23 лістапада ў 11.00 у музеі кнігі Нацыянальнай бібліятэкі Беларусі адбудзецца прэзентацыя выстаўкі мініяцюрных выданняў з калекцыі азербайджанскага Музея мініяцюрнай кнігі “Выдатныя дзеячы сусветнай палітыкі”.
Выстаўка з’яўляецца сумесным праектам Пасольства Рэспублікі Беларусь у Азербайджанскай Рэспубліцы і Нацыянальнай бібліятэкі Беларусі.
Да ўвагі наведвальнікаў будуць прадстаўлены экспанаты прыватнага Музея мініяцюрнай кнігі, стваральнікам якога ў г. Баку з’яўляецца Зарыфа Салахава.
На выстаўцы ў Нацыянальнай бібліятэцы Беларусі будзе экспанавацца каля 70 выданняў з калекцыі Музея мініяцюрнай кнігі, прысвечаных выдатным дзеячам сусветнай палітыкі. На выстаўцы будзе прадстаўлена мініяцюрнае выданне пра візіт Прэзідэнта Рэспублікі Беларусь А. Р. Лукашэнкі ў Азербайджан 2–4 чэрвеня 2010 г.
Выстаўкі мініяцюрнай кнігі з калекцыі Зарыфы Салахавай адбыліся ў Кабуле, Маскве, Кіеве, Сіднеі, Анкары, Парыжы, Лондане і іншых гарадах.
Выстаўка будзе доўжыцца да 25 лістапада.
Тэлефоны для даведак: 293-27-22, 293-27-67.
E-mail: pr@nlb.by
 |
 |
 |
|||||
 |
 |
 |
|||||
