ГалоўнаяНавіныКніжныя выстаўкі
Эканамічная місія рэгіёнаў Прыволжскай федэральнай акругі Расіі
Роўныя магчымасці для інвалідаў

Шлях да прафесійнай дасканаласці

Шлях да прафесійнай дасканаласці
Іншыя навіны

З 2 снежня 2009 года па 4 студзеня 2010 года ў Нацыянальнай бібліятэцы Беларусі (3-ці паверх, кальцавы калідор) праходзіць тэматычная кніжная выстаўка “Шлях да прафесійнай дасканаласці”.


Нацыянальная бібліятэка Беларусі запрашае кіраўнікоў прадпрыемстваў і арганізацый, прадпрымальнікаў і спецыялістаў у галіне страхавання, бухгалтарскага ўліку, архітэктуры і будаўніцтва, сельскай гаспадаркі, медыцыны і педагогікі наведаць прапанаваную выстаўку.

Ва ўмовах дынамічнага развіцця грамадства нельга пераацаніць ролю і значэнне дадатковай адукацыі ўвогуле і самаадукацыі ў асобнасці. Эфектыўнае выкарыстанне інфармацыйных рэсурсаў Нацыянальнай бібліятэкі Беларусі ў значнай ступені можа паспрыяць павышэнню прафесійнага ўзроўню спецыяліста.

У дапамогу прафесійнаму чытанню прадстаўлена больш за 200 выданняў, што пабачылі свет у 2009 годзе. Сярод іх энцыклапедыі, даведнікі, матэрыялы навуковых канферэнцый і семінараў, зборнікі нарматыўна-прававых актаў, манаграфіі, падручнікі і вучэбныя дапаможнікі.

Раздзел “Менеджэрам і прадпрымальнікам” уключае літаратуру па прававым рэгуляванні, працоўным заканадаўстве, правілах гандлю, антыкрызісным кіраванні і іншых пытаннях сучасных бізнес-тэхналогій. Некалькі выданняў гэтага раздзела цалкам прысвечаны новаму для нашай краіны напрамку бізнесу – fashion-індустрыі.

Нельга ўявіць існаванне любой установы без вядзення бухгалтэрыі. У раздзеле “Бухгалтарскі ўлік” прадстаўлены выданні з дакладнымі звесткамі аб афіцыйнай пазіцыі дзяржаўных органаў у гэтай галіне, а таксама прафесійныя серыі “Современному бухгалтеру” і “Консультант бухгалтера”.

Работнікам сельскай гаспадаркі прапанаваны падручнікі і вучэбныя дапаможнікі па аграбізнесе, вытворчасці кармоў, пчалярстве, ветэрынарнай фармакалогіі, ветэрынарнай хірургіі, сучасным земляробстве і г. д.

Медыцынская тэматыка разгорнута ў раздзеле “Работнікам аховы здароўя”, які прадстаўляе вучэбныя і навуковыя матэрыялы па медыцынскім заканадаўстве, кіраванні медыцынскай установай, дыягностыцы, унутраных хваробах, афтальмалогіі, оталарынгалогіі, стаматалогіі, педыятрыі і сястрынскай справе.

Дадзеная экспазіцыя прызначана для тых, хто бесперапынна павышае свой прафесійны ўзровень і імкнецца дасягнуць прафесійнай дасканаласці. Спецыялісты розных сфер дзейнасці знойдуць для сябе шмат неабходнай і карыснай інфармацыі.

Кантактны тэлефон: 293-28-86.

Навіны

Раман Матульскі: “У сучасным свеце няма ведаў канстанты”

10 Сне 2019

6 снежня адбылася сустрэча фіналістаў конкурсу “Студэнт года” з дырэктарам Нацыянальнай бібліятэкі Беларусі, старшынёй грамадска-кансультатыўнага савета па пытаннях адукацыі пры Міністэрстве адукацыі Рэспублікі Беларусь, прафесарам, доктарам педагагічных навук Раманам Матульскім.

Аўтарскі погляд

Кнігі з асабістай калекцыі Прэзідэнта Рэспублікі Беларусь Аляксандра Лукашэнкі перададзены ў фонды Нацыянальнай бібліятэкі Беларусі

9 Сне 2019

Гэта 76 сучасных выданняў, прысвечаных гісторыі, культуры, адукацыі, навуцы і спорту краін – суседзяў, партнёраў нашай краіны на міжнароднай арэне.

Навіны Нацыянальнай бібліятэкі Беларусі

Тэставы доступ да калекцыі Duke University Press

9 Сне 2019

Карыстальнікам Нацыянальнай бібліятэкі і яе партнёрам па віртуальнай чытальнай зале прадастаўлена магчымасць тэставага доступу да электроннай калекцыі навуковых часопісаў па літаратуры, культуралогіі, сацыялогіі, палітыцы, гісторыі і кніжнай калекцыі выдавецтва Duke University Press, у якую ўваходзяць больш за 2,5 тыс. найменняў перыядычных выданняў.

Навіны Нацыянальнай бібліятэкі Беларусі

Шлях даўжынёй у эпоху

10 Сне 2019

Гэтаму чалавеку давялося надоўга перажыць большасць са свайго пакалення, што загiнула ў крывавых вiрах эпохi. У юнацтве ён быў адным з сяброў легендарнага лiтаратурнага аб’яднання “Маладняк”, а памёр ужо ў незалежнай Беларусi. Звалi яго Аляксандр Каратай. Але ў гiсторыi лiтаратуры ён застаўся як Максiм Лужанiн, паэт, пiсьменнiк, сцэнарыст, перакладчык, якi нарадзiўся 110 гадоў таму ў вёсцы Прусы Слуцкага павета.

Навіны бібліятэк

Нарачанскi чараўнiк

10 Сне 2019

«А вось Мiхась Лынькоў, высокi, спакойны, бадай што вечна з папяросаю ў руках. Ён гаворыць мала, больш слухае другiх, бо таксама нетутэйшы, з Бабруйска. За плячыма ў яго, мабыць, ужо добры стаж нейкай немалой работы, бо выглядае ён стала, спрактыкавана, дый шынель, што сядзiць на iм вельмi ж па-цывiльнаму, проста як знак бiяграфii, дадае гэтай сталасцi».

Навіны бібліятэк

Кітабы – унікальныя помнікі рукапіснай кніжнасці

9 Сне 2019

4 снежня адбыліся чарговыя заняткі ў межах семінара-практыкуму “Кітабы – унікальныя помнікі рукапіснай кніжнасці”. Сустрэча была прысвечаная гісторыі вывучэння кітабаў. Кітабамі называюць рукапісныя кнігі, якія ствараліся на працягу стагоддзяў прадстаўнікамі адной з этнаканфесійных груп Беларусі – беларускімі татарамі.

Навіны Нацыянальнай бібліятэкі Беларусі

111