ГалоўнаяНавіныКніжныя выстаўкі
Мелодыяграфія
Прэзентацыя новага Збору твораў Якуба Коласа

Сугучнасць творчых сэрцаў

Іншыя навіны

З 11 лістапада па 15 снежня 2008 года ў зале нотных і аўдыёдакументаў (пам. 305) праходзіць тэматычная выстаўка “Сугучнасць творчых сэрцаў”, прысвечаная 75-годдзю з дня заснавання Беларускага саюза кампазітараў.


Бягучы год для Беларускага саюза кампазітараў адзначаны юбілейнай датай. Музычнае адлюстраванне самабытнасці нацыянальнай культуры і супярэчнасцяў эпохі ХХ стагоддзя, скіраванасць у новае тысячагоддзе – колькі вобразаў, творчых ідэй увабралі ў сябе гэтыя сем дзесяцігоддзяў!

Аб’яднанне ў афіцыйны саюз ярка выявіла шматграннасць і непаўторнасць творчых асоб – прадстаўнікоў беларускай кампазітарскай школы. Іх творы сугучныя з логікай і заканамернасцямі развіцця сусветнага музычнага мастацтва. У багатай кампазітарскай спадчыне прасочваецца працяг традыцый рускай класікі, зварот да заходнееўрапейскіх тэндэнцый, прагрэсіўныя адкрыцці. Дзякуючы шырыні прафесійных імкненняў, спалучэнню творчай і педагагічнай дзейнасці, акрыленасць нацыянальнай ідэяй стала неад’емнай стылістычнай рысай многіх пакаленняў беларускіх кампазітараў.

Прадстаўленыя на выстаўцы матэрыялы ахопліваюць шырокі часавы перыяд, пачынаючы ад стварэння секцыі Саюза кампазітараў пры Саюзе пісьменнікаў БССР да нашых дзён. Наведвальнікі выстаўкі маюць магчымасць пазнаёміцца з рэдкімі нотнымі выданнямі пачатку 1930-х гадоў, а таксама з сучаснымі творамі. Сярод прадстаўленых дакументаў – грампласцінкі, кампакт-дыскі, кнігі, навуковыя артыкулы айчынных музыказнаўцаў, якія з’яўляюцца членамі Саюза кампазітараў, а таксама шэраг публікацый, прысвечаных творчасці выдатных кампазітараў.

Усяго ж экспазіцыя налічвае каля 200 дакументаў.

Кантактны тэлефон: 293-27-52.

Навіны

Падведзены вынікі працы сістэмы карпаратыўнай каталагізацыі бібліятэк Беларусі за 2019 г.

6 Сне 2019

5 снежня на базе Нацыянальнай бібліятэкі Беларусі адбылося пасяджэнне Тэхналагічнага камітэта сістэмы карпаратыўнай каталагізацы бібліятэк Беларусі.

Навіны Нацыянальнай бібліятэкі Беларусі

Лекцыя аб сучасным беларускім канцэртна-выканальніцкім мастацтве

6 Сне 2019

5 снежня адбылася чарговая сустрэча ў межах цыкла “Беларуская музыка ў сусветнай мастацкай прасторы”. З сучасным беларускім канцэртна-выканальніцкім мастацтвам слухачоў пазнаёміла кандыдат мастацтвазнаўства, старшы навуковы супрацоўнік Інстытута мастацтвазнаўства, этнаграфіі і фальклору імя К. Крапівы Ірына Леанідаўна Гарбушына.

Навіны Нацыянальнай бібліятэкі Беларусі

6 Сне 2019

Да Рэгіянальнага зводнага каталога бібліятэк Брэсцкай вобласці далучыліся дзяржаўная ўстанова культуры “Маларыцкая раённая цэнтралізаваная бібліятэчная сістэма” і дзяржаўная ўстанова культуры “Жабінкаўская раённая цэнтралізаваная бібліятэчная сістэма”.

Навіны Нацыянальнай бібліятэкі Беларусі

Дамалюй працяг: выйшла другая частка дзіцячага комікса “Не для чужых вачэй”

6 Сне 2019

Выйшаў працяг прыгодніцкага комікса, выпушчанага ў падтрымку дабрачыннага праекта Беларускага дзіцячага фонду і кампаніі А1 “Я бачу!”. З 4 снежня другую частку гісторыі пра школьнікаў, іншапланецян і незвычайныя акуляры можна атрымаць у падарунак у кнігарнях Мінска і Віцебска.

Навіны бібліятэк

Адкрыта рэгістрацыя на ХVІ Міжнародныя кнігазнаўчыя чытанні

4 Сне 2019

14-15 мая ў Нацыянальнай бібліятэцы пройдуць ХVІ Міжнародныя кнігазнаўчыя чытанні – маштабная навуковая канферэнцыя, якая ёсць галоўнай пляцоўкай краіны для адкрытага дыялогу аб кніжнай культуры.

Навіны Нацыянальнай бібліятэкі Беларусі

111