ГалоўнаяНавіныКніжныя выстаўкі
Вечар “Кароль паэтаў”
Адкрыты доступ да ЭБС “Універсітэцкая бібліятэка”

Следам за сонцам: міфалогія беларусаў

Следам за сонцам: міфалогія беларусаў
Іншыя навіны

З 17 красавіка па 4 мая ў зале выяўленчых і відэадакументаў (пам. 307) праходзіць выстаўка "Следам за сонцам: міфалогія беларусаў".


Спрадвеку міфы існавалі не толькі ў іншаземным краі, але і на беларускай зямлі. На працягу некалькіх стагоддзяў рупліўцы збіраюць і запісваюць міфы, казкі, паданні ад старых, мудрых людзей – нашых далёкіх і блізкіх продкаў, якія ў сваю чаргу чулі і пераймалі тыя легенды ад сваіх дзядуль і бабуль, а яны – ад сваіх…

Заўсёды цікава распавядалася пра тыя істоты, якімі ва ўяўленнях людзей быў населены ўвесь навакольны свет. Тут, у нашым краі, “паміж пустак, балот”, сярод палёў і лясоў, азёраў і рэк, на падворку і ў хаце, у паветры, вадзе і пад зямлёю нібыта існавалі – жылі, валадарылі, гаспадарылі, дапамагалі ці шкодзілі – усе персанажы, што ўвайшлі ў міфы нашай Бацькаўшчыны.

Падрабязней даведацца пра характары, звычкі і норавы незвычайных міфічных герояў беларускіх легенд і казак, убачыць ілюстрацыйны матэрыял па гэтай тэматыцы можна ў кнігах, альбомах і выяўленчых дакументах якія прадстаўлены ў экспазіцыі. Наведвальнікі выстаўкі сустрэнуцца з працамі такіх аўтараў, як М. Нікіфароўскі, А. Сержпутоўскі, І. Крук, А. Катовіч, А. Шамак, І. Вуглік, А. Бутэвіч і інш.

Сярод экспанатаў – выданні П. Шпілеўскага “Беларусь у абрадах і казках” (2010), З. Дудзюк “Вяртанне забытага міфа” (2013), Т. Шамякінай “Міфалогія Беларусі: нарысы” (2000), А. Ненадаўца “Святло таямнічага вогнішча” (1993), энцыклапедычны слоўнік “Міфалогія беларусаў” (2011).

Выстаўка разлічана на шырокае кола чытачоў, якія цікавяцца культурай беларускага народа.

Кантактны тэлефон: (8 017) 293 27 58.

Навіны

“Беларускі салавей”: новая віртуальная экспазіцыя да 135-годдзя з дня нараджэння Змітрака Бядулі

7 Май 2021

Прадстаўляем новы раздзел віртуальнага праекта “На хвалі часу, у плыні жыцця”, які рэалізуецца Нацыянальнай бібліятэкай Беларусі, Дзяржаўным музеем гісторыі беларускай літаратуры, Беларускім дзяржаўным архівам-музеем літаратуры і мастацтва і часопісам “Маладосць” да 100-годдзя ўтварэння літаратурнага аб’яднання “Маладняк”.

Да 100-годдзя літаб'яднання "Маладняк"

Водгукі пра XVІІ Міжнародныя кнігазнаўчыя чытанні

7 Май 2021

22–23 красавіка ў Нацыянальнай бібліятэцы Беларусі адбыўся маштабны навуковы форум Міжнародныя кнігазнаўчыя чытанні. Пасля завяршэння канферэнцыі арганізатары падводзяць вынікі, каб вызначыць, наколькі праект дасягнуў сваіх мэт. Сваім меркаваннем пра канферэнцыю падзяліліся яе ўдзельнікі – беларускія і замежныя эксперты.

Навіны Нацыянальнай бібліятэкі Беларусі

Ля Кургана Славы адбылося ўрачыстае ўскладанне кветак

6 Май 2021

У Нацыянальнай бібліятэцы Беларусі склалася асаблівая традыцыя: напярэдадні Дня Перамогі шанаваць памяць загінуўшых, ускладаючы ад імя ўсіх супрацоўнікаў кветкі да манументаў Перамогі, аддаючы даніну глыбокай павагі ўсім пакаленням абаронцаў Айчыны.

Навіны Нацыянальнай бібліятэкі Беларусі

Рэсурсы адкрытага доступу і інтэгрыраваныя пошукавыя сэрвісы: прымяненне ў навукова-адукацыйнай дзейнасці

6 Май 2021

5 мая ў Нацыянальнай бібліятэцы Беларусі пры падтрымцы выдавецтва Springer Nature адбыўся анлайн-семінар, прысвечаны развіццю ініцыятывы адкрытай навукі.

Навіны Нацыянальнай бібліятэкі Беларусі

Памяці загінуўшых будзем вартыя!

6 Май 2021

6 сакавіка ў бібліятэцы адбылася ўрачыстая акцыя-свята “Памяці загінуўшых будзем вартыя!”, прымеркаваная да Дня Перамогі. Арганізатарамі выступілі Першамайская раённая г. Мінска арганізацыя РГА “Белая Русь” і Нацыянальная бібліятэка Беларусі.

Навіны Нацыянальнай бібліятэкі Беларусі

6 Май 2021

Новы, 22-і па ліку, том серыі «Залатая калекцыя беларускай літаратуры», прысвечаны творчасці Івана Шамякіна, дае нам унікальную магчымасць. Чытаючы творы класікаў, мы часта гадаем наконт прататыпаў, таго, якія рэальныя падзеі з біяграфіі аўтара адбіліся ў тэксце. Тут аб'яднаныя мастацкі твор па матывах аўтабіяграфіі і дакументальны, дзе выкладзены сапраўдныя падзеі, якія ляглі ў аснову мастацкага твора. Гаворка пра пенталогію «Трывожнае шчасце», якая прынесла маладому Шамякіну славу, і аповесць «Слаўся, Марыя!».

Навіны бібліятэк

Адзін з самых моцных фільмаў пра вайну выйшаў у паўторны пракат

7 Май 2021

Знакамітую ваенную драму і адзін з самых моцных фільмаў пра вайну “Ідзі і глядзі” Элема Клімава пакажуць у мінскіх кінатэатрах паўторна. Сеансы пройдуць у кінатэатрах “Мір” і “Цэнтральны” 6–9 мая.

Навіны бібліятэк

“Помнім боль і страты твае, Беларусь…” – экскурсія да Дня Перамогі

5 Май 2021

4 мая, напярэдадні Дня Перамогі, экскурсію з цыкла “Славутыя імёны Бацькаўшчыны”, прысвечаную творчасці перыяду Вялікай Айчыннай вайны А. Куляшова, М. Танка, П. Панчанкі, наведалі навучэнцы Мінскага дзяржаўнага прафесіянальна-тэхнічнага каледжа дэкаратыўна-прыкладнога мастацтва імя М.А. Кедышкі.

Навіны Нацыянальнай бібліятэкі Беларусі

Бібліятэкарам
111