Напярэдадні Дня Незалежнасці Рэспублікі Беларусь (3 ліпеня) Нацыянальная бібліятэка Беларусі прапануе тэматычную кніжную выстаўку “Сучасная Беларусь”.
Выстаўка налічвае каля 200 выданняў. У экспазіцыю ўключаны кнігі, якія расказваюць пра станаўленне беларускай дзяржаўнасці, дасягненні ў сацыяльна-эканамічнай, навуковай і культурнай сферах, знешнепалітычныя і знешнеэканамічныя сувязі. На выстаўцы знайшлі адлюстраванне лепшыя традыцыі беларускага народа, унікальныя прыродныя багацці краіны.
Раздзел “Краіна Беларусь” уключае выданні па гісторыі краіны, грамадска-палітычную і сацыяльную літаратуру пра сучасны стан рэспублікі і шляхі яе далейшага развіцця.
Раздзел “Вобразы мілыя роднага краю” прысвечаны запаведным куточкам Беларусі, прыгажосці і багаццю яе прыроды, ахове навакольнага асяроддзя; тут прадстаўлены звесткі пра нацыянальныя паркі, запаведнікі і заказнікі.
У заключнай частцы экспазіцыі “Сучасны партрэт культуры і мастацтва Беларусі” дэманструюцца кнігі пра культурна-гістарычную спадчыну, помнікі культавай архітэктуры, выдатныя мясціны нашай краіны; энцыклапедычныя даведнікі, фотаальбомы, буклеты, якія раскрываюць яе прывабны імідж.
Чытачы і наведвальнікі маюць магчымасць пазнаёміцца з самымі новымі кнігамі беларускіх выдавецтваў, якія пабачылі свет у апошнія тры гады.Выстаўка разлічана на шырокую аўдыторыю.
Экспазіцыя размешчана на 2-м паверсе кальцавога калідора і будзе доўжыцца з 27 чэрвеня да 11 верасня 2013 г.
Кантактны тэлефон: (8 017) 293 28 86.