ГалоўнаяНавіныКніжныя выстаўкі
Наша зямля – наша багацце!
Жылі-былі казкі...

Першы дырэктар: вядомыя і невядомыя старонкі біяграфіі

Першы дырэктар: вядомыя і невядомыя старонкі біяграфіі
Іншыя навіны

З 1 верасня ў музеі кнігі (пам. 347) арганізавана выстаўка “Першы дырэктар: вядомыя і невядомыя старонкі біяграфіі”, прысвечаная І.Б. Сіманоўскаму і прымеркаваная да 120-годдзя з дня яго нараджэння.


Імя Іосіфа Бенцыянавіча Сіманоўскага назаўсёды ўвайшло ў гісторыю бібліятэчнай справы ў Беларусі. Ён адзін з арганізатараў і першы дырэктар Нацыянальнай бібліятэкі Беларусі, бібліёграф, перакладчык, педагог. Нарадзіўся 24 красавіка 1892 г. у Бабруйску ў сям’і рамесніка-смалакура. Скончыў Віленскую другую гімназію, вучыўся ў Францыі (Парыж, Сарбона, літаратурны факультэт, 1910–1911), закончыў Бёрнскі ўніверсітэт у Швейцарыі (літаратурнае аддзяленне філасофскага факультэта, 1911–1914). Першыя крокі ў бібліятэчнай галіне І.Б. Сіманоўскі зрабіў у 1917 г., калі працаваў у Маскве, у рэдакцыі энцыклапедыі Граната і ў гарадской бібліятэцы імя А.С. Пушкіна. У 1918 г. ён стаў загадчыкам бібліятэкі ў Бабруйску, а з 1921 г. узначаліў бібліятэку Беларускага дзяржаўнага ўніверсітэта, якая ў хуткім часе набыла статус дзяржаўнай. Амаль сорак гадоў Іосіф Бенцыянавіч быў дырэктарам галоўнай бібліятэкі краіны. На час яго працы выпала шмат няпростых перыядаў развіцця ўстановы: этап арганізацыі і станаўлення, узвядзенне першага спецыялізаванага будынка, ваеннае ліхалецце і аднаўленне страчаных фондаў. Усё жыццё, творчыя сілы былі аддадзены служэнню бібліятэчнай справе ў Беларусі.

Выстаўка створана на арыгінальных матэрыялах з асабістага архіва І.Б. Сіманоўскага, якія захоўваюцца ў фондзе бібліятэкі і дэманструюцца ўпершыню. Сярод іх – унікальныя службовыя дакументы 1921–1944 гг., рукапісы прац па бібліяграфіі і гісторыі бібліятэчнай справы ў Беларусі, пераклады вершаў, лісты і паштоўкі ад вядомых бібліятэчных дзеячаў, кнігі з дароўнымі надпісамі Іосіфу Бенцыянавічу, фотаздымкі розных гадоў і асабістыя рэчы. Асаблівую цікавасць выклічуць асобнікі твораў Э. Верхарна з уладальніцкімі запісамі І.Б. Сіманоўскага і шматлікімі паметамі на палях алоўкам, што выдатна ілюструюць творчую лабараторыю перакладчыка.

Выказваем шчырыя словы падзякі за дапамогу ў стварэнні выстаўкі сыну Іосіфа Бенцыянавіча – Генрыху Іосіфавічу Сіманоўскаму.

Кантактны тэлефон: (8 017) 293 25 85.

   
 

Навіны

“Беларускі салавей”: новая віртуальная экспазіцыя да 135-годдзя з дня нараджэння Змітрака Бядулі

7 Май 2021

Прадстаўляем новы раздзел віртуальнага праекта “На хвалі часу, у плыні жыцця”, які рэалізуецца Нацыянальнай бібліятэкай Беларусі, Дзяржаўным музеем гісторыі беларускай літаратуры, Беларускім дзяржаўным архівам-музеем літаратуры і мастацтва і часопісам “Маладосць” да 100-годдзя ўтварэння літаратурнага аб’яднання “Маладняк”.

Да 100-годдзя літаб'яднання "Маладняк"

Водгукі пра XVІІ Міжнародныя кнігазнаўчыя чытанні

7 Май 2021

22–23 красавіка ў Нацыянальнай бібліятэцы Беларусі адбыўся маштабны навуковы форум Міжнародныя кнігазнаўчыя чытанні. Пасля завяршэння канферэнцыі арганізатары падводзяць вынікі, каб вызначыць, наколькі праект дасягнуў сваіх мэт. Сваім меркаваннем пра канферэнцыю падзяліліся яе ўдзельнікі – беларускія і замежныя эксперты.

Навіны Нацыянальнай бібліятэкі Беларусі

Ля Кургана Славы адбылося ўрачыстае ўскладанне кветак

6 Май 2021

У Нацыянальнай бібліятэцы Беларусі склалася асаблівая традыцыя: напярэдадні Дня Перамогі шанаваць памяць загінуўшых, ускладаючы ад імя ўсіх супрацоўнікаў кветкі да манументаў Перамогі, аддаючы даніну глыбокай павагі ўсім пакаленням абаронцаў Айчыны.

Навіны Нацыянальнай бібліятэкі Беларусі

Рэсурсы адкрытага доступу і інтэгрыраваныя пошукавыя сэрвісы: прымяненне ў навукова-адукацыйнай дзейнасці

6 Май 2021

5 мая ў Нацыянальнай бібліятэцы Беларусі пры падтрымцы выдавецтва Springer Nature адбыўся анлайн-семінар, прысвечаны развіццю ініцыятывы адкрытай навукі.

Навіны Нацыянальнай бібліятэкі Беларусі

Памяці загінуўшых будзем вартыя!

6 Май 2021

6 сакавіка ў бібліятэцы адбылася ўрачыстая акцыя-свята “Памяці загінуўшых будзем вартыя!”, прымеркаваная да Дня Перамогі. Арганізатарамі выступілі Першамайская раённая г. Мінска арганізацыя РГА “Белая Русь” і Нацыянальная бібліятэка Беларусі.

Навіны Нацыянальнай бібліятэкі Беларусі

6 Май 2021

Новы, 22-і па ліку, том серыі «Залатая калекцыя беларускай літаратуры», прысвечаны творчасці Івана Шамякіна, дае нам унікальную магчымасць. Чытаючы творы класікаў, мы часта гадаем наконт прататыпаў, таго, якія рэальныя падзеі з біяграфіі аўтара адбіліся ў тэксце. Тут аб'яднаныя мастацкі твор па матывах аўтабіяграфіі і дакументальны, дзе выкладзены сапраўдныя падзеі, якія ляглі ў аснову мастацкага твора. Гаворка пра пенталогію «Трывожнае шчасце», якая прынесла маладому Шамякіну славу, і аповесць «Слаўся, Марыя!».

Навіны бібліятэк

6 Май 2021

Знакамітую ваенную драму і адзін з самых моцных фільмаў пра вайну “Ідзі і глядзі” Элема Клімава пакажуць у мінскіх кінатэатрах паўторна. Сеансы пройдуць у кінатэатрах “Мір” і “Цэнтральны” 6–9 мая.

Навіны бібліятэк

Бібліятэкарам
111