З 2 мая па 30 чэрвеня 2009 года ў зале перыядычных выданняў Нацыянальнай бібліятэкі Беларусі (пам. 106) праходзіць тэматычная выстаўка “Спорт: людзі і рэкорды”.
Найбуйнейшымі спартыўнымі спаборніцтвамі з часоў антычнасці і да нашых дзён з’яўляюцца Алімпійскія гульні – адзін з самых папулярных рухаў у свеце, які займае важнае месца ў жыцці маладога пакалення планеты. Вялікае іх значэнне ў справе ўмацавання супрацоўніцтва, прагрэсу, міру і дэмакратыі.
Для нас, беларусаў, XXIX Алімпіяда ў Пекіне назаўсёды застанецца асаблівай: ніколі раней нашы спартсмены не паднімаліся на самую высокую ступень п’едэстала гонару чатыры разы.
Падвядзенню вынікаў Алімпійскіх гульняў у Пекіне прысвечаны шматлікія публікацыі ў прэсе. Прадстаўленая на выстаўцы падборка матэрыялаў з перыядычных выданняў знаёміць наведвальнікаў з некаторымі з іх. Гэта публікацыі «За наших олимпийцев не стыдно», «Ориентир – Лондон-2012» (Спортивная панорама. 2008. № 99, 106), «Час выбраў іх» (Беларусь. 2008. № 9), «Олимпийский экспресс уже на пути в Лондон» (Беларуская думка. 2008. № 9) і многія іншыя.
Шэраг матэрыялаў экспазіцыі раскажа пра цікавыя спартыўныя падзеі, якія адбудуцца ў новым сезоне. У іх ліку артыкул С. Канашыца “Дыстанцыя даўжынёю ў год”, што прадстаўляе каляндар найважнейшых спраборніцтваў 2009 г., у якіх прымуць удзел беларускія спартсмены (Беларусь. 2009. № 1).
Усяго экспазіцыя налічвае больш за 35 публікацый розных аўтараў з беларускіх і расійскіх перыядычных выданняў.
Кантактны тэлефон: 293-25-87.
 |
 |
 |
 |
 |
 |
