ГалоўнаяНавіныКніжныя выстаўкі
Міжнародны рэгіянальны семінар
Будучыню Радзімы будаваць маладым!

Скажы НЕ!

Скажы НЕ!
Іншыя навіны

З 24 чэрвеня 2008 года ў Нацыянальнай бібліятэцы Беларусі пройдзе тэматычная кніжная выстаўка «Скажы НЕ!», прысвечаная Міжнароднаму дню барацьбы з наркотыкамі (26 чэрвеня).




У 1987 г. Генеральная Асамблея ААН пастанавіла штогод адзначаць 26 чэрвеня як Міжнародны дзень барацьбы са злоўжываннем наркатычных сродкаў і іх незаконным абарачэннем у знак выражэння сваёй рашучасці ўзмацняць дзейнасць і супрацоўніцтва ў мэтах стварэння міжнароднага грамадства, свабоднага ад злоўжывання наркотыкамі.

Сёння наркаманія – адна з найскладанейшых праблем сучаснасці, што датычыцца ўсіх людзей, якія жывуць на планеце Зямля, незалежна ад колеру скуры, нацыянальнасці, веравызнання, сацыяльнага становішча і матэрыяльнага дабрабыту.

Наркаманію не спыняюць межы дзяржаў, яна, пераадольваючы любыя перашкоды, упарта распаўсюджваецца па свеце, пакараючы прасторы і заваёўваючы тэрыторыі. Цяпер няма ніводной краіны, дзе б народы і ўрады не сутыкаліся з гэтай жахлівай праблемай.

Прапанаваная ўвазе чытачоў і наведвальнікаў бібліятэкі выстаўка не толькі пашырыць агульныя ўяўленні па праблемах наркаманіі, але і дасць пэўныя рэкамендацыі як па прафілактыцы нарказалежнасці, так і па тэрапіі і рэабілітацыі тых, хто ўжо трапіў у бяду.

У экспазіцыі прадстаўлена папулярная літаратура, у якой зроблена спроба пераадолець аднабокасць прапагандысцкага падыходу і папулярызаваць медыцынскі матэрыял. У такіх выданнях можна знайсці гістарычныя звесткі і анекдоты з жыцця індзейцаў, класіфікацыю прэпаратаў і апісанне іх эфектаў, даследаванне псіхалогіі залежнасці, зварот да праблем моладзі. У іх злучаны разнастайнасць і займальнасць матэрыялу, а таксама навуковасць медыцынскіх выданняў.

На выстаўцы сабраны кнігі, дзе закрануты і крыміналагічныя аспекты наркаманіі, даследаваны праблемы тэорыі і практыкі барацьбы з наркаманіяй і наркабізнесам.

У раздзеле «Антынаркатычнае выхаванне» прапанаваны эфектыўныя праграмы прафілактыкі, тэмы і матэрыялы для класных заняткаў, споведзі тых, каму прыйшлося прайсці цяжкі шлях па выратаванні блізкага чалавека.

Вельмі карыснай стане і інфармацыя з крыніц заключнага раздзела «Абяры здаровы лад жыцця».

Выстаўка размешчана на 3-м паверсе кальцавога калідора (каля галерэі «Мабільная»).

Кантактны тэлефон 293-28-86.

   

Навіны

Краязнаўчыя рэсурсы публічных бібліятэк на віртуальнай пляцоўцы НББ

27 Ліс 2020

24–25 лістапада ў Нацыянальнай бібліятэцы Беларусі для бібліятэк Гродзенскай, Мінскай і Магілёўскай абласцей прайшлі навучальныя мерапрыемствы, якія закрылі серыю вебінараў, прысвечаных краязнаўчым інфармацыйным рэсурсам публічных бібліятэк.

Навіны Нацыянальнай бібліятэкі Беларусі

Больш, чым пісьменнік: адкрылася выстаўка “Княства вобразаў і слоў” (+ відэа)

26 Ліс 2020

26 лістапада а 17-й гадзіне ў галерэі “Мабільная” (3-ці паверх) адбылося адкрыццё выстаўкі “Княства вобразаў і слоў”. Экспазіцыя прымеркавана да 90-годдзя з дня нараджэння класіка беларускай літаратуры Уладзіміра Сямёнавіча Караткевіча.

Навіны Нацыянальнай бібліятэкі Беларусі

У бібліятэцы прайшло пасяджэнне калегій міністэрстваў культуры Беларусі і Расіі

27 Ліс 2020

26 лістапада ў Нацыянальнай бібліятэцы Беларусі адбылося сумеснае пасяджэнне калегій Міністэрства культуры Рэспублікі Беларусь і Міністэрства культуры Расійскай Федэрацыі.

Навіны Нацыянальнай бібліятэкі Беларусі

#BelBookChallenge 2020 – на старт!

27 Ліс 2020

Калі вы даўно хацелі бліжэй пазнаёміцца з сучаснай беларускай літаратурай, але Сусвет усё ніяк не падаваў вам знак, то – вось ён! З 26 лістапада па 6 лютага ў гонар 90-годдзя з дня нараджэння Уладзіміра Караткевіча Нацыянальная бібліятэка запускае кніжны чэлендж. Кіньце кніжны выклік самому сабе!

Навіны Нацыянальнай бібліятэкі Беларусі

Віншуем: генеральны дырэктар Нацыянальнай бібліятэкі Беларусі абраны прэзідэнтам Бібліятэчнай асамблеі Еўразіі!

25 Ліс 2020

25 лістапада на XXIV Агульным сходзе членаў некамерцыйнага партнёрства “Бібліятэчная асамблея Еўразіі” (БАЕ) прайшлі выбары прэзідэнта.

Навіны Нацыянальнай бібліятэкі Беларусі

111