З 6 па 22 студзеня ў зале выяўленчых і відэадакументаў (пам. 307) арганізавана тэматычная выстаўка “Святло каляднай зоркі”.
У экспазіцыі прадстаўлена калекцыя выяўленчых дакументаў, прымеркаваных да свята Нараджэння Хрыстовага, з фондаў Нацыянальнай бібліятэкі Беларусі.
Нараджэнне Хрыстова – адно з галоўных святаў хрысціянскага свету, якое чалавецтвам адзначаецца больш за 20 стагоддзяў. Гэта радаснае і светлае свята, з каляднай ёлкай, падарункамі, урачыстымі богаслужэннямі ў цэрквах.
У святкаванні Нараджэння Хрыстовага цесна спляліся царкоўныя і народныя звычаі. Яслі з фігуркай Хрыста выстаўлялі не толькі ў храмах, але і ў дамах. Рабіліся спецыяльныя макеты, якія адлюстроўвалі пячору, маленькага Ісуса і Дзеву Марыю.
Сімвалы Нараджэння Хрыстовага адлюстраваны ў творах найвялікшых мастакоў свету, шэдэўры якіх звернуты і да розуму, і да сэрца. На выстаўцы прадстаўлены рэпрадукцыі работ італьянскіх і нямецкіх майстроў эпохі Адраджэння.
Сярод экспанатаў – вялікая колькасць выяўленчых дакументаў сучаснага мастацтва. Гэта віншавальныя і рэкламныя плакаты, календары, паштоўкі і рэпрадукцыі твораў сучасных графікаў з выявамі каляднага вянка, свечак, званочкаў. Гэтыя сімвалы гавораць людзям пра вялікую радасць – нараджэнне Хрыста і прыносяць у душы супакаенне і цеплыню.
Усяго на выстаўцы прадстаўлена звыш 150 дакументаў, сярод якіх альбомы, рэпрадукцыі, плакаты, календары, паштоўкі, прымеркаваныя да свята Каляд, яго гісторыі, старажытных і сучасных традыцый.
Кантактны тэлефон: 293-27-58.
 |
 |
 |
 |
 |
 |
 |
 |
 |
 |
 |
 |
 |
 |
 |
 |
 |
 |
 |
 |
 |
 |
