ГалоўнаяНавіныКніжныя выстаўкі
Усё пра Латвію: як прайшло адкрыццё фотавыстаўкі “Далягляд”
Запрашаем на літаратурную сустрэчу з пісьменніцай Ганнай Севярынец

Не сучаснаму рабству

Не сучаснаму рабству
Іншыя навіны

З 24 ліпеня па 31 жніўня ў аддзеле абслугоўвання афіцыйнымі дакументамі (пам. 207) адкрыта тэматычная выстаўка “Не сучаснаму рабству!”, прысвечаная Сусветнаму дню барацьбы з гандлем людзьмі.

Гэты Дзень быў абвешчаны 18 снежня 2013 года на 68-й сесіі Генеральнай асамблеі ААН (рэзалюцыя А/RES/68/192) і кожны год адзначаецца 30 ліпеня пачынаючы з 2014 года.

Гандаль людзьмі – гэта сур’ёзнае злачынства і грубае парушэнне праў чалавека. Кожны год мільёны людзей, у асноўным жанчыны і дзеці, становяцца ахвярамі падману і насілля, пераўтвараюцца ў “жывы тавар” і падвяргаюцца эксплуатацыі. “Новы гандаль рабамі” стаў вострай і шырокамаштабнай праблемай сучаснасці. Усе краіны свету, ці то краіна паходжання, ці транзіту ці прызначэння, пакутуюць ад гандлю людзьмі. Па даных ААН, агульная колькасць рабоў на зямлі складае 21 млн чалавек. Трэцяя частка з іх – гэта дзеці. Сярод ахвяр гандлю людзьмі 71 % – гэта жанчыны і дзеці.

“Гандаль людзьмі ажыццяўляецца ў многіх формах і не ведае межаў. Гандляры людзьмі дзейнічаюць без пакарання, бо іх злачынствы не атрымліваюць дастатковай увагі. Гэту сітуацыю неабходна змяніць,” – адзначыў у сваім выступленні генеральны сакратар ААН Антоніу Гутэрыш.

30 ліпеня 2010 года рэзалюцыяй 64/293 Генеральная асамблея прыняла Глабальны план дзеянняў ААН па барацьбе з гандлем людзьмі, у якім звярнулася да ўсіх адпаведных органаў ААН з рашучым заклікам каардынаваць намаганні для эфектыўнай барацьбы з гандлем людзьмі і для абароны праў чалавека. Адным з найважнейшых палажэнняў Плана стала стварэнне Мэтавага фонду ААН для дабрачынных узносаў на дапамогу ахвярам гандлю людзьмі, асабліва жанчынам і дзецям.

У верасні 2015 года была прынята Павестка дня ў галіне ўстойлівага развіцця да 2030 года, у якой былі пастаўлены канкрэтныя мэты і задачы па барацьбе з гандлем людзьмі. У Павестцы дня адзначана неабходнасць пакончыць з гандлем дзецьмі, гандлем людзьмі ў цэлым, а таксама насіллем адносна жанчын і дзяўчынак.

Рэспубліка Беларусь была адным з ініцыятараў заснавання Сусветнага дня барацьбы з гандлем людзьмі. Наша краіна – удзельніца ўсіх універсальных канвенцый ААН, накіраваных на супрацьдзеянне гандлю людзьмі, а таксама Канвенцыі Савета Еўропы аб супрацьдзеянні гандлю людзьмі. У 2017 годзе Беларусь унесла трэці дабрачынны ўзнос у Мэтавы фонд па абароне ахвяр гандлю людзьмі, асабліва жанчын і дзяцей, а ў 2018 годзе – дабрачынны ўзнос на пазабюджэтны праект АБСЕ па барацьбе з гандлем людзьмі ўздоўж міграцыйных патокаў.

У нашай краіне дзейнічае Закон Рэспублікі Беларусь “Аб супрацьдзеянні гандлю людзьмі”, рэалізуецца Дзяржаўная праграма па барацьбе са злачыннасцю і карупцыяй на 2017–2019 гады, у якой асаблівы акцэнт зроблены на папярэджанне гандлю людзьмі, абарону і рэабілітацыю ахвяр. Матэрыялы выстаўкі раскрываюць розныя аспекты праблемы “новага гандлю рабамі” і знаёмяць з даследаваннямі феномена рабства і гандлю людзьмі.

