ГалоўнаяНавіныКніжныя выстаўкі
Бесклапотныя каралі беларускай літаратуры
Семінар па інфармацыйным забеспячэнні навуковай і адукацыйнай дзейнасці

Па старонках вялікага жыцця

Па старонках вялікага жыцця
Іншыя навіны

З 4 па 31 снежня ў кальцавым калідоры 2-га паверха адкрыта выстаўка, прысвечаная 100-годдзю з дня нараджэння Аляксандра Салжаніцына.

Аляксандр Ісаевіч Салжаніцын – рускі пісьменнік, драматург, публіцыст, паэт, грамадскі і палітычны дзеяч, які жыў і працаваў у СССР, Швейцарыі, ЗША і Расіі, лаўрэат Нобелеўскай прэміі па літаратуры “за маральную сілу, перанятую з традыцыі вялікай рускай літаратуры” (1970) .

Да 100-годдзя з дня нараджэння Аляксандра Салжаніцына ў Нацыянальнай бібліятэцы Беларусі падрыхтавана выстаўка “Па старонках вялікага жыцця”, на якой прадстаўлена больш за 100 дакументаў: яго літаратурна-мастацкая творчасць, палемічныя эсэ, літаратурна-крытычныя нарысы, а таксама даследаванні жыцця і творчасці пісьменніка.

Цэнтральную частку выстаўкі займаюць чатыры буйныя творы “Красное колесо”, “Раковый корпус”, “Архипелаг ГУЛаг”, “В круге первом”, а таксама збор твораў, які рыхтаваўся да друку пры ўдзеле самога аўтара.

У экспазіцыю ўвайшлі і творы Аляксандра Ісаевіча, якія прынеслі пісьменніку сусветную славу: “Один день Ивана Денисовича”, “Матрёнин двор” і “Захар-Калита”.

На выстаўцы прадстаўлены тэкст нобелеўскай лекцыі, якую прачытаў Аляксандр Салжаніцын ў Стакгольме.

Выстаўка адрасавана літаратуразнаўцам, выкладчыкам, студэнтам і ўсім, хто цікавіцца творчасцю А.І. Салжаніцына і гісторыяй рускай літаратуры ХХ стагоддзя.


Час работы выстаўкі адпавядае рэжыму работы бібліятэкі.
Уваход – па чытацкім білеце або білеце сацыякультурнага цэнтра.

Тэлефон для даведак: (8 017) 293 29 80.

Матэрыял прадстаўлены аддзелам галерэйна-выставачнай дзейнасці.



Навіны

Доўгая дарога да дома Караткевіча

13 Сне 2019

Адзін з найзначнейшых юбілеяў, якія будуць адзначацца ў надыходзячым 2020-м — 90-годдзе з дня нараджэння Уладзіміра Караткевіча. Як налета збіраюцца ўшанаваць памяць аб славутым земляку на ягонай малой радзіме — пакрысе высвятляецца ўжо сёння.

Навіны бібліятэк

Статус гісторыка-культурнай каштоўнасці атрымае феномен “Паўлінкі” Купалаўскага тэатра

12 Сне 2019

Статус гісторыка-культурнай каштоўнасці атрымае тэатральны феномен спектакля “Паўлінка” Нацыянальнага акадэмічнага тэатра імя Янкі Купалы. Такую прапанову сёння падтрымаў Беларускі рэспубліканскі навукова-метадычны савет па пытаннях гісторыка-культурнай спадчыны пры Міністэрстве культуры, паведамілі ў Мінкульце.

Навіны бібліятэк

Пра беларускіх ілюстратараў, якія прысвяцілі талент Яе Вялікасці Кнізе

11 Сне 2019

“Я не самотны, я кнігу маю…” – невыпадкова радок з верша Максіма Багдановіча прагучаў на ўрачыстай прэзентацыі кнігі журналіста Вольгі Паўлючэнкі “Малюнак пад кніжнай вокладкай”, якая адбылася 10 снежня ў бібліятэцы.

Навіны Нацыянальнай бібліятэкі Беларусі

Аўдыякалекцыя літаратурнай класікі і сучаснай прозы Беларусі – на старонцы вэб-навігатара “Беларусь у інфармацыйнай прасторы”

11 Сне 2019

Міністэрства інфармацыі Рэспублікі Беларусь прадаставіла ў адкрыты доступ падрыхтаваную выдавецтвам “Вышэйшая школа” калекцыю твораў беларускіх пісьменнікаў, агучаных вядучымі акцёрамі Беларусі.

Навіны Нацыянальнай бібліятэкі Беларусі

Раман Матульскі: “У сучасным свеце няма ведаў канстанты”

10 Сне 2019

6 снежня адбылася сустрэча фіналістаў конкурсу “Студэнт года” з дырэктарам Нацыянальнай бібліятэкі Беларусі, старшынёй грамадска-кансультатыўнага савета па пытаннях адукацыі пры Міністэрстве адукацыі Рэспублікі Беларусь, доктарам педагагічных навук, прафесарам Раманам Матульскім.

Аўтарскі погляд

111