З 5 па 29 красавіка запрашаем на выставу “Сакрэты багатага ўраджаю” ў чытальнай зале міжбібліятэчнага і індывідуальнага абанемента (пам. 164).
У народзе кажуць “Вясна – год корміць”, бо менавіта ў гэты час закладваецца падмурак для будучага ўраджаю. Ні для каго не сакрэт, што садаводства, агародніцтва і кветкаводства, мабыць, самае папулярнае захапленне сярод жыхароў нашай краіны. Да таго ж гэта добрая падмога хатняй гаспадарцы, бо што можа быць карысней і смачней вырашчанага ўласнымі рукамі агурочка або духмянага яблыка са свайго саду?
Літаратура, прадстаўленая на выставе, змяшчае парады і рэкамендацыі, якія дапамогуць зрабіць ураджайным ваш участак. Тут вы знойдзеце інфармацыю аб разнастайных відах гародніны, кветак, ягадных кустоў і пладовых дрэў, якія найбольш часта вырошчваюцца на прысядзібных і дачных участках. Даведаецеся пра тое, як даглядаць сад і агарод, як размясціць розныя культуры на ўчастку і правільна ўпарадкаваць градкі, як правільна чаргаваць культуры і многае іншае. Таксама матэрыялы выставы раскажуць аб правільным выкарыстанні ўгнаенняў, апрацоўцы глебы, абароне ад шкоднікаў.
А каб праца не знікла дарма, нашы выданні дапамогуць асвоіць тэхніку збору ўраджаю і яго захоўвання, а таксама падзеляцца сакрэтамі лепшых кулінарных рэцэптаў па нарыхтоўцы дароў саду і агарода на зіму.
Матэрыялы выставы будуць карысныя як пачаткоўцам, так і вопытным садоўнікам і агароднікам.
Час работы выстаўкі:
пн. – чц.: 10.00–19.00,
пт.: 10.00–18.00,
сб., ндз. – выхадны.
Уваход – па чытацкім білеце або білеце сацыякультурнага цэнтра бібліятэкі.
Прадстаўленыя ў экспазіцыі кнігі можна заказаць праз электронны каталог Нацыянальнай бібліятэкі Беларусі.
Тэлефон для даведак: (8 017) 293 27 10.
Матэрыял пададзены аддзелам міжбібліятэчнага абанемента і дастаўкі дакументаў.