ГалоўнаяНавіныКніжныя выстаўкі
Праўда і крыўда
Асамблея, арганізаваная фондам “Русский мир”

Цярпімасць. Павага. Дыялог

Цярпімасць. Павага. Дыялог
Іншыя навіны

З 9 па 30 лістапада ў зале дакументаў міжнародных арганізацый (пам. 207g) адкрыта тэматычная выстаўка “Цярпімасць. Павага. Дыялог”, прымеркаваная да Міжнароднага дня, прысвечанага цяпімасці.


Гэты дзень быў ўрачыста абвешчаны Генеральнай Асамблеяй ААН у 1996 годзе (рэзалюцыя 51/95 ад 12 снежня) і штогод адзначаецца 16 лістапада.

Рашэнне абвясціць гэты дзень было прынята па ініцыятыве 28-й Генеральнай канферэнцыі ЮНЕСКА, на якой былазацверджана Дэкларацыя прынцыпаў цярпімасці.

Цярпімасць (талерантнасць) раскрываецца як “павага, прыняцце і правільнае разуменне багатай разнастайнасці культур нашага свету, нашых формаў самавыяўлення і спосабаў праяўлення чалавечай індывідуальнасці”. Дэкларацыя абвяшчае “прызнанне таго, што людзі па сваёй прыродзе адрозніваюцца па знешнім выглядзе, становішчы, маўленні, паводзінах і каштоўнасцях і валодаюць правам жыць у свеце і захоўваць сваю індывідуальнасць”.

Цярпімасць служыць асновай для ўзаемнага разумення і павагі. Гэта такі падыход да жыцця, які дазваляе квітнець багатай разнастайнасці сусветных культур. Гэта і краевугольная складаючая намаганняў шматлікіх дзяржаў і народаў, накіраваная на павагу, дыялог і ўзаемадзеянне паміж рознымі культурамі, цывілізацыямі і народамі.

Выхаванне цярпімасці набывае асаблівую важнасць ў цяперашнюю эпоху імклівай глабалізацыі, мабільнасці і ўзаемазалежнасці. Ва ўмовах жорсткай эканамічнай канкурэнцыі ў свеце, міграцыі насельніцтва і скарачэння адлегласцей пытанне аб суіснаванні носьбітаў розных культур і вераванняў робіцца асабліва актуальным. Разнастайнасць – гэта неацэннае багацце, але яно можа стаць і вытокам напружанасці. Цярпімасць здольна дапамагчы ў вырашэнні патэнцыяльных канфліктаў. Яна можа садзейнічаць выкараненню праяўленняў расавай і культурнай перавагі і дапамагаць грамадствам у першаступенным пераадоленні ўкаранелых прымхаў і стэрэатыпаў. Цярпімасць робіць магчымым дасягненне міру і вядзе ад культуры вайны да культуры міру.

Экспазіцыя ўключае наступныя тэматычныя раздзелы:

  • дыялог паміж цывілізацыямі – талерантнасць у вырашэнні палітычных і сацыяльных канфліктаў;
  • культура міру;
  • цярпімасць – неад’емны элемент праў чалавека;
  • выхаванне ў духу цярпімасці;
  • дыялог паміж культурамі.

На выстаўцы прадстаўлена больш за 50 дакументаў міжнародных арганізацый (ААН, ЮНЕСКА, Еўрапейскага саюза і інш.) на рускай, англійскай і нямецкай мовах: кнігі, перыядычныя выданні, мімеаграфаваныя матэрыялы ААН (мастхед), брашуры, буклеты.

Выстаўка будзе цікавая для шырокага кола чытачоў, якія цікавяцца разнастайнасцю культур, праблемамі сучасных міжканфесійных адносін, пытанням талерантнасці ў духоўнай, сацыякультурнай і рэлігійнай сферах.

Карысныя спасылкі

Арганізацыя Аб’яднаных Нацый

ЮНЕСКА

Дадатковая інфармацыя

Навіны

У Маскве адкрылася выстаўка “Сімяон, сын Полацка”

13 Сне 2019

12 снежня ў Дзелавым і культурным комплексе Пасольства Рэспублікі Беларусь у Расійскай Федэрацыі адкрылася кніжна-ілюстрацыйная выстаўка “Сімяон, сын Полацка”, прысвечаная 390-годдзю з дня нараджэння дзяржаўнага, царкоўнага і культурнага дзеяча Беларусі і Расіі.

Кніжныя выстаўкі

“Школа даследчыка” навучыць, дзе і як шукаць літаратуру

13 Сне 2019

Нацыянальная бібліятэка Беларусі валодае шырокім спектрам электронных інфармацыйных рэсурсаў, якія адлюстроўваюць не толькі нашы фонды і фонды іншых бібліятэк, але і дзясяткі мільёнаў лепшых сусветных публікацый з ліцэнзійных баз даных.

Навіны Нацыянальнай бібліятэкі Беларусі

Доўгая дарога да дома Караткевіча

13 Сне 2019

Адзін з найзначнейшых юбілеяў, якія будуць адзначацца ў надыходзячым 2020-м — 90-годдзе з дня нараджэння Уладзіміра Караткевіча. Як налета збіраюцца ўшанаваць памяць аб славутым земляку на ягонай малой радзіме — пакрысе высвятляецца ўжо сёння.

Навіны бібліятэк

Статус гісторыка-культурнай каштоўнасці атрымае феномен “Паўлінкі” Купалаўскага тэатра

12 Сне 2019

Статус гісторыка-культурнай каштоўнасці атрымае тэатральны феномен спектакля “Паўлінка” Нацыянальнага акадэмічнага тэатра імя Янкі Купалы. Такую прапанову сёння падтрымаў Беларускі рэспубліканскі навукова-метадычны савет па пытаннях гісторыка-культурнай спадчыны пры Міністэрстве культуры, паведамілі ў Мінкульце.

Навіны бібліятэк

Пра беларускіх ілюстратараў, якія прысвяцілі талент Яе Вялікасці Кнізе

11 Сне 2019

“Я не самотны, я кнігу маю…” – невыпадкова радок з верша Максіма Багдановіча прагучаў на ўрачыстай прэзентацыі кнігі журналіста Вольгі Паўлючэнкі “Малюнак пад кніжнай вокладкай”, якая адбылася 10 снежня ў бібліятэцы.

Навіны Нацыянальнай бібліятэкі Беларусі

111