ГалоўнаяНавіныКніжныя выстаўкі
Творчыя заняткі “Птушкі прыляцелі”
Рассакрэчанае XX стагоддзе: прэзентавана кніга пра Кірыла Мазурава

Рэха Чарнобыля

Рэха Чарнобыля
Іншыя навіны

З 12 красавіка па 15 мая ў зале дакументаў міжнародных арганізацый (пам. 207g) адкрыта тэматычная выстаўка “Рэха Чарнобыля”, прысвечаная Міжнароднаму дню памяці аб чарнобыльскай катастрофе.

8 снежня 2016 года Генеральная асамблея ААН прыняла ініцыяваную і падрыхтаваную дэлегацыяй Рэспублікі Беларусь рэзалюцыю 71/125 “Доўгатэрміновыя наступствы чарнобыльскай катастрофы”. Разам з Беларуссю суаўтарамі новага дакумента па чарнобыльскай праблематыцы сталі 60 дзяржаў свету.

Важным сімвалічным элементам рэзалюцыі з’явілася абвяшчэнне 26 красавіка Міжнародным днём памяці аб чарнобыльскай катастрофе. Менавіта ў гэты дзень у 1986 годзе адбылася найбуйнейшая па маштабах шкоды і наступстваў тэхнагенная катастрофа ХХ стагоддзя – аварыя на Чарнобыльскай атамнай электрастанцыі (ЧАЭС), у выніку якой амаль 8,4 мільёна чалавек падвергліся ўздзеянню радыяцыі.

У рэзалюцыі Генеральная асамблея адзначыла, што і цераз тры дзесяцігоддзі, адчуваюцца сур’ёзныя наступствы чарнобыльскай катастрофы і заклікала захоўваць увагу міжнароднай супольнасці да постчарнобыльскіх праблем і скаардынаваных міжнародных дзеянняў для вырашэння доўгатэрміновых наступстваў аварыі на Чарнобыльскай АЭС. Асноўны пасыл новай рэзалюцыі – неабходна працягваць чарнобыльскія стасункі ў рамках ААН у мэтах дасягнення ўстойлівага развіцця пацярпелых рэгіёнаў і насельніцтва праз партнёрства, інавацыі і інвестыцыі.

У 1990 годзе Генеральная асамблея прыняла рэзалюцыю 45/190, заклікаўшы да “міжнароднага супрацоўніцтва ў справе змякчэння і пераадолення наступстваў на Чарнобыльскай АЭС”. Гэта стала пачаткам дзейнасці Арганізацыі Аб’яднаных Нацый па адраджэнні пацярпелых тэрыторый. З гэтай мэтай была арганізавана Міжустаноўчая мэтавая група. У 1991 годзе быў створаны Чарнобыльскі мэтавы фонд для садзейнічання мабілізацыі фінансавых укладаў. Сёння ім распараджаецца Упраўленне па каардынацыі гуманітарных пытанняў.

У 2002 годзе Арганізацыя Аб’яднаных Нацый абвясціла аб пераглядзе стратэгіі і адзначыла, што ў будучым асноўная ўвага будзе надавацца не надзвычайнай гуманітарнай дапамозе, а доўгатэрміновай дзейнасці ў сферы развіцця. Праваднікамі гэтай стратэгіі сталі аддзяленні ПРААН у трох пацярпелых дзяржавах.

Для аказання дапамогі міжнародным, нацыянальным і дзяржаўным праграмам у 2009 годзе была створана Міжнародная навукова-даследчая і інфармацыйная сетка па Чарнобылі.

З 1986 па 2016 год арганізацыі сістэмы ААН, буйныя няўрадавыя арганізацыі і фонды ажыццявілі звыш 230 розных праектаў, звязаных з правядзеннем даследаванняў і аказаннем дапамогі ў наступных галінах: ахова здароўя, ядзерная бяспека, сацыяльна-псіхалагічная рэабілітацыя, эканамічнае аднаўленне, навакольнае асяроддзе, вытворчасць чыстых прадуктаў і інфармацыя.

Чарнобыльская катастрофа стала велізарнай трагедыяй для ўсёй міжнароднай супольнасці. У той жа час дзейнасць па пераадоленні наступстваў гэтай найбуйнейшай радыяцыйнай аварыі дала выдатныя прыклады супрацоўніцтва на глабальным узроўні. Змяніўся падыход краін да пытанняў ядзернай энергетыкі, уключаючы ўзмацненне бяспекі і больш узважанае стаўленне да тэхналагічнага прагрэсу. Міжнародная супольнасць засвоіла ўрокі Чарнобыля і набыла вопыт, які дапаможа спраўляцца з доўгатэрміновымі наступствамі тэхнагенных катастроф.

На выстаўцы прадстаўлена больш за 80 дакументаў на рускай, англійскай і нямецкай мовах: кнігі, перыядычныя выданні, буклеты.

