ГалоўнаяНавіныКніжныя выстаўкі
Уладзімір Дубоўка: “Мяне вабіў вобраз той Беларусі, якой яна ўяўлялася мне ў 1925 годзе”
Прафесійны візіт у “Замак святла”

Парламент – Нацыянальны сход Рэспублікі Беларусь: шляхі ўдасканалення

Парламент – Нацыянальны сход Рэспублікі Беларусь: шляхі ўдасканалення
Іншыя навіны

З 4 па 18 лістапада ў зале прававой інфармацыі (пам. 207b) адкрыта тэматычная выстаўка “Парламент – Нацыянальны сход Рэспублікі Беларусь: шляхі ўдасканалення”, прымеркаваную да выбараў дэпутатаў Палаты прадстаўнікоў Нацыянальнага сходу Рэспублікі Беларусь.

Рэспубліка Беларусь уступіла ў трэцяе тысячагоддзе, ідучы курсам стабільнасці і грамадзянскай згоды, маючы падмурак трывалых палітычных, эканамічных і прававых асноў. На захаванне міру і спакою ў Беларусі прадуктыўна і ў цесным узаемадзеянні працуюць усе галіны ўлады.

Заканадаўчую ўладу ў Рэспубліцы Беларусь ажыццяўляе Парламент – Нацыянальны сход Рэспублікі Беларусь, які складаецца з дзвюх палат – Палаты прадстаўнікоў і Савета Рэспублікі. Нацыянальны сход носіць прадстаўніцкі характар, выказвае інтарэсы грамадзян Рэспублікі Беларусь. У склад Палаты прадстаўнікоў уваходзяць 110 дэпутатаў. Выбранне дэпутатаў палаты прадстаўнікоў ажыццяўляецца ў адпаведнасці з законам на аснове ўсеагульнага, свабоднага, роўнага, прамога выбарчага права пры тайным галасаванні. Пытанні, аднесеныя да кампетэнцыі Палаты прадстаўнікоў, замацаваны ў артыкуле 97 Канстытуцыі Рэспублікі Беларусь.

Савет Рэспублікі прадстаўляе палату тэрытарыяльнага прадстаўніцтва. Ад кожнай вобласці і г. Мінска тайным галасаваннем на пасяджэннях дэпутатаў мясцовых Саветаў дэпутатаў кожнай вобласці і г. Мінска абіраецца па 8 членаў Савета Рэспублікі. 8 членаў Савета Рэспублікі прызначаюцца Прэзідэнтам Рэспублікі Беларусь. Пытанні, аднесеныя да кампетэнцыі Савета Рэспублікі, замацаваны ў артыкуле 98 Канстытуцыі Рэспублікі Беларусь. Існуючы колькасны склад Парламента Рэспублікі Беларусь з’яўляецца аптымальным, што дазваляе Нацыянальнаму сходу, з аднаго боку, быць органам дастаткова шырокага прадстаўніцтва народа Рэспублікі, а з другога – працаздольным.

Асноўная функцыя любога Парламента – заканатворчая (разам з кантрольнай і распарадчай). Прыняцце законаў – справа абедзвюх палат, аднак заканатворчы працэс заўсёды пачынаецца ў Палаце прадстаўнікоў. Згодна з беларускім заканадаўствам любы законапраект, калі іншае не прадугледжана Канстытуцыяй, спачатку разглядаецца ў Палаце прадстаўнікоў, а затым у Савеце Рэспублікі. Галоўная задача Парламента заключаецца ў павышэнні актыўнасці дэпутатаў у вырашэнні канкрэтных заканадаўчых праблем, прыняцці законаў, якія адкрываюць прастор для эканамічнага росту і дабрабыту нашых грамадзян.

Выстаўка прызначана для палітолагаў, работнікаў выбарчых камісій і дзяржаўных органаў, выкладчыкаў, студэнтаў, усіх, у каго выклікаюць цікавасць працэсы развіцця беларускай дзяржавы.

Экспазіцыя налічвае больш за 50 дакументаў: кніг, брашур, перыядычных выданняў, аўтарэфератаў дысертацый на рускай мове.

