ГалоўнаяНавіныКніжныя выстаўкі
Перакладчыкі Бібліі на родную мову ўшанаваны высокай узнагародай
Дарога дабрыні

Рэспубліка Беларусь і ўстойлівае развіццё

Рэспубліка Беларусь і ўстойлівае развіццё
Іншыя навіны

З 11 студзеня па 28 лютага ў аддзеле абслугоўвання афіцыйнымі дакументамі (2-гі паверх, пам. 207) адкрыта тэматычная выстаўка “Рэспубліка Беларусь і ўстойлівае развіццё”.

Устойлівае развіццё – гэта развіццё, пры якім задавальненне патрэбаў цяперашніх пакаленняў ажыццяўляецца без шкоды для магчымасцей будучых пакаленняў задавальняць свае ўласныя патрэбы. Гэтая базавая фармулёўка ўпершыню з’явілася ў 1987 годзе ў дакладзе “Наша будучае будучае”, падрыхтаваным Камісіяй Арганізацыі Аб’яднаных Нацый па навакольным асяроддзі і развіцці. У 1992 годзе на Канферэнцыі ААН па навакольным асяроддзі і развіцці ў Рыа-дэ-Жанейра гэты тэрмін быў выкарыстаны ў якасці назвы новай канцэпцыі існавання ўсяго чалавецтва. Метады практычнай рэалізацыі канцэпцыі ўстойлівага развіцця абмяркоўваліся ў час Сустрэчы на вышэйшым узроўні “Планета Зямля”, на якой сусветныя лідары прынялі Парадак на XXI стагоддзе, які абвяшчаў абавязацельствы дзяржаў па асноўных прынцыпах дасягнення нашай цывілізацыяй устойлівага развіцця. На канферэнцыі ўсім краінам-удзельніцам было прапанавана пабудаваць свае нацыянальныя праграмы сацыяльна-эканамічнага развіцця такім чынам, каб забеспячэнне матэрыяльных запытаў цяперашняга пакалення не прычыняла шкоды і не ставіла пад пагрозу існаванне будучых пакаленняў людзей.

У жніўні-верасні 2002 года ў Ёханесбургу (ПАР) адбылася Сусветная сустрэча на вышэйшым узроўні па ўстойлівым развіцці, на якой дзяржавы-ўдзельнікі ўзгаднілі Ёханесбургскую дэкларацыю па ўстойлівым развіцці і План выканання рашэнняў. Ключавым паняццем устойлівага развіцця прызнавалася магчымасць эканамічнага росту з улікам рашэння трох праблем: 1) экалагічнай, звязанай з прадухіленнем пагібельнага ўздзеяння на навакольнае асяроддзе, а таксама высокай верагоднасцю гібелі чалавецтва пасля магчымых глабальных экалагічных і тэхнагенных катастроф; 2) эканамічнай, якая прадугледжвае пераход на якасна новыя рэсурсазберагальныя тэхналогіі і пераважнае выкарыстанне аднаўляльных рэсурсаў; 3) сацыяльна-дэмаграфічнай, заснаванай на пераадоленні палярызацыі паміж беднымі і багатымі.

У сувязі з распрацоўкай міжнароднай супольнасцю канцэпцыі ўстойлівага развіцця ў Рэспубліцы Беларусь у 1996 годзе была створана Нацыянальная камісія па ўстойлівым развіцці, а ў 1997 годзе прынята першая Нацыянальная стратэгія ўстойлівага развіцця Рэспублікі Беларусь (НСУР). Яна грунтавалася на ідэйных прынцыпах і метадалагічных падыходах “Парадку дня на XXI стагоддзе”, вызначаных Канферэнцыяй ААН па навакольным асяроддзі і развіцці.

У 2004 годзе ў Беларусі распрацавана і адобрана Нацыянальная стратэгія ўстойлівага сацыяльна-эканамічнага развіцця Рэспублікі Беларусь да 2020 года (НСУР–2020). У НСУР–2020 галоўная ўвага нададзена асаблівасцям прагнознага перыяду, далейшай рэалізацыі “Парадку дня на XXI стагоддзе”, гарманізацыі сацыяльнага, эканамічнага і экалагічнага развіцця як раўнацэнных узаемадапаўняльных складнікаў у адзіным збалансаваным комплексе “чалавек – навакольнае асяроддзе – эканоміка”.

У верасні 2015 года дзяржавы – члены ААН прынялі новы Парадак дня ў галіне ўстойлівага развіцця на перыяд да 2030 года. У яе склад уваходзяць 17 галоўных Мэт устойлівага развіцця (МУР) і звязаныя з імі 169 задач і 242 індыкатары, якія павінны вырашыць самыя вострыя праблемы чалавецтва і палепшыць стан планеты. Прыняцце Парадку–2030 запатрабавала ад усіх дзяржаў перагляду і канкрэтызацыі нацыянальных планаў і механізмаў дасягнення ўстойлівага развіцця грамадства з улікам МУР. Беларусь імкнецца да ажыццяўлення Парадку–2030 і ўжо распачала шэраг важных крокаў для яе рэалізацыі на нацыянальным узроўні: Урадам Рэспублікі Беларусь зацверджана Нацыянальная стратэгія ўстойлівага сацыяльна-эканамічнага развіцця на перыяд да 2030 года, прызначаны Нацыянальны каардынатар па дасягненні Мэт устойлівага развіцця, сфарміраваны Савет па ўстойлівым развіцці. У рамках Савета сфармаваны сектаральныя рабочыя групы па эканамічных, экалагічных і сацыяльных пытаннях.

