Нацыянальная бібліятэка Беларусі працягвае цыкл юбілейных кніжных выставак, прысвечаных рускім і замежным пісьменнікам, якія расказваюць пра жыццё і творчасць выдатных майстроў мастацкага слова.
У трэцім квартале ўвазе чытачоў і наведвальнікаў прапанаваны наступныя экспазіцыі:
- "Ісціны Андрэ Маруа": да 125-годдзя з дня нараджэння французскага пісьменніка Андрэ Маруа (1885–1967);
- "Майстар кароткага апавядання": да 160-годдзя з дня нараджэння французскага пісьменніка Гі дэ Мапасана (1850–1893);
- "Час, вось твой палёт!": да 90-годдзя з дня нараджэння амерыканскага пісьменніка-фантаста Рэя Брэдберы;
- "Мары аб цудоўным": да 130-годдзя з дня нараджэння рускага пісьменніка Аляксандра Грына (1880–1932);
- "Бунтар і непаседа": да 140-годдзя з дня нараджэння рускага пісьменніка Аляксандра Купрына (1870–1938);
- "Каралева дэтэктыва": да 120-годдзя з дня нараджэння англійскай пісьменніцы Агаты Крысці (1890–1976).
Выстаўкі размешчаны на 3-м паверсе кальцавога калідора і будуць доўжыцца да 20 верасня.
Экспазіцыі будуць цікавыя шырокаму колу чытачоў, перш за ўсё – знатакам літаратуры.
У чытальных залах арганізаваны доступ да спісаў літаратуры даных юбілейных выставак. Карыстацца спісамі можна з любога рабочага месца карыстальніка.
Кантактныя тэлефоны: 293-28-86, 293-29-80.