ГалоўнаяНавіныКніжныя выстаўкі
Новы дом, новае жыццё
Кніжная спадчына Скарыны цяпер і ў Музеі Гутэнберга

Пасланец мужнасці

Пасланец мужнасці
Іншыя навіны

З 14 чэрвеня па 8 жніўня ў зале беларускай літаратуры (пам. 205) праходзіць юбілейная кніжная выстаўка “Пасланец мужнасці”, прымеркаваная да 95-годдзя з дня нараджэння народнага пісьменніка Беларусі Васіля Быкава.

У жыцці Васіля Уладзіміравіча (1924–2003) так атрымалася, што ён двойчы перажыў падзеі Вялікай Айчыннай вайны – непасрэдна на фронце і праз свае неўміручыя творы. Ваенная проза В. Быкава – проза мужнасці і праўды. На свае ўласныя вочы пісьменнік бачыў здрадніцтва і сапраўдны подзвіг, маладушша і ахвяраванне сабой дзеля сябра, штодзённы гераізм звычайнага чалавека. Суровая праўда ў адлюстраванні вайны, пільная ўвага да думак і пачуццяў чалавека, абвостраная чалавечнасць, высокая патрабавальнасць у сцвярджэнні маральных прынцыпаў, лаканізм, дакладнасць і выразнасць апавядальнай манеры – вызначальныя якасці творчай манеры Васіля Быкава.

“Вартавы сумлення”, “Праўдай адзінай”, “Грамадзянін свету”, “Двойчы перажытае” – чатыры раздзелы выстаўкі, якія знаёмяць наведвальнікаў з жыццёвым і творчым шляхам пісьменніка. Не пакінуць абыякавымі "Сотнікаў", "Альпійская балада", "Абеліск", "Воўчая зграя", "Пайсці і не вярнуцца", "Знак бяды", "У тумане", "Сцяна" і іншыя творы аўтара.

Асобна прадстаўлены шматлікія пераклады твораў Васіля Уладзіміравіча на рускую, украінскую, нямецкую, англійскую, польскую і іншыя замежныя мовы.

Усяго на выстаўцы прадстаўлена больш за 120 выданняў.


Час работы выстаўкі адпавядае рэжыму работы бібліятэкі.
Уваход на выстаўку – па чытацкім білеце ці білеце сацыякультурнага цэнтра бібліятэкі.

Тэлефон для даведак: (8 017) 293 27 16.

Матэрыял прадастаўлены аддзелам абслугоўвання спецыялізаванымі фондамі.

Навіны

Нататнікі Уладзіміра Дубоўкі як ключ да неспазнаных старонак жыцця і творчасці

16 Ліп 2020

Да 120-годдзя Уладзіміра Дубоўкі Дзяржаўны музей гісторыі беларускай літаратуры прадстаўляе адкрытую лекцыю "Нататнікі і дзённікі Уладзіміра Дубоўкі як ключ да неспазнаных старонак жыцця і творчасці", прачытаную вядучым навуковым супрацоўнікам Беларускага дзяржаўнага архіва-музея літаратуры і мастацтва, паэта Віктара Жыбуля.

Навіны бібліятэк

15 Ліп 2020

З нагоды 115-гадовага юбілею акадэміка Пятра Фёдаравіча Глебкі ЦНБ НАН Беларусі прапануе ўнікальную магчымасць трапіць online ў мемарыяльны кабінет беларускага паэта, створанага на інтэрнет-партале.

Навіны бібліятэк

Пра галоўную бібліятэку краіны – у эфіры “Беларусь 1”

13 Ліп 2020

Нацыянальная бібліятэка Беларусі з'яўляецца адной з галоўных славутасцей Рэспублікі. У 2006 годзе беларускі “алмаз ведаў” стаў наватарам не толькі ў архітэктурных, але і ў тэхналагічных рашэннях. Сярод чытачоў цяпер прадстаўнікі 120 краін свету. Гэта стала магчымым дзякуючы інфармацыйным трэндам, якія падхопліваюць супрацоўнікі ўстановы.

Навіны Нацыянальнай бібліятэкі Беларусі

Фотавыстава “Беларусь: прыгожыя імгненні” прэзентавана ў Польшчы

13 Ліп 2020

2 ліпеня ў Музеі Незалежнасці ў Варшаве Пасольствам Рэспублікі Беларусь у Рэспубліцы Польшча было арганізавана мерапрыемства, прысвечанае святкаванню Дня Незалежнасці Рэспублікі Беларусь і 75-годдзю Перамогі ў Вялікай Айчыннай вайне.

Навіны Нацыянальнай бібліятэкі Беларусі

15 ліпеня – 610 гадоў з часу Грунвальдскай бітвы (1410)

15 Ліп 2020

Знакамітая бітва паміж злучаным войскам Польскага Каралеўства і Вялікага Княства Літоўскага (на чале з каралём Польшчы Ягайлам і вялікім князем літоўскім Вітаўтам) і войскам Тэўтонскага ордэна пад камандаваннем вялікага магістра Ульрыха фон Юнгінгена адбылася ў перыяд Вялікай вайны (1409–1411) недалёка ад вёсак Грунвальд, Таненберг і Людвігсдорф (Людвігова) на тэрыторыі Усходняй Прусіі (сучасная Польшча).

Па старонках беларускага календара

111