ГалоўнаяНавіныКніжныя выстаўкі
Дакументныя фонды бібліятэк Беларусі
Глыбіня пазнання і асэнсавання

Памятаць, каб жыць

Памятаць, каб жыць
Іншыя навіны

З 16 снежня па 10 студзеня ў зале беларускай літаратуры (пам. 205) праходзіць кніжная выстаўка “Памятаць, каб жыць”, прысвечаная 75-годдзю з дня нараджэння Івана Гаўрылавіча Чыгрынава (1934–1996).


Дзейнасць драматурга, перакладчыка, публіцыста, сцэнарыста, грамадскага дзеяча, лаўрэата Дзяржаўнай прэміі Беларусі (1974), Літаратурнай прэміі імя А. Фадзеева (1979), народнага пісьменніка Беларусі І. Чыгрынава – важкі ўклад у культуру нашай краіны. Яго творчасць – яркая старонка сучаснай беларускай прозы. Шырокавядомыя ў нашай рэспубліцы і за яе межамі творы аўтара атрымалі высокую ацэнку чытачоў і крытыкі. Проза пісьменніка прысвечана падзеям Вялікай Айчыннай вайны. У ёй аўтар імкнуўся паказаць праўду таго суровага і гераічнага часу.

На кніжнай выстаўцы прадстаўлены больш за 160 дакументаў, якія сістэматызаваны ў тры раздзелы.

Першы раздзел “Сакрэты творчай лабараторыі І. Чыгрынава” ўключае зборы твораў, кнігі апавяданняў, раманы “Плач перапёлкі” (1972), “Апраўданне крыві” (1977), “Свае і чужынцы” (1984), ”Вяртанне да віны” (1994), “ Не ўсе мы згінем” (1996), п’есы, кнігі публіцыстыкі, крытыкі і літаратуразнаўчыя працы аўтара. Тут жа прадстаўлены творы, якія не выходзілі асобна, а друкаваліся ў часопісах: п’есы “Госці” (1993), “Савіцкі” (1994), “Прымак” (1994), ”Брат караля” (1995) і інш.

І. Чыгрынаў вядомы і як кінасцэнарыст. Ён з’яўляецца сааўтарам сцэнарыяў знакамітага тэлевізійнага фільма пра мінскае падполле “Руіны страляюць…” і кінафільма “Плач перапёлкі”, знятага па аднаіменным рамане.

На выстаўцы прадстаўлены таксама творы, пераклады якіх з рускай, узбекскай, дацкай, украінскай, армянскай моў зрабіў І. Чыгрынаў.

У другім раздзеле “Творы І. Чыгрынава ў перакладах” экспануюцца кнігі аўтара, перакладзеныя на рускую, англійскую, балгарскую, іспанскую, малдаўскую, нямецкую і іншыя мовы.

Трэці раздзел “Шчырасць, праўдзівасць, чалавечнасць” прадстаўляе публікацыі літаратурных крытыкаў, успаміны сяброў пісьменніка пра яго жыццё, творчасць і грамадскую дзейнасць, артыкулы пра мастацкія фільмы і спектаклі, пастаўленыя па яго творах. У раздзеле экспануецца кніга А. Марціновіча “Іван Чыгрынаў: нарыс жыцця і творчасці” (1999), у якой найбольш глыбока раскрыты жыццё і творчасць пісьменніка.

Кантактны тэлефон: 293-27-16.

Навіны

Семінар віртуальнай чытальнай залы ў Брэсцкім дзяржаўным тэхнічным універсітэце

28 Лют 2020

27 лютага ў Брэсцкім дзяржаўным тэхнічным універсітэце прайшоў семінар “Выкарыстанне рэсурсаў віртуальнай чытальнай залы Нацыянальнай бібліятэкі Беларусі пры стварэнні інавацыйнага навукова-адукацыйнага асяроддзя ВНУ”.

Навіны Нацыянальнай бібліятэкі Беларусі

Семінары віртуальнай чытальнай залы ў Нацыянальнай акадэміі навук Беларусі

28 Лют 2020

27 лютага серыя семінараў віртуальнай чытальнай залы па прадстаўленні электронных рэсурсаў працягнулася ў Нацыянальнай акадэміі навук Беларусі.

Навіны Нацыянальнай бібліятэкі Беларусі

Магчымасці выкарыстання віртуальнай чытальнай залы Нацыянальнай бібліятэкі прадстаўлены ў Брэсцкім дзяржаўным універсітэце

27 Лют 2020

26 лютага ў Брэсцкім дзяржаўным універсітэце імя А.С. Пушкіна прайшоў семінар "Сучасныя падыходы да павышэння эфектыўнасці інфармацыйнага забеспячэння навуковай і адукацыйнай дзейнасці".

Навіны Нацыянальнай бібліятэкі Беларусі

Семінар віртуальнай чытальнай залы Нацыянальнай бібліятэкі Беларусі ў Беларускім дзяржаўным універсітэце

27 Лют 2020

26 лютага ў Беларускім дзяржаўным універсітэце прайшоў семінар “Публікацыйная стратэгія вучонага”. Мерапрыемства было арганізавана БДУ сумесна з Нацыянальнай бібліятэкай Беларусі і кампаніяй Clarivate Analytics.

Навіны Нацыянальнай бібліятэкі Беларусі

Лекцыя “Ад «Маладняка» да «Маладосці»”

27 Лют 2020

26 лютага на факультэце сацыякультурных камунікацый Беларускага дзяржаўнага ўніверсітэта пры кафедры тэорыі і практыкі перакладу ў рамках рэспубліканскага праекта “На хвалі часу, у плыні жыцця” адбылася лекцыя “Ад «Маладняка» да «Маладосці»”.

Навіны Нацыянальнай бібліятэкі Беларусі

Эпізоды мастацкага жыцця Віцебска на старонках газет

27 Лют 2020

Пры ўсіх неадназначных працэсах, якія адбываліся на тэрыторыі Беларусі ў палітычнай, духоўнай і культурнай сферах у 1917–1922 гг., ішлі станаўленне беларускага нацыянальнага выяўленчага мастацтва і фарміраванне шматнацыянальнай групы мастакоў.

Праект “Сведкі эпохі: Беларусь на старонках газет 100-гадовай даўніны”

111