ГалоўнаяНавіныКніжныя выстаўкі
Беларускія казкі, БНР, Бахарэвіч, Скарына: топ самых папулярных выданняў “Акадэмкнігі” на фестывалі “Прадмова”
Са смакам горычы і адценнем болю: выстаўка памяці ахвяр Трасцянца

Цуд на далонях вечнасці

Цуд на далонях вечнасці
Іншыя навіны

З 8 чэрвеня па 8 ліпеня ў зале беларускай літаратуры (пам.205) праходзіць выстаўка “Цуд на далонях вечнасці”, прысвечаная 70-годдзю беларускага пісьменніка, перакладчыка і грамадскага дзеяча Анатоля Іванавіча Бутэвіча.

Ён вядомы як грунтоўны даследчык айчыннай гісторыі і пастаянны ўдзельнік міжнароднай навукова-асветніцкай экспедыцыі “Дарога да святыняў”. Акрамя таго, Анатоля Іванавіча можна часта ўбачыць на тэатральных і кінапрэм’ерах, вернісажах і іншых знакавых культурных мерапрыемствах, што сведчыць пра шырыню яго інтарэсаў.

Каштоўным набыткам беларускай літаратуры канца XX – пачатку XXI ст. стала творчасць А. Бутэвіча. Галоўнай тэмай яго кніг з’яўляецца гістарычнае мінулае роднага краю. Сам празаік перакананы ў тым, што “літаральна кожная мясціна нашай Беларусі багатая на непаўторныя і значныя асобы, захапляльныя падзеі і незвычайныя здарэнні”. З маленства будучы пісьменнік адкрыў сваю “дарогу да святыняў” – шлях да вывучэння таямніц знакамітых княжыцкіх родаў і іх замкаў на ўсіх абшарах краіны.

Анатоль Іванавіч – аўтар шматлікіх кніг гістарычнай прозы і гісторыка-дакументальнай літаратуры. Вынікам шматгадовага даследавання беларускай гісторыі стала серыя “Сем цудаў Беларусі”, заснаваная ў 1999 г. Таксама зацікавяць чытача з вялікім мастацкім густам аформленыя кнігі “У гасцях у вечнасці”, “Званы Нямігі”, “За наміткай гісторыі”, “Адвечны покліч Радзімы”, “Славутыя родам сваім”, з якімі можна пазнаёміцца на выстаўцы.

Гістарычная тэма гучыць у рыцарскіх раманах “Каралева не здраджвала каралю…” і “Паміж Княствам і Каронай. Ад Крэва да Кракава”, дзе аўтар паказаў свет таямнічых інтрыг і парадкаў каралеўскага двара, палітычную барацьбу, што адбывалася вакол трона.

Плённа працуе пісьменнік у дзіцячай літаратуры. На яго рахунку такія цудоўныя кнігі казак для дзяцей , як “Чараўніца Восень і Сняжынка-падарожніца”, “Як Данік у Радзівілаўскае метро трапіў”, “Зорная Кася”.

Асобна прадстаўлены пераклады Анатоля Іванавіча з рускай, польскай, англійскай і іншых моў. На выстаўцы экспануюцца перакладзеныя пісьменнікам творы Шолам-Алейхема “Тэўе-малочнік” (з ідыш), Дж. Олдрыджа “Паляўнічы” (з англійскай мовы) і інш.

Апошні раздзел выстаўкі прысвечаны жыццёваму і творчаму шляху пісьменніка.

Час работы выстаўкі адпавядае рэжыму работы бібліятэкі.
Уваход на выстаўку – па чытацкім білеце ці білеце сацыякультурнага цэнтра бібліятэкі.
Тэлефон для даведак: (8 017) 293 27 16.

Навіны

Віртуальная чытальная зала прадстаўляе інфармацыйны рэсурс пра выдатнага ўраджэнца Беларусі

27 Сак 2020

Рэпертуар персанальных краязнаўчых рэсурсаў арганізацый – партнёраў Нацыянальнай бібліятэкі Беларусі папоўніўся віртуальным праектам “Жарэс Алфёраў: чалавек-легенда”.

Навіны Нацыянальнай бібліятэкі Беларусі

30 сакавіка 1945 года. 41 дзень да Перамогі

30 Сак 2020

Узяцце Данцыга (Гданьска) і лісты-падзякі з Польскай рэспублікі. Падрыхтоўка тарфянікаў да сезону. Папаўненне ў Беларускім дзяржаўным музеі гісторыі Вялікай Айчыннай вайны. Дыспут у чытальнай зале бібліятэкі Дома партыйнай асветы. Газеты: “Звязда” (№№ 58, 59), “Советская Белоруссия” (№№ 57, 58, 60), “Совецкая радзіма” (№ 49).

Праект “100 дзён да Вялікай Перамогі. Па старонках беларускіх газет 1945 г.”

29 сакавіка 1945 года. 42 дні да Перамогі

29 Сак 2020

У зводцы Саўінфармбюро. Рабочы план на пасяўную. Бібліятэкі Воранаўскага раёна. Газеты: “Ленінскі шлях” Горацкага раёна (№ 23), “Путь соціалізма” Воранаўскага раёна (№ 20).

Праект “100 дзён да Вялікай Перамогі. Па старонках беларускіх газет 1945 г.”

28 сакавіка 1945 года. 43 дні да Перамогі

28 Сак 2020

Узятыя Штрэлен і Рыбнік. Фаўстпатроны у Рыбніку. Заява Эйзенхаўэра. У Акадэміі навук БССР. Ганусаўская доследная станцыя. Газеты: “Звязда” (№ 57), “Советская Белоруссия” (№ 56).

Праект “100 дзён да Вялікай Перамогі. Па старонках беларускіх газет 1945 г.”

111