З 15 верасня па 12 кастрычніка ў зале выяўленчых і відэадакументаў (пам. 307) праходзіць выстаўка «Сімфонія графікі», прысвечаная 80-годдзю з дня нараджэння выдатнага беларускага графіка Арлена Міхайлавіча Кашкурэвіча.
Арлен Міхайлавіч Кашкурэвіч – лаўрэат Дзяржаўнай прэміі Рэспублікі Беларусь, народны мастак Беларусі, заслужаны дзеяч мастацваў БССР.
Творчы дыяпазон таленавітага мастака даволі шырокі. А.М. Кашкурэвіч актыўна і з аднолькавым поспехам выступае як у станкавай, так і ў кніжнай графіцы. Сапраўднае прызнанне атрымала яго кніжнае мастацтва: аформленыя ім кнігі неаднаразова экспанаваліся на рэспубліканскіх і міжнародных выстаўках, удзельнічалі ў конкурсах і былі адзначаны высокімі ганаровымі ўзнагародамі. Яго творам уласціва высокая эрудыцыя, глыбокае філасофскае асэнсаванне тэмы, прафесійная дасканаласць.
Творчасць Кашкурэвіча – значная з’ява ў мастацтве Беларусі. Графічныя работы майстра знайшлі прызнанне і поспех не толькі на постсавецкай прасторы, але і за яе межамі. Уплыў мастака на беларускую графіку вялізны.
На выстаўцы прадстаўлены альбомы, кнігі, артыкулы, паштоўкі, эстампы і рэпрадукцыі работ Арлена Міхайлавіча.
Кантактны тэлефон: 293-27-58.
 |
 |
 |
 |
 |
 |
 |
 |
 |