Выстаўка ўключае наступныя тэматычныя раздзелы:

  • Праблема гандлю людзьмі: гісторыя і сучаснасць
  • Міжнароднае супрацоўніцтва ў галіне процідзеяння гандлю людзьмі
  • Пакрыццё шкоды ахвярам гандлю людзьмі
  • Міжнародна-прававыя асновы барацьбы з гандлем людзьмі
  • Рэспубліка Беларусь супраць трафікінгу

У экспазіцыі прадстаўлена каля 100 дакументаў на рускай, англійскай, французскай і нямецкай мовах. Большую частку экспазіцыі складаюць дакументы міжнародных арганізацый: кнігі, брашуры, мімеаграфаваныя дакументы ААН, перыядычныя выданні.

Выстаўка прызначана для супрацоўнікаў следчых і аператыўных падраздзяленняў праваахоўных органаў, псіхолагаў, сацыяльных работнікаў, суддзяў, адвакатаў, выкладчыкаў і студэнтаў вышэйшых навучальных устаноў юрыдычнага профілю, а таксама для ўсіх зацікаўленых станам праблем кіравання працэсамі барацьбы з гандлем людзьмі.

Карысныя спасылкі


Час работы выстаўкі адпавядае рэжыму работы бібліятэкі.
Уваход – па чытацкім білеце або білеце сацыякультурнага цэнтра.

Тэлефон для даведак: (8 017) 293 27 28.

Матэрыял прадстаўлены аддзелам абслугоўвання афіцыйнымі дакументамі.

Навіны

Прастору бібліятэкі ажывілі эцюды Пятра Шарыпы

16 Сне 2019

У Нацыянальнай бібліятэцы адкрылася выстава “Святло і паветра”, на якой прадстаўлены творы выдатнага майстра краявідаў, беларускага жывапісца Пятра Пятровіча Шарыпы (1942–2013).

Навіны Нацыянальнай бібліятэкі Беларусі

У Маскве адкрылася выстаўка “Сімяон, сын Полацка”

13 Сне 2019

12 снежня ў Дзелавым і культурным комплексе Пасольства Рэспублікі Беларусь у Расійскай Федэрацыі адкрылася кніжна-ілюстрацыйная выстаўка “Сімяон, сын Полацка”, прысвечаная 390-годдзю з дня нараджэння дзяржаўнага, царкоўнага і культурнага дзеяча Беларусі і Расіі.

Кніжныя выстаўкі

“Школа даследчыка” навучыць, дзе і як шукаць літаратуру

13 Сне 2019

Нацыянальная бібліятэка Беларусі валодае шырокім спектрам электронных інфармацыйных рэсурсаў, якія адлюстроўваюць не толькі нашы фонды і фонды іншых бібліятэк, але і дзясяткі мільёнаў лепшых сусветных публікацый з ліцэнзійных баз даных.

Навіны Нацыянальнай бібліятэкі Беларусі

Доўгая дарога да дома Караткевіча

13 Сне 2019

Адзін з найзначнейшых юбілеяў, якія будуць адзначацца ў надыходзячым 2020-м — 90-годдзе з дня нараджэння Уладзіміра Караткевіча. Як налета збіраюцца ўшанаваць памяць аб славутым земляку на ягонай малой радзіме — пакрысе высвятляецца ўжо сёння.

Навіны бібліятэк

Статус гісторыка-культурнай каштоўнасці атрымае феномен “Паўлінкі” Купалаўскага тэатра

12 Сне 2019

Статус гісторыка-культурнай каштоўнасці атрымае тэатральны феномен спектакля “Паўлінка” Нацыянальнага акадэмічнага тэатра імя Янкі Купалы. Такую прапанову сёння падтрымаў Беларускі рэспубліканскі навукова-метадычны савет па пытаннях гісторыка-культурнай спадчыны пры Міністэрстве культуры, паведамілі ў Мінкульце.

Навіны бібліятэк

111