З 23 лістапада па 29 снежня ў зале нотных і аўдыявізуальных дакументаў (пам. 305) праходзіць выстаўка “Сусвет Эдуарда Арцем'ева”, прысвечаная 80-годдзю рускага кампазітара, народнага артыста Расіі Эдуарда Мікалаевіча Арцем'ева.
Адны лічаць Эдуарда Арцем’ева кампазітарам, які піша музыку для кіно. Многія з гэтых карцін, а іх больш за 150, былі ўдастоены прэстыжных узнагарод кінафестываляў Масквы, Венецыі, Кан, Берліна. Другія ставяць аўтара ў шэраг занавальнікаў электроннай музыкі, тых, хто паклаў пачатак новаму музыкальнаму руху XX стагоддзя. Яго эксперыменты і адкрыцці ажыццяўляліся на глебе электроннага сінтэзу. Яго опусы пашыралі межы часу, прасторы і музычнага мастацтва.
Акрамя стварэння саўндтрэкаў да фільмаў, электронных кампазіцый, якія ўславілі яго імя ў музычным свеце, у творчасці Арцем’ева прадстаўлены і цалкам традыцыйныя акадэмічныя жанры – опера, кантаты, сімфанічныя, інструментальныя, вакальныя творы, а таксама музыка да спектакляў.
На выстаўцы можна азнаёміцца з нотнымі выданнямі твораў аўтара, сярод якіх “Пастаральная санаціна”, “Лара-вальс”, “Галантныя сцэны” і інш. Таксама ў экспазіцыі прадстаўлены аўдыядакументы – не толькі кампакт-дыскі, але і вінілавыя “Тепло земли”, “Ода доброму вестнику”, “Картины-настроения”.
Наведвальнікі выстаўкі змогуць праслухаць мелодыі з кінастужак “Нявольніца кахання”, “Свой сярод чужых, чужы сярод сваіх”, “Сталкер”, а таксама творы кампазітара ў выкананні Валерыя Абадзінскага, Ларысы Долінай, Валерыя Лявонцьева (напрыклад, “Палёт на дэльтаплане”), Раксаны Бабаян і іншых выканаўцаў.
Дапаўняюць экспазіцыю артыкулы пра творчасць юбіляра.
Кантактны тэлефон: (8 017) 293 27 52.
 |
 |
 |
 |
 |
 |
 |
 |
 |
 |
 |
 |
