28 сакавіка 2008 года ў зале выяўленчых і відэадакументаў Нацыянальнай бібліятэкі Беларусі адкрылася выстаўка «Святло каляровай гармоніі», прысвечаная 155-годдзю з дня нараджэння Вінцэнта Ван Гога (1853–1890), аднаго з родапачынальнікаў постімпрэсіянізму.
Дзякуючы таленту, пастаяннай працы і ўласнаму непаўторнаму погляду на свет мастак здолеў стварыць сапраўдныя шэдэўры, якія назаўжды ўвайшлі ў гісторыю сусветнага мастацтва. Маляўнічая сістэма большасці твораў Ван Гога пабудавана на спалучэнні яркіх колераў, выразным рытме малюнка і смелых, свабодных рашэнняў.
На выстаўцы прадстаўлены альбомы, кнігі, артыкулы, паштоўкі і рэпрадукцыі работ знакамітага мастака. Экспазіцыя разлічана на ўсіх чытачоў, якія цікавяцца біяграфіяй і творчасцю Вінцэнта Ван Гога.
Выстаўка працуе з 28 сакавіка па 11 мая 2008 года.
Кантактны тэлефон: 293-27-53.
 |
 |
 |
 |
 |
 |
