ГалоўнаяНавіныКніжныя выстаўкі
Памяці песняра Беларусі
Аб навагодніх прыгодах мышаняці Піпа

Сусветныя экасістэмы: захаванне, ахова, аднаўленне

Сусветныя экасістэмы: захаванне, ахова, аднаўленне
Іншыя навіны

З 12 студзеня па 14 лютага ў зале дакументаў міжнародных арганізацый (пам. 207g) адкрыта тэматычная выстава “Сусветныя экасістэмы: захаванне, ахова, аднаўленне”, прысвечаная Дзесяцігоддзю Арганізацыі Аб’яднаных Нацый па аднаўленні экасістэм (2021–2030).

Гэта Дзесяцігоддзе было афіцыйна абвешчана на 73-й сесіі Генеральнай асамблеі ААН 1 сакавіка 2019 года (рэзалюцыя A/RES/73/284). Яго абвяшчэнне накіравана на актывізацыю намаганняў па маштабным аднаўленні дэградзіраваных і пашкоджаных экасістэм у якасці эфектыўнай меры барацьбы са змяненнем клімату і павышэнню харчовай бяспекі, водазабеспячэння і біяразнастайнасці.

Дэградацыя наземных і марскіх экасістэм падрывае дабрабыт 3,2 млрд чалавек і прыводзіць да эканамічных страт у памеры 10 % гадавога сусветнага валавога прадукту. Ключавыя экасістэмы, неабходныя для вытворчасці прадуктаў харчавання і вядзення сельскай гаспадаркі, руйнуюцца хуткімі тэмпамі.

На сённяшні момант каля 20 % пакрытай расліннасцю паверхні планеты дэманструе тэндэнцыю да зніжэння ўрадлівасці, звязанаму з эрозіяй, спусташэннем і забруджваннем. Да 2050 года дэградацыя і змяненне клімату могуць прывесці да зніжэння ўраджайнасці на 10 % ва ўсім свеце і да 50 % у некаторых рэгіёнах.

Абвяшчэнне Дзесяцігоддзя аднаўлення экасістэм уяўляе сабой глабальны заклік аб’яднаць палітычную падтрымку, навуковыя даследаванні і фінансавыя магчымасці, пачынаючы з невялікіх пілотных ініцыятыў і заканчваючы аднаўленнем мільёнаў гектараў.

Даследаванні паказваюць, што больш за 2 млрд гектараў абязлесеных і дэградзіраваных ландшафтаў у свеце маюць патэнцыял да аднаўлення.

Пад аднаўленнем экасістэм разумеюць вяртанне ландшафтам, азёрам і акіянам іх экалагічных функцый. Інтэнсіўнае аднаўленне знізіць уразлівасць і павысіць устойлівасць і здольнасць экасістэм адаптавацца да штодзённых пагроз і экстрэмальных з’яў.

Дзесяцігоддзе будзе спрыяць паскарэнню рэалізацыі існуючых глабальных задач па аднаўленні. Плануемыя мерапрыемствы закліканы ўнесці ўклад у Бонскі выклік па аднаўленні дэградзіраваных і абязлесеных зямель. Аднаўленне 350 млн гектараў дэградзіраваных наземных і водных экасістэм да 2030 года можа прынесці чысты прыбытак да 9 трыльёнаў долараў ЗША ў выглядзе экасістэмных паслуг і выдаліць ад 13 да 26 гігатон парніковых газаў з атмасферы. Вялікая ўвага на працягу Дзесяцігоддзя будзе нададзена і рэгіянальным намаганням па аднаўленні, такім як Ініцыятыва 20x20 у Лацінскай Амерыцы, якая накіравана на аднаўленне 20 млн гектараў дэградзіраваных зямель да 2020 года, і Ініцыятыва AFR100 па аднаўленні лясных ландшафтаў у Афрыцы, мэта якой – да 2030 года аднавіць 100 млн гектараў дэградзіраваных зямель.

На выставе прадстаўлена больш за 100 дакументаў з фондаў бібліятэкі на рускай і англійскай мовах: кнігі, брашуры, буклеты. Гэтыя дакументы дапамогуць прыцягнуць увагу шырокай грамадскасці да праблем дэградацыі наземных і марскіх экасістэм і страты біяразнастайнасці, паглыбіць разуменне пытанняў вывучэння і выкарыстання сусветных экасістэм, а таксама павысіць дасведчанасць аб экалагічнай абстаноўцы на нашай планеце.