На выставе прадстаўлена больш за 100 дакументаў з фондаў Нацыянальнай бібліятэкі Беларусі на рускай і англійскай мовах: кнігі, перыядычныя выданні, брашуры, буклеты.

Экспазіцыя складаецца з наступных тэматычных раздзелаў:

  • Канцэпцыя ўстойлівага развіцця: сутнасць, прынцыпы, асноўныя аспекты
  • Стратэгія ўстойлівага развіцця Рэспублікі Беларусь: экалагічны аспект
  • Эканамічныя аспекты ўстойлівага развіцця Рэспублікі Беларусь
  • Сацыяльная кампанента ўстойлівага развіцця Рэспублікі Беларусь
  • Устойлівае развіццё абласцей і рэгіёнаў Рэспублікі Беларусь
  • Дасягненне мэт устойлівага развіцця (МУР) у Рэспубліцы Беларусь

Выстава будзе цікавая спецыялістам у галіне эколага-эканамічнага і сацыяльна-эканамічнага планавання і прагназавання, эканамістам, эколагам, студэнтам і выкладчыкам, а таксама ўсім тым, хто цікавіцца праблемамі ўстойлівага развіцця Рэспублікі Беларусь.

Карысныя спасылкі

Дакументы


Час работы выстаўкі адпавядае рэжыму работы бібліятэкі.
Уваход – па чытацкім білеце або білеце сацыякультурнага цэнтра.

Тэлефон для даведак: (8 017) 293 27 34.

Матэрыял прадастаўлены аддзелам абслугоўвання афіцыйнымі дакументамі.

Каментарыі карыстальнікаў:

Каментаванне даступна толькі зарэгістраваным карыстальнікам

Навіны

Факсіміле высокага ўзроўню

19 Ліп 2019

Міжнародны навуковы і выдавецкі праект па факсімільным узнаўленні кніжнай спадчыны Францыска Скарыны, рэалізаваны Нацыянальнай бібліятэкай Беларусі і Банкам БелВЭБ, доўжыўся пяць гадоў і быў паспяхова завершаны падчас святкавання 500-годдзя беларускага кнігадрукавання – у 2017 годзе.

Навіны Нацыянальнай бібліятэкі Беларусі

Па сакрэце: таямніцы фондасховішча Нацыянальнай бібліятэкі

19 Ліп 2019

Нядаўна мы прыадчынілі заслону таямнічасці ў сховішчы “алмаза ведаў”. Значная частка фондаў – гэта не кнігі. Прапануем зазірнуць на стэлажы з газетамі і часопісамі і даведацца больш падрабязна, што захоўваецца ў спецыялізаваным фондзе.

Аўтарскі погляд

Калекцыя Нацыянальнай бібліятэкі папоўнілася самым раннім выданнем Адама Міцкевіча з усіх, што зберагаюцца ў дзяржаўных зборах краіны

19 Ліп 2019

Гэта другі том легендарнага двухтомніка паэтычных твораў Адама Міцкевіча, які выйшаў ў траўні 1823 г. у выдавецтве знакамітага віленскага друкара і кнігагандляра Юзафа Завадскага.

Навіны Нацыянальнай бібліятэкі Беларусі

Беларускі “Буквар” крочыць па планеце

18 Ліп 2019

У 2018 г. Нацыянальная бібліятэка Беларусі завяршыла міжнародны навуковы выдавецкі праект па факсімільным ўзнаўленні кніжнага артэфакта – першай кнігі пад назвай “Буквар”, выдадзенай 24 ліпеня 1618 г. у друкарні Віленскага Свята-Духава праваслаўнага брацтва ў Еўе (цяпер г. Вевіс, Літва).

Навіны Нацыянальнай бібліятэкі Беларусі

Нацыянальная бібліятэка Беларусі на VI Форуме рэгіёнаў Беларусі і Расіі

18 Ліп 2019

16–18 ліпеня ў Санкт-Пецярбургу адбыўся VI Форум рэгіёнаў Беларусі і Расіі пры ўдзеле Прэзідэнта Рэспублікі Беларусь Аляксандра Лукашэнкі і Прэзідэнта Расійскай Федэрацыі Уладзіміра Пуціна, а таксама дэлегацый Савета Рэспублікі Нацыянальнага сходу Рэспублікі Беларусь і Савета Федэрацыі Федэральнага сходу Расійскай Федэрацыі па міжрэгіянальным супрацоўніцтве.

Навіны Нацыянальнай бібліятэкі Беларусі

“Новая” Эліза Ажэшка ў цыкле лекцый Святланы Воцінавай

15 Ліп 2019

Журналістка, галоўны рэдактар часопіса “Маладосць” Святлана Воцінава праводзіць цыкл лекцый, прысвечаны польскамоўнай прадстаўніцы беларускай літаратуры Элізе Ажэшка. У інтэрв'ю для Нацыянальнай бібліятэкі яна распавяла, чаму толькі зараз мы адкрываем для сябе “сапраўдны” вобраз пісьменніцы.

Аўтарскі погляд

Купалаў фэст аб’яднаў літаратурныя і касцёльныя традыцыі

16 Ліп 2019

14 ліпеня ў Радашковічах урачыста адбыўся Купалаў фэст – 2019. Ён праходзіў пад дэвізам “Беларусь – маё сэрца, залатая краіна” .  Арганізатарамі выступілі мінскі Дзяржаўны літаратурны музей Я. Купалы, які прадстаўляла спадарыня Марыя Барткова, і мясцовая каталіцкая парафія.

Навіны бібліятэк

111