ГалоўнаяНавіныКніжныя выстаўкі
III Міжнародныя кнігазнаўчыя чытанні

Сучасная бібліятэчная справа: тэорыя і практыка

Іншыя навіны

Нацыянальная бібліятэка Беларусі паведамляе, што 15 верасня 2003 г. з нагоды Дня бібліятэк адбудзецца ўрачыстае адкрыццё тэматычнай кніжнай выстаўкі "Сучасная бібліятэчная справа: тэорыя і практыка".


На выстаўцы прадстаўлена звыш 300 экзэмпляраў літаратуры з фондаў бібліятэкі, выдадзенай за апошнія 3 гады. Гэта даведнікі, вучэбныя дапаможнікі, матэрыялы навуковых канферэнцый, метадычныя парады, часопісы і іншыя выданні.
    Выстаўка ўключае прафесійную літаратуру больш чым на 10-ці мовах свету: беларускай, рускай, англійскай, балгарскай, венгерскай, літоўскай, латышскай, нямецкай, польскай, французскай, чэшскай.
    Кніжная экспазіцыя складаецца з 15-ці раздзелаў і ахоплівае самыя разнастайныя аспекты бібліятэчнай справы. Гэта агульныя пытанні сучаснай бібліятэчнай справы, бібліятэказнаўства і бібліяграфазнаўства, кнігазнаўства і гісторыя кнігі, бібліятэчныя фонды, апрацоўка і каталагізацыя, бібліятэчна-бібліяграфічнае і інфармацыйнае абслугоўванне, сацыяльна-псіхалагічныя праблемы бібліятэчнай справы, бібліятэчная прафесія і падрыхтоўка кадраў, кіраванне і эканоміка бібліятэчнай справы, стандартызацыя ў бібліятэчна-інфармацыйнай сферы, методыка бібліятэчнай справы, дзіцячыя і школьныя бібліятэкі, спецыяльныя бібліятэкі, сацыялагічныя даследаванні ў бібліятэках, бібліятэчная рэклама.
    Асобным раздзелам прадстаўлена каля 100 назваў прафесійных перыядычных выданняў, 60 з якіх - на замежных мовах.
    Выстаўка разлічана на спецыялістаў-практыкаў, навукоўцаў, выкладчыкаў, аспірантаў і студэнтаў бібліятэчных спецыялізацый.
    Адкрыццё выстаўкі адбудзецца ў лекцыйнай зале галоўнага корпуса Нацыянальнай бібіятэкі Беларусі па адрасу: вул. Чырвонаармейская, 9.
    З 16 верасня па 1 кастрычніка выстаўка будзе экспанавацца на другім паверсе галоўнага корпуса.
Даведкі па тэлефоне: 226-18-40

Навіны

Статус гісторыка-культурнай каштоўнасці атрымае феномен “Паўлінкі” Купалаўскага тэатра

12 Сне 2019

Статус гісторыка-культурнай каштоўнасці атрымае тэатральны феномен спектакля “Паўлінка” Нацыянальнага акадэмічнага тэатра імя Янкі Купалы. Такую прапанову сёння падтрымаў Беларускі рэспубліканскі навукова-метадычны савет па пытаннях гісторыка-культурнай спадчыны пры Міністэрстве культуры, паведамілі ў Мінкульце.

Навіны бібліятэк

Пра беларускіх ілюстратараў, якія прысвяцілі талент Яе Вялікасці Кнізе

11 Сне 2019

“Я не самотны, я кнігу маю…” – невыпадкова радок з верша Максіма Багдановіча прагучаў на ўрачыстай прэзентацыі кнігі журналіста Вольгі Паўлючэнкі “Малюнак пад кніжнай вокладкай”, якая адбылася 10 снежня ў бібліятэцы.

Навіны Нацыянальнай бібліятэкі Беларусі

Аўдыякалекцыя літаратурнай класікі і сучаснай прозы Беларусі – на старонцы вэб-навігатара “Беларусь у інфармацыйнай прасторы”

11 Сне 2019

Міністэрства інфармацыі Рэспублікі Беларусь прадаставіла ў адкрыты доступ падрыхтаваную выдавецтвам “Вышэйшая школа” калекцыю твораў беларускіх пісьменнікаў, агучаных вядучымі акцёрамі Беларусі.

Навіны Нацыянальнай бібліятэкі Беларусі

Раман Матульскі: “У сучасным свеце няма ведаў канстанты”

10 Сне 2019

6 снежня адбылася сустрэча фіналістаў конкурсу “Студэнт года” з дырэктарам Нацыянальнай бібліятэкі Беларусі, старшынёй грамадска-кансультатыўнага савета па пытаннях адукацыі пры Міністэрстве адукацыі Рэспублікі Беларусь, доктарам педагагічных навук, прафесарам Раманам Матульскім.

Аўтарскі погляд

111