ГалоўнаяНавіныКніжныя выстаўкі
Візіт грузінскай парламенцкай дэлегацыі
Еўрапейская інтэграцыя: вопыт і перспектывы развіцця

Сімфонія колеру

Сімфонія колеру
Іншыя навіны

З 9 ліпеня ў зале выяўленчых і відэадакументаў (пам. 307) праходзіць выстаўка “Сімфонія колеру”, прысвечаная 180-годдзю з дня нараджэння французскага жывапісца, прадстаўніка імпрэсіянізму Каміля Пісаро (1830–1903).


Дзякуючы таленту, пастаяннай працы і ўласнаму непаўторнаму светапогляду мастак здолеў стварыць сапраўдныя шэдэўры, якія назаўсёды ўвайшлі ў гісторыю сусветнага мастацтва. У канцы XIX ст. анархісцкія ідэі аказвалі прыкметны ўплыў не толькі на рабочых, але і на літаратурна-артыстычныя колы. Многія пісьменнікі і мастакі натхняліся ідэяй сацыяльнай рэвалюцыі. Для некаторых яна была толькі модай, і гэтая мода прайшла, калі да іх прыйшлі поспех і багацце. Іншыя захавалі вернасць анархізму на ўсё жыццё. Сярод іх быў і Каміль Пісаро.

Як мастак-авангардыст ён адхіляў буржуазнае грамадства і ўладу, захапляўся чалавечай асобай. Анархізм даў Пісарро магчымасць выразіць сваё разуменне прыгажосці: “Любое мастацтва анархічнае, калі яно прыгожае і спавядае дабро…”.

Ён маляваў перш за ўсё пейзажы, розныя партрэты. Яго карціны зроблены шчыльнымі мазкамі і напоўнены святлом. Да яго ідэалу было блізкім жыццё сялян. Вёскі і палі для мастака – сімвал утопіі. Гэта быў свет, які хацелася б захаваць для будучага грамадства, перш чым ён будзе разбураны індустрыялізацыяй.

Жывапісная сістэма большасці твораў Пісаро пабудавана на спалучэнні пастозных колераў, выразным рытме малюнка і смелых, свабодных рашэннях.

На выстаўцы, якая будзе доўжыцца да 26 жніўня, прадстаўлены альбомы, кнігі, артыкулы, паштоўкі і рэпрадукцыі работ знакамітага мастака.

Экспазіцыя разлічана на ўсіх чытачоў, якія цікавяцца біяграфіяй і творчасцю Каміля Пісаро.

Кантактны тэлефон: 293-27-53.

Навіны

30 Ліп 2021

Мы так часта ўжываем слова “культура”, што іншым разам не задумваемся над глыбінным сэнсам паняцця. І дарэмна. Напэўна, у гэтым прычына не надта вялікай чысціні нашых ліфтаў і душ. А таксама – не вельмі добрага ведання роднай гісторыі ды імя продка ў пятым калене. А сапраўды, што за паняцце такое – культура?

Навіны бібліятэк

Выставачна-асветніцкае мерапрыемства, прысвечанае 200-годдзю з дня нараджэння Ф.М. Дастаеўскага

27 Ліп 2021

27 ліпеня ў Нацыянальнай бібліятэцы адбылося пленарнае пасяджэнне выставачна-асветніцкага мерапрыемства, прысвечанага 200-годдзю з дня нараджэння Ф.М. Дастаеўскага, і адкрыццё фотавыставы “Пецярбург Дастаеўскага”.

Навіны Нацыянальнай бібліятэкі Беларусі

Мой чытацкі спіс: навошта ім дзяліцца і ў чым наогул сэнс

28 Ліп 2021

У эпоху Інтэрнэту ўсё наша жыццё навідавоку. Фотаздымкі з паездак, душэўныя пасты ў сацсетках, нататкі пра хобі і любімыя фільмы хутка становяцца здабыткам грамадскасці – і нават чытанне. Што прымушае нас весці свае чытацкія дзённікі? Пахвальба, жаданне самасцвердзіцца ці проста прага да самавыяўлення? Давайце разбірацца – у спісах, кнігах і саміх сабе.

Аўтарскі погляд

“Ян Баршчэўскі, які любіў Бога, прыроду і людзей” – выстава ў музеі кнігі (+відэа)

23 Ліп 2021

22 ліпеня ў музеі кнігі Нацыянальнай бібліятэкі Беларусі адбылося адкрыццё выставы “Ян Баршчэўскі, які любіў Бога, прыроду і людзей”, на якой упершыню дэманструюцца разам аўтэнтычныя сведчанні пра знакамітага пісьменніка, аднаго з пачынальнікаў новай беларускай літаратуры.

Навіны Нацыянальнай бібліятэкі Беларусі

Бібліятэкарам