З 2 па 25 верасня запрашаем на выстаўку “Прыгажосць выратуе свет” у чытальную залу аддзела міжбібліятэчнага абанемента і дастаўкі дакументаў (пам. 164).
9 верасня – Міжнародны дзень прыгажосці. Гэты Дзень быў заснаваны ў 1995 годзе Міжнародным камітэтам эстэтыкі і касметалогіі. Гэта не толькі свята прыгажосці, але і ўсіх, хто яе стварае, дапамагае выглядаць больш прыгожа і прывабна: мадэльераў, стылістаў, візажыстаў і іншых майстроў у гэтай галіне.
Прыгажосцю заўсёды захапляліся, ва ўсе часы чалавецтва пакланялася ёй. Яна станавілася прычынай жорсткіх канфліктаў і высакародных учынкаў. Ніхто не мог заставацца абыякавым да чароўнага.
Жаночая прыгажосць – гэта дар прыроды, закліканы рабіць наш свет ярчэйшым. Імкненне жанчын быць прыгожымі вечнае, яно прадыктавана як традыцыямі, так і сучаснымі тэндэнцыямі, а шмат у чым – уплывам моды.
На кніжнай выстаўцы “Прыгажосць выратуе свет” вы знойдзеце літаратуру пра гісторыю моды, пра тое, як захаваць здароўе і маладосць, што ўлічыць пры выбары адзення і стварэнні свайго непаўторнага вобразу, і многае іншае.
Час працы выстаўкі:
пн. – чц. 10.00–19.00,
пт. 10.00–18.00,
сб., нядз. – выхадны.
Уваход – па чытацкім білеце або білеце сацыякультурнага цэнтра.
Прадстаўленыя ў экспазіцыі кнігі можна заказаць праз электронны каталог Нацыянальнай бібліятэкі Беларусі.
Тэлефон для даведак: (8 017) 293 27 10.
Матэрыял прадастаўлены аддзелам міжбібліятэчнага абанемента і дастаўкі дакументаў.
