ГалоўнаяНавіныКніжныя выстаўкі
Чараўніцтва для чайнікаў: навошта адаптуюць класічныя казкі і дзе чытаць некласічныя
Беларуская літаратура, якую вы не ведалі. Лекцыя Віктара Марціновіча

Сугучча

Сугучча
Іншыя навіны

З 22 кастрычніка на 3-м паверсе кальцавога калідора працуе выстаўка “Сугучча”, арганізаваная Нацыянальнай бібліятэкай Беларусі сумесна з Выдавецкім домам “Звязда”.

У 2013 годзе ў Выдавецкім доме “Звязда” пры падтрымцы Міністэрства інфармацыі Рэспублікі Беларусь пабачыла свет серыя кніг “Сугучча сэрцаў”, дзе былі апублікаваны творы класічнай і сучаснай літаратур Азербайджана, Арменіі, Беларусі, Казахстана, Кыргызстана, Малдовы, Расіі, Таджыкістана, Туркменістана, Узбекістана і Украіны. Выданне выклікала вялікі рэзананс у культурнай і літаратурнай прасторы краін СНД. Праект лёг у аснову стварэння інтэрнэт-пляцоўкі SOZVUCHIE.BY, на якой пісьменнікі, крытыкі і публіцысты з розных краін могуць абмяркоўваць літаратурную спадчыну і расказваць пра тое, якія падзеі адбываюцца ў літаратуры народаў СНД.

За гады існавання згаданай ініцыятывы рэалізаваны шэраг праектаў, прысвечаных прадстаўнікам не толькі класічнай, але і сучаснай літаратуры нашых суседзяў. Напрыклад, казахскаму паэту, філосафу і асветніку Абаю Кунанбаеву, казахскаму празаіку, літаратуразнаўцу Мухтару Аўэзаву, армянскім паэтам Эдварду Мілітаняну, Аванэсу Туманяну, Ягішы Чарэнцу, Авеціку Ісаакяну і іншым, пісьменнікам-уйгурам і паэтам Каўказа. Адзін з праектаў прысвечаны народнаму паэту Беларусі Якубу Коласу. Пабачылі свет як пераклады на беларускую мову замежных твораў, так і пераклады беларускіх твораў на рускую, татарскую, чачэнскую, узбекскую, казахскую і іншыя мовы. Таксама за гэты час праект выйшаў за рамкі краін СНД і папоўніўся перакладамі на беларускую мову творчасці кітайскіх паэтаў.

Асобнымі  выданнямі выйшлі кнігі перакладаў на розныя мовы свету вершаў Рабіндраната Тагора “Мая залатая Бенгалія”, Янкі Купалы “А хто там ідзе?”, знакамітай прадмовы Францыска Скарыны “…Да месца, дзе нарадзіліся”.

Suhuchcha-3.jpg

Усе гэтыя выданні можна пабачыць на выстаўцы “Сугучча”. Экспазіцыя дапоўнена серыяй “Паэты планеты” выдавецтва Зміцера Коласа.

Наведаць выстаўку можна да 18 лістапада.
Дата яе заканчэння можа быць зменена.

Час работы выстаўкі адпавядае рэжыму работы бібліятэкі.
Уваход – па чытацкім білеце або білеце сацыякультурнага цэнтра.

Тэлефон для даведак: (8 017) 293 29 80.

Матэрыял пададзены аддзелам галерэйна-выставачнай дзейнасці.

Навіны

Ля Кургана Славы адбылося ўрачыстае ўскладанне кветак

6 Май 2021

У Нацыянальнай бібліятэцы Беларусі склалася асаблівая традыцыя: напярэдадні Дня Перамогі шанаваць памяць загінуўшых, ускладаючы ад імя ўсіх супрацоўнікаў кветкі да манументаў Перамогі, аддаючы даніну глыбокай павагі ўсім пакаленням абаронцаў Айчыны.

