З 12 студзеня па 9 лютага ў зале дакументаў міжнародных арганізацый (пам. 207g) дэманструецца выстаўка “Стварэнне магчымасцей там, дзе яны найбольш неабходныя”, прысвечаная 60-годдзю стварэння Міжнароднай фінансавай карпарацыі.
Міжнародная фінансавая карпарацыя (МФК; англ. International Finance Corporation, англ. IFC) – гэта міжнародны фінансавы інстытут, які ўваходзіць ў структуру Сусветнага банка. Арганізацыя была створана ў 1956 годзе для прадастаўлення крэдытаў і долевага фінансавання праектаў, накіраваных на развіццё прыватнага сектара краін, якія развіваюцца. У склад МФК уваходзяць 184 дзяржавы, якія сумесна вызначаюць яе палітыку і сцвярджаюць інвестыцыйныя праекты. Асноўнай мэтай карпарацыі з’яўляецца садзейнічанне ўстойліваму прытоку інвестыцый у прыватны сектар краін, якія развіваюцца, з мэтай скарачэння маштабаў беднасці і павышэння жыццёвага ўзроўню ў гэтых краінах.
МФК каардынуе сваю дзейнасць з іншымі арганізацыямі, што ўваходзяць у склад групы Сусветнага банка, але ў юрыдычных і фінансавых адносінах з’яўляецца незалежнай арганізацыяй, якая мае свае Артыкулы пагаднення, долевы капітал, кіраўніцтва і апарат штатных супрацоўнікаў.
Карпаратыўныя паўнамоцтвы ў МФК належаць Савету кіраўнікоў, у які краіны-члены прызначаюць сваіх прадстаўнікоў. Долевы капітал МФК складаецца з аплачаных узносаў краін-членаў, і правы голасу размяркоўваюцца прапарцыянальна колькасці адзінак долевага ўдзелу той або іншай краіны. Дазволены да выпуску аб’ём статутнага капіталу МФК складае 2,45 млрд долараў ЗША. Штаб-кватэра арганізацыі знаходзіцца ў Вашынгтоне (ЗША).
Дзейнасць карпарацыі ў больш як 100 краінах, якія развіваюцца, дазваляе кампаніям і фінансавым установам на рынках, што фарміруюцца, ствараць працоўныя месцы, забяспечваць падатковыя паступленні, удасканальваць карпаратыўнае кіраванне і паляпшаць экалагічныя паказчыкі дзейнасці, а таксама садзейнічаць мясцовым супольнасцям.
МФК ажыццяўляе прадастаўленне пазык, інвеставанне ў форме долевага ўдзелу ў капітале, прапаноўвае структурыраванае фінансаванне і прадукты па кіраванні рызыкамі, а таксама аказвае кансультацыйныя паслугі і тэхнічную дапамогу з мэтай стымулявання росту прыватнага сектара ў краінах, што развіваюцца. Крыніцамі сродкаў IFC з’яўляюцца ўзносы краін-членаў, эмісія аблігацый на міжнародным фінансавым рынку і прыбыткі ад ажыццяўлення сваіх аперацый.
У лістападзе 1992 года Рэспубліка Беларусь першай з краін СНД падпісала адпаведныя пагадненні і стала членам Сусветнага банка і яго падапечных структур, у тым ліку і Міжнароднай фінансавай карпарацыі. Дзякуючы ўстойлівым партнёрскім зносінам з МФК Беларусь атрымала магчымасць выкарыстаць яе патэнцыял для своечасовага і паспяховага рэфармавання эканомікі ў напрамку рынкавай. У 1993 годзе па запрашэнні беларускага ўрада МФК пачала праводзіць праграмы кансультацыйнай дапамогі нашай краіне, якія дабратворна паўплывалі на развіццё прыватнага сектара і спрыялі пазітыўным зменам у дзелавым клімаце дзяржавы. Пачынаючы з 2004 года, адносіны МФК і Беларусі перайшлі на якасна новы ўзровень. Арганізацыя пачала праводзіць у краіне інвестыцыйную дзейнасць, якая з кожным годам узмацняла свае пазіцыі. На сённяшні дзень агульны аб’ём інвестыцый МФК у эканоміку краіны, уключаючы праекты ў банкаўскім, вытворчым, аграпрамысловым сектарах, а таксама ў сферы паслуг, склаў больш $316 млн долараў ЗША. Наша дзяржава мае намер і далей паслядоўна развіваць супрацоўніцтва з МФК з улікам нацыянальных інтарэсаў. Такое імкненне зыходзіць з разумення таго, што падтрыманне сувязей з міжнароднымі фінансавымі інстытутамі – гэта неад’емная ўмова найхутчэйшага рэфармавання нацыянальнай эканомікі і яе паспяховай інтэграцыі ў эканоміку сусветную.
На выстаўцы прадстаўлена больш за 50 дакументаў на рускай і англійскай мовах: кнігі, брашуры, перыядычныя выданні, буклеты.
Экспазіцыя змяшчае наступныя тэматычныя раздзелы:
- Міжнародная фінансавая карпарацыя: гісторыя і сучаснасць.
- Асноўныя кірункі дзейнасці МФК.
- Інвестыцыйныя праекты і праграмы МФК у Рэспубліцы Беларусь.
Выстаўка будзе карысная спецыялістам у галіне фінансаў, прадпрымальнікам, даследчыкам у галіне малога і сярэдняга бізнесу, студэнтам і выкладчыкам эканамічных і фінансавых спецыяльнасцей.
Карысныя спасылкі
- Група арганізацый Сусветнага банка:
- Расійскі сайт МФК
- Савет кіраўнікоў
- Прэзідэнт Групы арганізацый Сусветнага банка