ГалоўнаяНавіныКніжныя выстаўкі
А у нас сёння Каляда
Зямлі вяртаючы нябёсы

Тэматычная кніжная выстаўка "Міжнародная міграцыя ў пачатку XXI стагоддзя"

Тэматычная кніжная выстаўка "Міжнародная міграцыя ў пачатку XXI стагоддзя"
Іншыя навіны

З 11 па 31 снежня ў зале дакументаў міжнародных арганізацый Нацыянальнай бібліятэкі (2-гі паверх, пакой 207g) адкрыта тэматычная кніжная выстаўка "Міжнародная міграцыя ў пачатку XXI стагоддзя", прысвечаная Міжнароднаму дню мігранта.



Міжнародны дзень мігранта быў абвешчаны ў 2000 годзе на 55-ай сесіі Генеральнай Асамблеі ААН (рэзалюцыя 55/93) і штогод адзначаецца 18 снежня.
У гэты дзень у 1990 годзе была прынята Міжнародная канвенцыя аб абароне правоў усіх працоўных-мігрантаў і членаў іх сем’яў, якая падкрэсліла неабходнасць прыняцця далейшых мер па забеспячэнні захавання правоў чалавека і асноўных свабод усіх мігрантаў (рэзалюцыя 45/158).

Міжнародная міграцыя - гэта адна з асноўных адметных асаблівасцей нашага сучаснага свету. Паводле ацэнак, кожны трыццаць пяты жыхар планеты з’яўляецца мігрантам, якія жыве і працуе за межамі сваёй краіны.

Сусветная эканоміка ўсё больш залежыць ад мігрантаў. Яны ўзбагачаюць краіны, што іх прымаюць, вопытам, ведамі і людскімі рэсурсамі. Іх прысутнасць спрыяе абмену ідэямі і стымулюе культурны і навуковы прагрэс.
Разам з тым, міграцыя стварае шматлікія праблемы і выклікае цалкам зразумелую занепакоенасць у міжнароднай супольнасці.У цяперашні час расце колькасць мігрантаў, якія падвяргаюцца эксплуатацыі і жорсткаму звароту з боку кантрабандыстаў і гандляроў людзьмі. Мігранты пакутуюць ад дыскрымінацыі, ксенафобіі або расізму, іх вінавацяць у тым, што яны з’яўляюцца цяжарам для краін, што іх прымаюць. Таму міжнародная супольнасць надае вялікае занчэнне распаўсюджанню інфармацыі аб правах і асноўных свабодах мігрантаў, абмену вопытам і распрацоўцы мер па забеспячэнні іх абароны.

Прапанаваная тэматычная выстаўка заклікана пазнаёміць наведвальнікаў і чытачоў бібліятэкі з міжнароднымі прававымі дакументамі, распрацаванымі для абароны правоў мігрантаў і прызначанымі для кіравання міграцыйнымі патокамі; з праблемамі людзей, уцягнутых у міграцыйны працэс, а таксама з тым разнастайным укладам, што мігранты ўносяць у жыццё сучаснага грамадства, у яго культуру і эканоміку.

Выстаўка складаецца з наступных раздзелаў:
  • міжнароднае міграцыйнае права;
  • міграцыйная палітыка і супрацоўніцтва ў сферы міграцыі;
  • міжнародная працоўная міграцыя;
  • праблемы міграцыі ў кантэксце глабалізацыі.
Экспазіцыя налічвае каля 60 дакументаў, вялікую частку якіх складаюць дакументы міжнародных арганізацый (ААН, МАМ, АБСЕ, МАП, Еўрапейскага Саюза) на рускай, французскай, нямецкай і англійскай мовах: кнігі, перыядычныя выданні, мімеаграфаваныя матэрыялы ААН.

Выстаўка будзе карысна для спецыялістаў у галіне міжнародных адносін, юрыстаў, навуковых супрацоўнікаў, выкладчыкаў, студэнтаў вышэйшых навучальных устаноў, а таксама для ўсіх, хто цікавіцца сучаснымі тэорыямі і праблемамі міграцыі.

Спасылкі на Інтэрнэт-рэсурсы:
Сайты ААН
Упраўленне Вярхоўнага Камісара ААН па правах чалавека (УВКПЧ)
Міжнародная арганізацыя працы
International Migration Policy Programme
ЮНЕСКА
Група Сусветнага банка
Дадатковая інфармацыя
Навіны

Выказваем падтрымку Кітаю ў барацьбе з каранавірусам

20 Лют 2020

У сувязі з распаўсюджваннем пнеўманіі новага тыпу “COVID–2019” (каранавіруса) у Кітаі склалася цяжкая сітуацыя. Рэспубліка Беларусь аказвае гуманітарную дапамогу: дае сродкі абароны і лекі, неабходныя для барацьбы з вірусам.

Навіны Нацыянальнай бібліятэкі Беларусі

Спалучэнне мер прававога і грамадскага ўздзеяння – найважнейшы фактар процідзеяння карупцыі

20 Лют 2020

Аддзел абслугоўвання афіцыйнымі дакументамі прадстаўляе ў рубрыцы “Актуальныя тэмы” на анлайн-сэрвісе “Віртуальны цэнтр прававой інфармацыі” рэкамендацыйны спіс літаратуры “Спалучэнне мер прававога і грамадскага ўздзеяння – найважнейшы фактар процідзеяння карупцыі”.

Навіны Нацыянальнай бібліятэкі Беларусі

Прэзентавана выданне да 180-годдзя з дня нараджэння Францішка Багушэвіча

19 Лют 2020

19 лютага ў Нацыянальнай бібліятэцы Беларусі прайшла прэзентацыя электроннага выдання “Не пакідайце ж мовы нашай беларускай...”, падрыхтаванага да 180-годдзя з дня нараджэння Францішка Багушэвіча.

Навіны Нацыянальнай бібліятэкі Беларусі

Biełaruskaja łacinka

20 Лют 2020

З 21 лютага 2020 г. у музеі кнігі Нацыянальнай бібліятэкі Беларусі будзе працаваць выстава, прысвечаная адметнай традыцыі ў нашай культуры – беларускай лацінцы.

Кніжныя выстаўкі

Калегам пра афармленне спісаў літаратуры

19 Лют 2020

18 лютага ў бібліятэцы Беларускага дзяржаўнага педагагічнага ўніверсітэта ў рамках павышэння кваліфікацыі супрацоўнікаў прайшлі практычныя заняткі па правільным афармленні спісаў літаратуры да навуковых прац.

Навіны Нацыянальнай бібліятэкі Беларусі

111