ГалоўнаяНавіныКніжныя выстаўкі
Фотагісторыя “пермскіх багоў”
«Я не самотны, я кнігу маю...»

Сусветныя рэлігіі і права

Сусветныя рэлігіі і права
Іншыя навіны

З 29 мая па 27 жніўня ў зале прававой інфармацыі (пам. 207b) арганізавана тэматычная выстаўка “Сусветныя рэлігіі і права”.


Найважнейшай умовай жыццядзейнасці грамадства з’яўляецца падтрыманне яго цэласнасці і стабільнасці. Рэлігія з’яўляецца той сілай, якая аб’ядноўвае людзей і валодае велізарным пацыфісцкім патэнцыялам, але разам з тым колькасць канфліктаў на рэлігійнай глебе дазваляе казаць пра тое, што рэлігія можа стаць фактарам раз’яднання людзей. Праблема міжрэлігійных і дзяржаўна-веравызнаўчых адносін мае першараднае значэнне для захавання цывілізацыйнай цэласнасці дзяржаў. У сучасным свеце ў многіх дзяржавах, што маюць розныя рэлігійныя сістэмы, рэлігіі адыгрываюць важную ролю ў фарміраванні ўсёй дзяржаўна-прававой сістэмы.

Беларусь – шматканфесійная дзяржава. Станаўленне спецыфічнай для нашай краіны талерантнасці і верацярпімасці можна разглядаць як гістарычна працяглы працэс. Талерантнасць як якасць духоўнай культуры беларусаў фарміравалася на працягу стагоддзяў жыцця народа ў складзе розных поліэтнічных і поліканфесійных дзяржаўных утварэнняў.

Сёння розныя аспекты свабоды сумлення і дзейнасць рэлігійных арганізацый разглядаюцца і рэгламентуюцца значным масівам нарматыўных актаў – законамі, кодэксамі, указамі прэзідэнта і г.д.

Сучаснае заканадаўства Рэспублікі Беларусь імкнецца да стварэння дзейснай сістэмы, якая спрыяла б захаванню грамадскага парадку ў краіне і выкананню ўсіх канстытуцыйных правоў і свабод грамадзян. Існуючыя праблемы ў галіне ўзаемаадносін дзяржавы і рэлігійных аб’яднанняў патрабуюць вывучэння і вырашэння шляхам прывядзення заканадаўства ў адпаведнасць з развіццём грамадскіх адносін.

Экспазіцыя налічвае больш за 100 дакументаў: кніг, брашур, перыядычных выданняў, аўтарэфератаў дысертацый.

Выстаўка будзе цікавая студэнтам, выкладчыкам, аспірантам, юрыстам, палітолагам, рэлігіязнаўцам, дзяржаўным служачым, а таксама ўсім, хто цікавіцца праблемамі дзяржаўна-канфесійных адносін, дзейнасцю рэлігійных арганізацый і вернікаў.

Экспазіцыя ўключае наступныя тэматычныя раздзелы:

  • Прававое рэгуляванне рэлігійных адносін у СССР;
  • Дынаміка развіцця дзяржаўна-канфесійных адносін у БССР і Беларусі постсавецкага перыяду;
  • Палітыка-прававое становішча Рускай праваслаўнай царквы ў сучаснай Расійскай Федэрацыі;
  • Прававыя сістэмы дзяржаўна-канфесійных адносін;
  • Рэлігійныя падставы крымінальна-прававых забарон і пакаранняў па мусульманскім праве;
  • Уплыў кананічнага (хрысціянскага) права на развіццё інстытутаў крымінальнага права;
  • Уплыў рэлігіі на інстытуты сямейнага права;
  • Іслам і правы чалавека;
  • Уплыў рэлігійных норм на развіццё галін права;
  • Узаемадзеянне права і рэлігіі.

Спіс літаратуры

Кантактны тэлефон: (8 017) 293 27 32.

Навіны

Папулярызацыя рэсурсаў віртуальнай чытальнай залы НББ

30 Кас 2020

29 кастрычніка прайшоў анлайн-семінар віртуальнай чытальнай залы НББ для супрацоўнікаў Прэзідэнцкай бібліятэкі Рэспублікі Беларусь. Прафесійная сустрэча была прысвечана аднаму з самых актуальных пытанняў бібліятэчнага абслугоўвання ў сучасных умовах – выкарыстанню ліцэнзійных электронных інфармацыйных рэсурсаў.

Навіны Нацыянальнай бібліятэкі Беларусі

“Бу!”: даведнік па дамах з прывідамі ў літаратуры

30 Кас 2020

Што можа быць больш прывабным і адначасова страшным для чытача, чым дамы з прывідамі? За апошнюю сотню гадоў мы сталі сведкамі мноства сумных гісторый, дзе галоўныя героі заключаюць здзелку стагоддзя і купляюць дом, у якім яны самі – нечаканыя госці. Мара ператвараецца ў кашмар, а родныя сцены больш не здаюцца бяспечнымі. Прадстаўляем вам даведнік па самай містычна небяспечнай нерухомасці ў літаратуры!

Аўтарскі погляд

30 кастрычніка – 115 гадоў з дня нараджэння народнага мастака Беларусі, выдатнага скульптара Андрэя Ануфрыевіча Бембеля (1905–1986)

30 Кас 2020

Імя мастака добра вядома не толькі знаўцам беларускага мастацтва ХХ стагоддзя, але і шматлікім гасцям нашай краіны. Бо сярод найбольш вядомых турыстычных аб’ектаў мемарыяльны комплекс “Брэсцкая крэпасць-герой”, Курган Славы, манумент Перамогі ў Мінску і многае іншае, аўтарам або суаўтарам стварэння якіх з’яўляўся Андрэй Бембель.

Па старонках беларускага календара

Свабоднае праграмнае забеспячэнне для стварэння краязнаўчых рэсурсаў бібліятэк

29 Кас 2020

22 кастрычніка ў рамках VII Міжнароднага кангрэса “Бібліятэка як феномен культуры” Віктар Пшыбытка правёў анлайн майстар-клас “Выкарыстанне свабоднага праграмнага забеспячэння для стварэння краязнаўчых рэсурсаў бібліятэк”.

Навіны Нацыянальнай бібліятэкі Беларусі

Захаванасць дакументаў як залог якаснага задавальнення чытацкіх запытаў

29 Кас 2020

Ва ўмовах дэфіцыту фінансавання, недахопу плошчаў для размяшчэння фондаў, зніжэння экзэмплярнасці закупляемых дакументаў, пагаршэння якасці паперы і спажывецкіх характарыстык выдавецкай прадукцыі ўзрастае пагроза зніжэння колькаснага і якаснага складу бібліятэчных фондаў. Без актыўнай працы па забеспячэнні захаванасці бібліятэчных фондаў значная частка дакументаў можа быць бязвыплатна страчана.

Навіны Нацыянальнай бібліятэкі Беларусі

29 Кас 2020

Кожны год у канцы кастрычніка мы ўспамінаем сумную дату. У ноч з 29-га на 30-е ў 1937 годзе былі забіты некалькі дзясяткаў беларускіх паэтаў, пісьменнікаў, навукоўцаў... Сярод тых, хто загінуў у той жудасны час, ёсць адзін пісьменнік, сёлетні юбіляр, які ўвайшоў у гісторыю пад імем Янка Нёманскі. Давайце ўспомнім гэтага чалавека, а тым самым – усіх, хто быў забіты і не паспеў даспяваць свае песні.

Навіны бібліятэк

111