяе Дзесяцігоддзе дзеянняў па барацьбе супраць расізму і расавай дыскрымінацыі (A/RES/48/91)
• Альянс цывілізацый
• Дыялог паміж цывілізацыямі і культура міру
• Маніфест 2000 г. (распрацаваны групай лаўрэатаў Нобелеўскай прэміі міру)
• Прадухіленне генацыду
• Правы меншасцей
• Сусветная канферэнцыя па барацьбе супраць расізму, расавай дыскрымінацыі, ксенафобіі і звязанай з імі нецярпімасцю (Дурбан, Паўднёвая Афрыка, 31–7 верасня 2001 г.)

Дакументы

• Рэзалюцыі Генеральнай Асамблеі
  • пытанні цярпімасці
  • дыялог паміж цывілізацыямі
  • культура міру
  • барацьба супраць дыфамацыі рэлігій
• Даклады і запіскі Генеральнага сакратара
  • пытанні цярпімасці
  • дыялог паміж цывілізацыямі
  • культура міру
  • барацьба супраць дыфамацыі рэлігій
• Дакументы па падтрымцы міжрэлігійнага і міжкультурнага ўзаемаразумення і супрацоўніцтва на карысць міру

Дэкларацыі, канвенцыі і пагадненні

• Дэкларацыя прынцыпаў цярпімасці (1995 год)
• Стамбульская адозва, прынятая ўдзельнікамі Сімпозіума па пытанні аб цярпімасці (Стамбул, Турцыя, 4–6 кастрычніка 1995 г.)
• Дэкларацыя аб правах асоб, якія належаць да нацыянальных або этнічных, рэлігійных і моўных меншасцей (1992)
• Дэкларацыя аб ліквідацыі ўсіх форм нецярпімасці і дыскрымінацыі на аснове рэлігіі або перакананняў (1981)
• Міжнародная канвенцыя аб ліквідацыі ўсіх форм расавай дыскрымінацыі (1965)
• Дэкларацыя Арганізацыі Аб’яднаных Нацый аб ліквідацыі ўсіх форм расавай дыскрымінацыі (1963)
• Канвенцыя па прадухіленні і пакаранні злачынства генацыду