17 студзеня 2008 года ў галерэі «Лабірынт» Нацыянальнай бібліятэкі Беларусі адбылася прэзентацыя кнігі Н.Ф. Высоцкай «Сакральны жывапіс Беларусі XV – XVIII стст.», выдадзенай адным з найбуйнейшых беларускіх выдавецтваў «Беларусь».

Аўтар альбома – доктар мастацтвазнаўства, прафесар, лаўрэат Дзяржаўнай прэміі Рэспублікі Беларусь Надзея Фёдараўна Высоцкая. У кнізе апублікаваны фатаграфіі экспанатаў з культавых калекцый Беларусі і Расіі: помнікі з музейных калекцый, алтарныя карціны, алтары, абразы, іканастасы, што знаходзяцца ў храмах.

У рамках мерапрыемства адбылася і прэзентацыя апошніх выданняў выдавецтва «Беларусь»: «Гісторыя беларускага мастацтва» у 2-х тамах аўтара Б.А. Лазукі, «Жаночы касцюм у Беларусі» і «Мужчынскі касцюм у Беларусі» аўтараў В.М. Бялявінай і Л.В. Ракавай, а таксама серыя выданняў, прысвечаных архітэктурным і культурным помнікам Беларусі аўтараў А.А. Ярашэвіч, В.Д. Бажэнава і Т.В. Габруся.

У цырымоніі прынялі ўдзел:

Высоцкая Надзея Фёдараўна – доктар мастацтвазнаўства, прафесар, лаўрэат Дзяржаўнай прэміі Рэспублікі Беларусь;
Лапцёнак Ігар Мікалаевіч – намеснік міністра інфармацыі Рэспублікі Беларусь;
Аляксейчык Якаў Якаўлевіч – галоўны рэдактар выдавецтва «Беларусь»;
Лакотка Аляксандр Іванавіч – дырэктар Інстытута мастацтвазнаўства, этнаграфіі і фальклору Нацыянальнай акадэміі навук Беларусі;
Лазука Барыс Андрэевіч – кандыдат мастацтвазнаўства;
Баразна Міхась Рыгоравіч – прарэктар Беларускай дзяржаўнай акадэміі мастацтваў;
Ракавая Любоў Васільеўна – кандыдат гістарычных навук;
Кірухіна Людміла Генадзьеўна – намеснік дырэктара па навуковай рабоце і сувязям з грамадскасцю Нацыянальнай бібліятэкі Беларусі.

Прэзентацыя кнігі Н.Ф. Высоцкай &quot;Сакральныя жывапiс Беларусi ХV-ХVIII стст.&quot;

Інфармацыйныя рэсурсы

Паслугі

Прэзентацыя кнігі Н.Ф. Высоцкай "Сакральныя жывапiс Беларусi ХV-ХVIII стст."