ГалоўнаяНавіныКніжныя выстаўкі
Напярэдадні Дня бібліятэк у канферэнц-зале “алмаза ведаў” павіншавалі лепшых па прафесіі
Капітаны кніжных мораў

Славутыя бібліятэкі і бібліятэкары

Славутыя бібліятэкі і бібліятэкары
Іншыя навіны

З 12 верасня па 10 кастрычніка на кальцавым калідоры 2-га паверха праходзіць выстаўка “Славутыя бібліятэкі і бібліятэкары”, прымеркаваная да Дня бібліятэк.

Ва ўсе часы бібліятэкі былі важнай часткай культуры кожнай нацыі. Узводзіліся ўсё новыя і новыя бібліятэчныя будынкі, некаторыя з іх можна назваць сапраўднымі шэдэўрамі архітэктуры. На пасаду бібліятэкара часцей за ўсё прызначаліся самыя выбітныя людзі свайго часу – пісьменнікі, вучоныя, філосафы. Гэтыя асобы ўносілі вялікі ўклад у развіццё розных сфер жыцця чалавецтва.

На выстаўцы “Славутыя бібліятэкі і бібліятэкары” прадстаўлена больш за 100 дакументаў. Цэнтр экспазіцыі займаюць кнігі, прысвечаныя знакамітым бібліятэкам свету. Выданні знаёмяць наведвальнікаў з не толькі фондамі і дзейнасцю вядомых бібліятэк, але і з іх гісторыяй, архітэктурнымі асаблівасцямі, інтэр'ерамі, якія нярэдка з'яўляюцца ўзорамі высокага мастацтва.

Таксама ў экспазіцыі прадстаўлены кнігі, што распавядаюць пра выдатных асоб, якія звязалі сваю навуковую і літаратурную дзейнасць з бібліятэчнай прафесіяй.


Час работы выстаўкі адпавядае рэжыму работы бібліятэкі.
Уваход – па чытацкім білеце або білеце сацыякультурнага цэнтра бібліятэкі.

Прадстаўленыя ў экспазіцыі кнігі можна заказаць праз электронны каталог Нацыянальнай бібліятэкі Беларусі.

Тэлефоны для даведак: (8 017) 293 29 80, 293 28 86.

Каментарыі карыстальнікаў:

Каментаванне даступна толькі зарэгістраваным карыстальнікам

Навіны

Факсіміле высокага ўзроўню

19 Ліп 2019

Міжнародны навуковы і выдавецкі праект па факсімільным узнаўленні кніжнай спадчыны Францыска Скарыны, рэалізаваны Нацыянальнай бібліятэкай Беларусі і Банкам БелВЭБ, доўжыўся пяць гадоў і быў паспяхова завершаны падчас святкавання 500-годдзя беларускага кнігадрукавання – у 2017 годзе.

Навіны Нацыянальнай бібліятэкі Беларусі

Па сакрэце: таямніцы фондасховішча Нацыянальнай бібліятэкі

19 Ліп 2019

Нядаўна мы прыадчынілі заслону таямнічасці ў сховішчы “алмаза ведаў”. Значная частка фондаў – гэта не кнігі. Прапануем зазірнуць на стэлажы з газетамі і часопісамі і даведацца больш падрабязна, што захоўваецца ў спецыялізаваным фондзе.

Аўтарскі погляд

Калекцыя Нацыянальнай бібліятэкі папоўнілася самым раннім выданнем Адама Міцкевіча з усіх, што зберагаюцца ў дзяржаўных зборах краіны

19 Ліп 2019

Гэта другі том легендарнага двухтомніка паэтычных твораў Адама Міцкевіча, які выйшаў ў траўні 1823 г. у выдавецтве знакамітага віленскага друкара і кнігагандляра Юзафа Завадскага.

Навіны Нацыянальнай бібліятэкі Беларусі

Беларускі “Буквар” крочыць па планеце

18 Ліп 2019

У 2018 г. Нацыянальная бібліятэка Беларусі завяршыла міжнародны навуковы выдавецкі праект па факсімільным ўзнаўленні кніжнага артэфакта – першай кнігі пад назвай “Буквар”, выдадзенай 24 ліпеня 1618 г. у друкарні Віленскага Свята-Духава праваслаўнага брацтва ў Еўе (цяпер г. Вевіс, Літва).

Навіны Нацыянальнай бібліятэкі Беларусі

Нацыянальная бібліятэка Беларусі на VI Форуме рэгіёнаў Беларусі і Расіі

18 Ліп 2019

16–18 ліпеня ў Санкт-Пецярбургу адбыўся VI Форум рэгіёнаў Беларусі і Расіі пры ўдзеле Прэзідэнта Рэспублікі Беларусь Аляксандра Лукашэнкі і Прэзідэнта Расійскай Федэрацыі Уладзіміра Пуціна, а таксама дэлегацый Савета Рэспублікі Нацыянальнага сходу Рэспублікі Беларусь і Савета Федэрацыі Федэральнага сходу Расійскай Федэрацыі па міжрэгіянальным супрацоўніцтве.

Навіны Нацыянальнай бібліятэкі Беларусі

“Новая” Эліза Ажэшка ў цыкле лекцый Святланы Воцінавай

15 Ліп 2019

Журналістка, галоўны рэдактар часопіса “Маладосць” Святлана Воцінава праводзіць цыкл лекцый, прысвечаны польскамоўнай прадстаўніцы беларускай літаратуры Элізе Ажэшка. У інтэрв'ю для Нацыянальнай бібліятэкі яна распавяла, чаму толькі зараз мы адкрываем для сябе “сапраўдны” вобраз пісьменніцы.

Аўтарскі погляд

Купалаў фэст аб’яднаў літаратурныя і касцёльныя традыцыі

16 Ліп 2019

14 ліпеня ў Радашковічах урачыста адбыўся Купалаў фэст – 2019. Ён праходзіў пад дэвізам “Беларусь – маё сэрца, залатая краіна” .  Арганізатарамі выступілі мінскі Дзяржаўны літаратурны музей Я. Купалы, які прадстаўляла спадарыня Марыя Барткова, і мясцовая каталіцкая парафія.

Навіны бібліятэк

111