Навіны Нацыянальнай бібліятэкі Беларусі

Рэсурсы адкрытага доступу і інтэгрыраваныя пошукавыя сэрвісы: прымяненне ў навукова-адукацыйнай дзейнасці

6 Май 2021

5 мая ў Нацыянальнай бібліятэцы Беларусі пры падтрымцы выдавецтва Springer Nature адбыўся анлайн-семінар, прысвечаны развіццю ініцыятывы адкрытай навукі.

Навіны Нацыянальнай бібліятэкі Беларусі

Памяці загінуўшых будзем вартыя!

6 Май 2021

6 сакавіка ў бібліятэцы адбылася ўрачыстая акцыя-свята “Памяці загінуўшых будзем вартыя!”, прымеркаваная да Дня Перамогі. Арганізатарамі выступілі Першамайская раённая г. Мінска арганізацыя РГА “Белая Русь” і Нацыянальная бібліятэка Беларусі.

Навіны Нацыянальнай бібліятэкі Беларусі

6 Май 2021

Новы, 22-і па ліку, том серыі «Залатая калекцыя беларускай літаратуры», прысвечаны творчасці Івана Шамякіна, дае нам унікальную магчымасць. Чытаючы творы класікаў, мы часта гадаем наконт прататыпаў, таго, якія рэальныя падзеі з біяграфіі аўтара адбіліся ў тэксце. Тут аб'яднаныя мастацкі твор па матывах аўтабіяграфіі і дакументальны, дзе выкладзены сапраўдныя падзеі, якія ляглі ў аснову мастацкага твора. Гаворка пра пенталогію «Трывожнае шчасце», якая прынесла маладому Шамякіну славу, і аповесць «Слаўся, Марыя!».

Навіны бібліятэк

6 Май 2021

Знакамітую ваенную драму і адзін з самых моцных фільмаў пра вайну “Ідзі і глядзі” Элема Клімава пакажуць у мінскіх кінатэатрах паўторна. Сеансы пройдуць у кінатэатрах “Мір”, “Ракета” і “Цэнтральны” 6, 8 і 9 мая.

Навіны бібліятэк

“Помнім боль і страты твае, Беларусь…” – экскурсія да Дня Перамогі

5 Май 2021

4 мая, напярэдадні Дня Перамогі, экскурсію з цыкла “Славутыя імёны Бацькаўшчыны”, прысвечаную творчасці перыяду Вялікай Айчыннай вайны А. Куляшова, М. Танка, П. Панчанкі, наведалі навучэнцы Мінскага дзяржаўнага прафесіянальна-тэхнічнага каледжа дэкаратыўна-прыкладнога мастацтва імя М.А. Кедышкі.

Навіны Нацыянальнай бібліятэкі Беларусі

Жывая памяць аб гераізме народа: літаратурна-асветніцкае мерапрыемства “Радкі памяці”

5 Май 2021

5 мая, напярэдадні знакавага свята – Дня Перамогі, у Нацыянальнай бібліятэцы адбылося літаратурна-асветніцкае мерапрыемства “Радкі памяці”, у рамках якога была ўрачыста адкрыта кніжная выстаўка “Вялікая Айчынная вайна ў творах мастацкай літаратуры”.

Навіны Нацыянальнай бібліятэкі Беларусі

Вельмі кароткая гісторыя бітнікаў

5 Май 2021

60 гадоў таму на паэтычнай вечарыне ў Town Hall Theatre ў Берклі са сцэны быў прачытаны верш, які змяніў амерыканскую літаратуру, а потым і ўвесь свет – “Вой” Алена Гінзберга. Але ці патрэбна прычына, каб напісаць пра гэты вельмі важны перыяд ў літаратуры? Час бітнікаў не толькі зрабіў сучасную паэзію такой, якой мы яе бачым, але паўплываў нават на музыку. Сёння мы паглядзім на гісторыю біт-пакалення – у датах, ліках, асобах і самых важных аспектах. Коратка і па справе.

Аўтарскі погляд

Бібліятэкарам
111