Да 130-годдзя з дня нараджэння Якуба Коласа ў музеі кнігі (пам. 348) прадстаўлены рукапісы, першыя выданні і кніга з аўтографам класіка беларускай літаратуры.
Наведвальнікі музея змогуць пабачыць вершы, напісаныя рукой паэта ў пачатку ХХ ст.
З друкаваных кніг экспануецца першы зборнік вершаў Я. Коласа “Песні-жальбы”, выдадзены ў Вільні ў 1910 г. З пецярбургскіх выданняў суполкі “Загляне сонца і ў наша аконца” дэманструюцца падручнік Я. Коласа “Другое чытанне для дзетак беларусаў” (1909), а таксама апавяданне вершам “Батрак. Як Юрка збагацеў” (1913).
Да рэдкіх экспанатаў адносіцца кніга-аповесць у перакладзе на польскую мову “У Палескай глушы” (Варшава, 1950), у якой на тытульным аркушы змешчаны дароўны надпіс: “Дзяржаўнай бібліятэцы імя Леніна. Якуб Колас. 31.XII.1953 г.”.
Кантактны тэлефон: 293-25-85.
 |
 |
 |