Экспазіцыя ўключае наступныя тэматычныя раздзелы:

  • Наземныя экасістэмы: становішча, развіццё, аднаўленне
  • Водныя экасістэмы
  • Становішча і тэндэнцыі развіцця прыродных экасістэм Беларусі
  • Біяразнастайнасць – аснова жыцця на Зямлі
  • Уплыў змяненняў клімату на сусветныя экасістэмы
  • Экалогія і ахова навакольнага асяроддзя

Выстава будзе цікавая студэнтам і аспірантам экалагічных, біялагічных і геаграфічных спецыяльнасцей, спецыялістам у галіне прыродакарыстання і аховы навакольнага асяроддзя, навуковым работнікам, а таксама ўсім, хто цікавіцца праблемамі аднаўлення сусветных экасістэм і захавання біялагічнай разнастайнасці нашай планеты.

Карысныя спасылкі


Час работы выстаўкі адпавядае рэжыму работы бібліятэкі.
Уваход – па чытацкім білеце або білеце сацыякультурнага цэнтра.

Тэлефон для даведак: (8 017) 293 27 34.

Матэрыял пададзены аддзелам абслугоўвання афіцыйнымі дакументамі.

Навіны

Як падрыхтавацца да сесіі з дапамогай віртуальнай чытальнай залы НББ

15 Сту 2021

З чым у вас асацыюецца студзень? Хтосьці пры згадванні гэтага зімовага месяца адразу адчувае водар ігліцы, цытрусавых і атмасферу яркіх вечарын. А нехта – асабліва ў студэнцкія гады – не можа пазбавіцца думкі, што гэты час – суцэльныя дэдлайны, аўралы і сесія.

Бібліятэка анлайн

Акно ў мінулае: адкрыты доступ да электроннага інфармацыйнага рэсурсу “Станаўленне і развіццё бібліятэк Беларусі: архіўныя дакументы”

15 Сту 2021

Як адбывалася станаўленне беларускіх бібліятэк у першай палове ХХ стагоддзя? Хто мог стаць бібліятэкарам? Што такое чароўны ліхтар? Чаму першы дырэктар Беларускай дзяржаўнай бібліятэкі І.Б. Сіманоўскі прапанаваў паменшыць плошчу, адведзеную пад яго кватэру? Для чаго супрацоўнікі бібліятэкі вызваляліся ад працы на тэрмін да 3 дзён? Адказ на гэтыя і многія іншыя пытанні можна знайсці ў новым рэсурсе Нацыянальнай бібліятэкі Беларусі.

Бібліятэка анлайн

Гісторыя супервокладкі: ад скрынкі да рэкламы мыла і далей

14 Сту 2021

Паглядзім праўдзе ў вочы: выбіраючы кнігу, мы ўсе звяртаем увагу на вокладку. Кніжны дызайн цяпер набірае абароты, бо заўсёды прыемна мець прыгожа аформленую хатнюю бібліятэку. А зараз падумайце: колькі з вашых кніг захавалі супервокладкі? Што адбываецца з імі пасля куплі? Вы пазбаўляецеся ад іх, пакідаючы кнігу ў першапачатковым выглядзе, ці, наадварот, захоўваеце больш маляўнічую абгортку дзеля эстэтыкі?
Мы ўжо разабраліся з тым, чаму кнігі прамавугольнай формы і як яны сталі ўніверсальным падарункам. Самы час узяцца за супервокладку!

Аўтарскі погляд

Сэлфі ў музеі кнігі

15 Сту 2021

У студзені ў розных краінах свету праходзіць акцыя “Сэлфі ў музеі” (Museum Selfie Day), мэта якой – прыцягнуць увагу да музеяў і іх экспанатаў. Менавіта таму кнігазнаўцы Нацыянальнай бібліятэкі Беларусі зрабілі сэлфі на фоне сваіх улюбёных кніжных помнікаў у музеі кнігі.

Навіны Нацыянальнай бібліятэкі Беларусі

Тандэм натхнення

15 Сту 2021

З 15 студзеня па 22 лютага ў зале дакументаў па мастацтве (пам. 306) праходзіць кніжна-ілюстрацыйная выстаўка “Тандэм натхнення”, прысвечаная 90-годдзю з дня нараджэння беларускіх мастакоў Георгія Георгіевіча Паплаўскага (1931–2017) і Наталлі Мікалаеўны Паплаўскай (1931).

Кніжныя выстаўкі

Музей кнігі, дзіцячы пакой і не толькі: незвычайныя паслугі Нацыянальнай бібліятэкі

13 Сту 2021

Нацыянальную бібліятэку па праве называюць захавальніцай ведаў. Сталічная славутасць нікога не пакіне абыякавым: яна прыцягвае незвычайнай формай будынка, ветлівым і прыязным калектывам, значным фондам дакументаў. Здаецца, тут можна праводзіць суткі напралёт: адпраўляцца ў прыгоды разам з галоўнымі героямі кніг, атрымліваць асалоду ад мастацтва і нават пісаць маштабныя навукова-даследчыя работы.

Навіны Нацыянальнай бібліятэкі Беларусі

Бібліятэкарам
111