ГалоўнаяНавіныКніжныя выстаўкі
Якасная адукацыя і навучанне на працягу ўсяго жыцця – для ўсіх!
Урок “Мая малая радзіма” ў музеі кнігі

Цеплыня чалавечнасці

Цеплыня чалавечнасці
Іншыя навіны

З 4 верасня па 3 кастрычніка ў зале беларускай літаратуры (пам. 205) праходзіць выстаўка “Цеплыня чалавечнасці”, прысвечаная 80-годдзю беларускага пісьменніка, лаўрэата Літаратурнай прэміі імя Івана Мележа Леаніда Кірэевіча Левановіча (Лявонава).

Усяго экспазіцыя налічвае больш за 60 дакументаў, асноўную частку якой складаюць шматлікія творы Леаніда Кірэевіча – раманы, аповесці, апавяданні, п’есы, эсэ і нарысы. Асноўныя тэмы творчасці – дом, сям’я, пасляваенная вёска. Аўтарскаму стылю Леаніда Левановіча характэрныя публіцыстычнасць, традыцыйнасць, выкарыстанне матываў ад трагічнага да смешнага. Сярод прадстаўленых на выстаўцы кніг – “Шчыглы”, “Дзікая ружа”, “Бесядзь цячэ ў акіян”, “Палыновы вецер”, “Мадонна з кветкаю”, “Якар надзеі”, “Валанцёр свабоды”, “Вяртанне ў радыяцыю”, “Партызанская мадонна”, “Ларыса, альбо Каханне аўтамабіліста”, “Усмешлівая Амерыка”, “Зялёны трохкутнік” і інш.

Асобна экспануюцца пераклады твораў Л. Левановіча на рускую і ўкраінскую мовы.

Даведацца больш пра жыццё і творчасць юбіляра дапамогуць артыкулы Генадзя Шупенькі, Аляксея Рагулі, Дзмітрыя Бугаёва і іншых даследчыкаў.


Час работы выстаўкі адпавядае рэжыму работы бібліятэкі.
Уваход – па чытацкім білеце ці білеце сацыякультурнага цэнтра бібліятэкі.

Тэлефон для даведак: (8 017) 293 27 16.

Навіны

У Мінску выходзяць 2 шведскія кнігі з шыкоўнымі ілюстрацыямі

26 Сту 2020

У выдавецтве Koska падрыхтавалі да выхаду адразу дзве кнігі шведскіх пісьменнікаў Юі і Тумаса Вісландэраў пра прыгоды каровы Мамы Му і яе сябра Крумкача. Кнігі з’явяцца ў продажы 6 лютага: выхад прымеркаваны да Мінскага кніжнага кірмаша.

Навіны бібліятэк

Сустрэча з адвакатам на тэму новай рэдакцыі жыллёвага кодэкса

24 Сту 2020

23 студзеня 2020 г. Нацыянальнай бібліятэкай Беларусі і Беларускай рэспубліканскай калегіяй адвакатаў у рамках мерапрыемстваў па інфармацыйна-прававой асвеце грамадзян была арганізавана штомесячная тэматычная сустрэча з адвакатам “Новая рэдакцыя жыллёвага кодэкса: агляд асноўных змяненняў і дапаўненняў”.

Навіны Нацыянальнай бібліятэкі Беларусі

Аб правілах афармлення спісаў літаратуры – калегам

24 Сту 2020

22 кастрычніка на базе Фундаментальнай бібліятэкі Беларускага дзяржаўнага ўніверсітэта прайшлі выязныя практычныя занятакі-трэнінг для 40 бібліятэкараў і бібліёграфаў з розных філіялаў бібліятэкі.

Навіны Нацыянальнай бібліятэкі Беларусі

У новай выстаўцы мастакі “аднавілі” сядзібу Храптовічаў

23 Сту 2020

У бібліятэцы прайшло адкрыццё выставачнага праекта "Вяртанне", прысвечанага спадчыне роду Храптовічаў у Шчорсах. Гасцей мерапрыемства чакалі жывапісныя работы, эцюды, акварэльныя замалёўкі – вынікі трох пленэраў, якія прайшлі ў сядзібе “Шчорсы”.

Мастацкія выстаўкі

111