ГалоўнаяНавіныКніжныя выстаўкі
Да 80-гадовага юбілею ветэрана Нацыянальнай бібліятэкі Беларусі Зінаіды Піліпаўны Анішчанка
Новыя матэрыялы пра Андрэя Александровіча

Мір, салідарнасць, давер, адзінства!

Мір, салідарнасць, давер, адзінства!
Іншыя навіны

З 19 студзеня па 17 лютага ў аддзеле абслугоўвання афіцыйнымі дакументамі (пам. 207) адкрыта тэматычная выстаўка “Мір, салідарнасць, давер, адзінства!”, прысвечаная Міжнароднаму году міру і даверу.

Ініцыяваная прэзідэнтам Туркменістана рэзалюцыя A/RES/73/338 “2021 год – Міжнародны год міру і даверу” была аднагалосна прынятая на 106-м пленарным пасяджэнні 73-й сесіі Генасамблеі ўсімі дзяржавамі – членамі ААН. Суаўтарамі дакумента выступілі 73 дзяржавы, у тым ліку і Рэспубліка Беларусь

У рэзалюцыі падкрэсліваецца, што правядзенне Міжнароднага года міру і даверу – спосаб мабілізаваць міжнародную супольнасць на дзейнасць па ўмацаванні міру і даверу паміж дзяржавамі на аснове палітычнага дыялогу, узаемаразумення і супрацоўніцтва, у мэтах дасягнення ўстойлівага міру, салідарнасці і гармоніі.

Асноўныя палажэнні Рэзалюцыі сугучныя з асноватворнымі прынцыпамі ААН аб развіцці дружалюбных адносін паміж нацыямі на аснове прынцыпу “раўнапраўя і самавызначэння народаў” і перш за ўсё з абавязацельствам урэгуляваць спрэчкі мірнымі сродкамі і рашучасцю пазбавіць будучыя пакаленні ад бедстваў вайны.

“Мір – гэта не проста адсутнасць канфліктаў, а пазітыўны, дынамічны і заснаваны на шырокім удзеле працэс, у якім заахвочваецца дыялог”, – адзначаецца ў прынятай Рэзалюцыі.

Мір і давер – гэта дзве ніткі, якія жывяць энергіяй адна адну. Гэта менавіта тое, у чым сёння больш за ўсё мае патрэбу чалавецтва, таму што менавіта зараз гэтыя два неаддзельныя адзін ад аднаго паняцці становяцца галоўнай умовай супрацоўніцтва і развіцця.

17 Мэт у галіне ўстойлівага развіцця былі аднагалосна прыняты 193 дзяржавамі – членамі ААН на гістарычным саміце кіраўнікоў дзяржаў, які прайшоў у Нью-Ёрку ў верасні 2015 года. Новы парадак дня на перыяд да 2030 года заклікае дзяржавы прыступіць да прыняцця мер, накіраваных на дасягненне гэтых мэт на працягу наступных 15 гадоў. Тэма міру праходзіць праз усе 17 мэт, кожная з якіх з’яўляецца адным з састаўных элементаў глабальнай архітэктуры свету. Рэалізацыя кожнай мэты мае вырашальнае значэнне для забеспячэння міру і ўсеагульнага росквіту.

Прапанаваная чытачам выстаўка налічвае каля 100 дакументаў, якія раскрываюць работу міжнародных арганізацый, урадавых і няўрадавых устаноў у галіне падтрымання міру і бяспекі. Большую частку экспазіцыі складаюць дакументы міжнародных арганізацый (ААН, ЮНЕСКА, Еўрапейскага саюза, Савета Еўропы і інш.) на рускай і англійскай мовах: кнігі, перыядычныя выданні, мімеаграфаваныя матэрыялы ААН.

Выстаўка ўключае наступныя тэматычныя раздзелы:

  • Міжнародныя пагадненні і міжнародна-прававыя дакументы па падтрыманні міру і бяспекі
  • Раззбраенне, ядзернае раззбраенне
  • Аперацыі па падтрыманні міру, міратворчасць і мірабудаўніцтва
  • Барацьба з тэрарызмам і ядзерным тэрарызмам
  • Правы чалавека і падтрыманне міру
  • Культура міру

Выстаўка будзе цікавая спецыялістам у галіне сусветнай палітыкі, дыпламатыі, міжнародных адносін, міжнароднага права, канфлікталогіі, а таксама студэнтам, магістрантам, палітычным і грамадскім дзеячам і ўсім, каму дарагі мір на Зямлі.

Карысныя спасылкі

Дакументы


Час работы выстаўкіадпавядае рэжыму работы бібліятэкі.
Уваход – па чытацкім білеце або білеце сацыякультурнага цэнтра.

Тэлефон для даведак: (8 017) 293 27 34.

Матэрыял пададзены аддзелам абслугоўвання афіцыйнымі дакументамі.

Навіны

Да 85-годдзя з дня нараджэння першага загадчыка навукова-даследчага аддзела Нацыянальнай бібліятэкі Беларусі Канстанціна Сямёнавіча Санько

3 Сак 2021

Канстанцін Сямёнавіч нарадзіўся 3 сакавіка 1936 года ў вёсцы Пахабаўшчына (сёння – в. Альбянка Нясвіжскага раёна Мінскай вобласці) у сялянскай сям’і.

Партрэты: гісторыя бібліятэкі ў асобах

Хроніка будаўніцтва. 2002 год

2 Сак 2021

Наступныя некалькі публікацый у рамках віртуальнага праекта “Нацыянальная бібліятэка Беларусі ў сучаснай прэсе” будуць прысвечаны хроніцы будаўніцтва новага будынка, перадавым тэхналогіям беларускіх архітэктараў і праекціроўшчыкаў і ўнікальнаму досведу, назапашанаму за час узвядзення новага будынка галоўнай бібліятэкі краіны.

Да 100-годдзя Нацыянальнай бібліятэкі Беларусі

#BelBookChallenge рэкамендуе: зборнікі любоўнай лірыкі

2 Сак 2021

У першыя вясновыя дзянькі сэрца патрабуе цяпла не толькі ад тэрмометра, але і ў душы. А дзе шукаць сардэчнае цяпло, як не ў каханні? Першыя цёплыя абдымкі квітнеючага юнацтва або жар шчырых пачуццяў на піку адносін – усё гэта, вядома, ёсць і ў жыцці, але перад тым, як акунуцца ў любоўныя перыпетыі, варта патрэніравацца на кнігах. А, як мы ведаем, нішто не раскажа пра каханне лепш, чым паэзія! Наступная тэма BelBookChallenge – зборнікі любоўнай лірыкі.

Блог прафесійнага чытача

3 Сак 2021

Сусветны дзень пісьменніка 3 сакавіка на канале «Беларусь 3» адзначаць паказамі праграм, прысвечаных беларускім класікам. А 5 сакавіка ўбачым экранізацыю п'есы «Хто смяецца апошнім» Кандрата Крапівы, юбілей якога адзначаецца сёлета.

Навіны бібліятэк

Залатая Горка, Доўгі Брод, Пярэспа: гісторыя пасляваеннага Мінска ў фотадакументах

2 Сак 2021

Гісторык і экскурсавод Іван Сацукевіч прадставіў на ХХVIII Мінскай міжнароднай кніжнай выставе-кірмашы сваю кнігу “Минск: из руин к процветанию”. Выданне прысвечана пасляваеннай гісторыі сталіцы ў перыяд з 1944 па 1979 год.

Навіны бібліятэк

Бібліятэкарам
111