Выстаўка ўключае наступныя тэматычныя раздзелы:

  • Парламент Рэспублікі Беларусь: канстытуцыйна-прававы аспект
  • Месца і роля Нацыянальнага сходу Рэспублікі Беларусь у канстытуцыйнай сістэме падзелу ўладаў
  • Заканадаўчая і міжнародная дзейнасць Нацыянальнага сходу Рэспублікі Беларусь
  • Арганізацыйна-прававое забеспячэнне выбараў у Рэспубліцы Беларусь
  • Прававая адказнасць у сферы выбарчых праваадносін у Рэспубліцы Беларусь

Карысныя спасылкі:

Каляндарны план арганізацыйных мерапрыемстваў па падрыхтоўцы і правядзенні выбараў дэпутатаў Палаты прадстаўнікоў Нацыянальнага сходу Рэспублікі Беларусь

Прыняты пастановы па пытаннях падрыхтоўкі і правядзення выбараў у Савет Рэспублікі і Палату прадстаўнікоў Нацыянальнага сходу Рэспублікі Беларусь


Час работы выстаўкі адпавядае рэжыму работы бібліятэкі.
Уваход – па чытацкім білеце або білеце сацыякультурнага цэнтра.

Спіс літаратуры па тэме

Прадстаўленыя ў экспазіцыі кнігі можна заказаць праз электронны каталог Нацыянальнай бібліятэкі Беларусі.

Тэлефон для даведак: (8 017) 293 27 28.

Матэрыял прадастаўлены аддзелам абслугоўвання афіцыйнымі дакументамі.

Навіны

Аб пазнавальных выставах і навошта чытаць кнігі

21 Вер 2020

Кальцавыя калідоры Нацыянальнай бібліятэкі Беларусі не толькі прастора для перамяшчэння па будынку, але яшчэ і пляцоўка для выстаў. Важныя даты, цікавыя падзеі – усё гэта знаходзіць адлюстраванне ў пазнавальных кніжных экспазіцыях. У праграме “Мінск і мінчане” тэлеканала СТБ распавялі пра самыя актуальныя ў верасні.

Навіны Нацыянальнай бібліятэкі Беларусі

Навукова-практычная канферэнцыя “Бібліятэка як культурна-гістарычны аспект развіцця краіны”

18 Вер 2020

17 верасня ў г. Гродна адбылася навукова-практычная канферэнцыя “Бібліятэка як культурна-гістарычны аспект развіцця краіны”, прысвечаная 190-годдзю з дня заснавання Гродзенскай абласной навуковай бібліятэкі імя Я.Ф. Карскага.

Навіны Нацыянальнай бібліятэкі Беларусі

Запрашаем да ўдзелу ў навуковым зборніку “Здабыткі”

18 Вер 2020

У 2021 г. плануецца выданне 24-га выпуску зборніка навуковых артыкулаў “Здабыткі: дакументальныя помнікі на Беларусі”. Рэдакцыя выдання запрашае да супрацоўніцтва даследчыкаў кніжнай культуры.

Навіны Нацыянальнай бібліятэкі Беларусі

20 Вер 2020

ААТ “Белкніга” падвяла вынікі продажу кніг у студзені–жніўні сёлетняга года. У рэйтынгу продажаў са ста назваў кніг на беларускай мове, выдадзеных у Беларусі, на першым месцы – “Гары Потэр і філасофскі камень” Дж. Роўлінг. Нашы суайчыннікі набылі ў “Белкнізе” 288 асобнікаў. Другое месца – за раманам “Каласы пад сярпом тваім” Уладзіміра Караткевіча (выдавецтва “Попурри”; у рамана – 203 пакупнікі).

Навіны бібліятэк

Да 100-годдзя з дня нараджэння Раісы Пятроўны Сімаковай

18 Вер 2020

18 верасня спаўняецца 100 гадоў з дня нараджэння Раісы Пятроўны Сімаковай, ветэрана Нацыянальнай бібліятэкі Беларусі, удзельніцы Вялікай Айчыннай вайны, старшага сяржанта медыцынскай службы, блакадніцы Ленінграда.

Партрэты: гісторыя бібліятэкі ў асобах

111