Экспазіцыя ўключае наступныя тэматычныя раздзелы:

  • Аварыя на ЧАЭС: маштабы трагедыі
  • Экалагічныя і сацыяльна-эканамічныя наступствы чарнобыльскай катастрофы
  • Сацыяльна-медыцынскія наступствы аварыі на ЧАЭС
  • Міжнароднае супрацоўніцтва і міжнародная дапамога ў пераадоленні наступстваў аварыі і аднаўленні пацярпелых рэгіёнаў
Выстаўка будзе цікавая медыцынскім работнікам, эколагам, сацыёлагам, эканамістам, спецыялістам у галіне атамнай энергетыкі, міжнароднага права і міжнародных адносін, студэнтам і выкладчыкам ВНУ.

Тэлефон для даведак: (8 017) 293 27 26.

Дакументы

Рэзалюцыі

  • Рэзалюцыя аб абвяшчэнні 26 красавіка Міжнародным днём памяці аб чарнобыльскай катастрофе (A/RES/71/125)
  • Умацаванне міжнароднага супрацоўніцтва і каардынацыя намаганняў у справе вывучэння, змякчэння і мінімізацыі наступстваў чарнобыльскай катастрофы (A/RES/68/99)
  • Рэзалюцыя Генеральнай асамблеі аб правядзенні 26 красавіка 2011 года спецыяльнага памятнага пасяджэння асамблеі, прысвечанага гадавіне (A/RES/65/131)
  • Зварот Савета кіраўнікоў дзяржаў Садружнасці Незалежных Дзяржаў у сувязі з 25-й гадавінай аварыі на Чарнобыльскай атамнай электрастанцыі (S/2011/45)

Канвенцыі і дэкларацыі

Дадатковыя даклады

Каментарыі карыстальнікаў:

Каментаванне даступна толькі зарэгістраваным карыстальнікам

Навіны

“Вар’ят”-перакладчык

22 Ліп 2018

Цяжка знайсці чалавека, які ні разу не чуў пра выдатнага французскага філосафа-асветніка XVIII стагоддзя Вальтэра. Таксама шмат хто ведае, што сапраўднае імя філосафа было Франсуа-Мары-Аруэ. Але малавядомы той факт, што ў яго было больш за 160 псеўданімаў!

Навіны бібліятэк

Востры тэмперамент Бярозкіна

21 Ліп 2018

Рыгор Бярозкін, якому ў гэтым месяцы споўнілася б сто гадоў, захапляўся паэзіяй Уладзіміра Маякоўскага. Яго з’едліва-змястоўнай рэзкасцю, адсутнасцю ўнутранага і вонкавага спакою, балансаваннем на мяжы кепскага густу і дзівоснай метафарыстыкі, нечакана вострым адчуваннем таго, што перад табой не верш, а... баксёрскі двубой, калі словы, вобразы, гукі, сказы б’юць па слыху і гусце чытача, як удары на рынгу.

Навіны бібліятэк

Рэйтынгі ад “Белкнігі”: творы на беларускай мове

19 Ліп 2018

У краіне працуе больш за 100 кнігарняў у сістэме дзяржаўнага кнігагандлю – крамы “Белкнігі”. Па кварталах і паўгоддзях распаўсюджвальнікі кніжнай прадукцыі вядуць рэйтынгі продажу: літаратуры замежнай і беларускай вытворчасці; літаратуры вытворчасці Рэспублікі Беларусь, якая прадаецца ў “Белкнізе”; літаратуры на беларускай мове.

Навіны бібліятэк

Ад Грушаўкі да Эйфелевай вежы: падарожжа па кнізе Таццяны Мушынскай

19 Ліп 2018

Працоўнае месца пісьменніка – стол з камп’ютарам. Менавіта такі вобраз паўстае ва ўяўленні большасці сучасных людзей. Ці ўсе пры гэтым разумеюць, што сюжэт ствараецца не падчас «прабежак» пальцаў па клавіятуры. Ён можа спець гадамі, нават дзесяцігоддзямі, складацца з дробных аскепачкаў жыццёвага досведу, успамінаў дзяцінства, пачуццяў, эмоцый, уражанняў… Часам з усяго гэтага вырастае квяцістае дрэва рамана ці аповесці. Часам кожны сюжэт прарастае асобнай раслінай, і пісьменнік апынаецца ў вялікім «садзе сваіх успамінаў». Як, напрыклад, Таццяна Мушынская.

Навіны бібліятэк

Моладзевы летнік на радзіме Васіля Быкава

22 Ліп 2018

14–19 жніўня ў Бычках – на радзіме Васіля Быкава – пройдзе моладзевы летнік “Брэнд беларускай культуры”, на які запрашаецца моладзь ад 18 да 30 гадоў. Удзельнікі змогуць сумясціць адпачынак, нефармальнае навучанне на свежым паветры ды працу па ўладкаванні тэрыторыі каля дома-музея пісьменніка.

Навіны бібліятэк