З 12 лістапада па 13 снежня ў зале выяўленчых і відэадакументаў (пам. 307) праходзіць выстаўка "Паэт бронзы і каменю", прысвечаная 170-годдзю з дня нараджэння французскага скульптара Агюста Радэна (1840–1917)
Творчасць аднаго з найбольш вялікіх і ўплывовых прадстаўнікоў еўрапейскага мастацтва XIX–XX стст., аднаго з заснавальнікаў імпрэсіянізму ў скульптуры, паводле яго ўласнага прызнання, вагалася паміж гармоніяй антычнай скульптуры, з уласцівай ёй спакойнай дасканаласцю форм, і суровай веліччу Мікеланджэла, напоўненай страснай барацьбой.
Адна з самых значных работ майстра "Брама Пекла" ўяўляе сабой гіганцкі бронзавы рэльеф з выявамі вобразаў Дантэ. Асобныя групы і скульптуры набываюць самастойнае жыццё – "Мысліўца", "Пацалунак", "Цень", "Адам", "Ева", "Данаіда".
Імя скульптара нязменна асацыіруецца з тэмай кахання, якая прадстаўлена ў цэнтральнай частцы экспазіцыі. У сваіх знакамітых творах "Пацалунак", "Вечная вясна", "Убор Венеры", "Рамеа і Джульета" Радэн узвялічыў прыгажосць аголенага цела і паэзію кахання.
Талент майстра выявіўся таксама ў стварэнні скульптурных партрэтаў. На выстаўцы прадстаўлены малюнкі найбольш вядомых работ – "Бальзак", "Партрэт Віктора Гюго", "Думка".
Уплыў творчасці Радэна на развіццё сучаснага мастацтва цяжка пераацаніць, бо менавіта ён паклаў канец перыяду застою ў галіне скульптуры і зноў зрабіў яе сродкам адлюстравання духоўнага свету асобы.
На выстаўцы дэманструюцца альбомы, кнігі, артыкулы і паштоўкі з работамі знакамітага скульптара. Экспазіцыя разлічана на ўсіх, хто цікавіцца біяграфіяй і творчасцю Агюста Радэна.
Кантактны тэлефон: 293-27-53.
 |
 |
 |
 |
 |
 |
